我想問一問~有關分場問題

離日

我想問一下,分場係邊個定既呢?幾時定?邊到至邊到等於呢個場/果個場?

一話係d霸道既人既自私定律?係唔係大部份人都讚同?

麻煩各位解答一下,順便表達埋你地既意見,係同意定唔同意

只for"討論"唔好罵戰~發現即關post~~thx

raysonlove

分場呢樣野真係唔知幾時開始"
來先個場就係佢地" 跟住係個場入面又分區... 之類~
其實同唔同意我係要睇情況.
例如以黑土團為例:
如果得2團人. 就1組上 1組下.. 分場無問題"
如果有3團人或以上.. 各自拉怪 唔好打到對方拉的怪就可以"
南瓜都一樣..."
其實分場與否就真係各有意見啦~" 我只係表達我自己的意見"
就算係主持又好 反對又好..
個人覺得 都係禮貌比較重要"
例如以下情況...:
有一團人(5個) 打緊黑土 當時並無其他人.
打左大約5-7轉 突然有1個人來打...
之後個個人狂打個團人拉的怪.. 但係該團人都唔介意..
讓左下面比佢打.. 成團係上面拉怪..
過左陣 下面個位仁兄又上來打"
但係當時下面並無其他人打...
而該團人都好客氣咁問佢:"組唔組? 有位啵..."
結果對方惡言相對... 仲要爆粗話:"XXXX.. 個場有你地名? 一定要組先打得?"
  
上述情況係真人真事.. 最後我地成組人都無視佢. 自己打自己的..."
以上係小弟的愚見"
  
另外. 樓主~ 你呢句:"一話係d霸道既人既自私定律?" 有D睇唔明.. 係錯字定咩~@@?
話說. 樓主你又講下你的睇法啦~@@"

yamajack

我試過一個人係度打左好耐, 之後有幾個人黎到附近打, 咁佢地有佢地打, 我有我打拉.
過多陣佢地走過黎我度話: 搶場呀? 去第2度打拉!
下 = = 我打左成個鐘你地先黎打, 我都冇出聲, 仲要比人趕!冇野下話...
我唔走佢地就成日走黎我果點清晒d怪, 惡人當道. 我就off唔玩

吸血鬼王

重任...係唔係真係唔可以一個人打?
一個人打就會係外掛?
呢幾日...好有趣...2個cases...

我自己一個...打黑土...(我係劍) 岩岩拖完一堆...cd緊技...單打住先啦...
點知有其他人路過...(唔識的)...走過我...之後開紅...打左2下...
我就唔打怪住...走開兩步先啦...見佢又唔打我...我先清埋隻怪...
再諗住問佢做咩果陣...佢就走左去...
想問下...自己一個打...就等於用外掛? 打錯人道歉都冇聲? 大盟就真係打橫行都得?

另一單...又係黑土...我同佢...都成日單打 @@
佢又係自己一個打...通常佢有佢打...我有我打...
突然...gm係佢身邊出現...懷疑佢係外掛...當然...佢即時跟足gm講既野做...
一個人打...唔team...又比人當外掛同gm舉報...

raysonlove

重任係可以一個人打-口-..
當年我搵唔到南瓜團都係單人拉怪打... (一樣係劍=.=")
只係有D白痴仔.. 問都唔問下. 見到人地單打怪就開紅P"
打錯的話又唔道歉..
不過鬼王. 呢句:"大盟就真係打橫行都得?"
就要睇情況而言啦.. 我的確見識過幾個"大盟"係咁=.="
但係有d都唔係的...
例如:掃黃... 之前同掃黃某D會員有私怨. 佢第一時間同我傾.
之後就以"文化"來解決問題"

相反. 有D大盟就人多來蝦D較小的盟會... 呢D就真係令人歧視之..
甚至出現某D外掛盟=...="

vincentfanhk

呢隻game好處就係打一下隻怪就已經係你的了,我覺得呢樣幾好,拉怪各有各拉law.
無話咩搶唔搶怪or霸場.
當然人多一定係會分薄左架啦.咁都睇唔開係果個人eq有問題姐.
而家又出埋轉國書真係恐怕人多的國會更多呢d事發生=.="

我玩有d game係計扣怪血量來計算經驗及掉寶的得主,呢d咪仲慘,玩ec,遠攻就真係俾人搶到pk啦.
所以小弟都唔係好明連呢隻game都會有咩搶怪情況出現.

至於霸場真係仲黎普........無謂解釋=.=根本就是無理之言

至於單練組練各有各自由.人地唔想分經驗分寶慢慢打都唔關自己事的.無話唔組就係唔岩

[ 本帖最後由 vincentfanhk 於 10-1-25 05:54 PM 編輯 ]

raysonlove

呢隻GAME係有得搶怪的..."
同埋轉國書都唔係近排先出啦.. 出左好耐=口=" 岩岩開GAME無耐已經有= ="

搶怪的情況係會有~ 點先有?
無錯. 如果你打左隻怪2-3野D經係你的"
但係好似黑土咁.
黑土怪係主攻. 所以唔洗隻隻都打一野~
有陣時拉到一堆. 無啦啦俾人打左2-3野. 咁就俾人搶左隻~
不過呢D情況其實都無咩所謂~
有D人EQ較低.. 俾人搶1-3隻怪就爆哂粗要開紅咁...
玩GAME姐.. 何必傷和氣?

離日

原帖由 vincentfanhk 於 10-1-25 05:52 PM 發表
呢隻game好處就係打一下隻怪就已經係你的了,我覺得呢樣幾好,拉怪各有各拉law.
無話咩搶唔搶怪or霸場.
當然人多一定係會分薄左架啦.咁都睇唔開係果個人eq有問題姐.
而家又出埋轉國書真係恐怕人多的國會更多呢d事發 ...

我既意見同你一野~英雄所見略同

有d人自己打一個場人地打一兩隻怪都已經話人搶怪

離日

原帖由 raysonlove 於 10-1-25 05:10 PM 發表
分場呢樣野真係唔知幾時開始"
來先個場就係佢地" 跟住係個場入面又分區... 之類~
其實同唔同意我係要睇情況.
例如以黑土團為例:
如果得2團人. 就1組上 1組下.. 分場無問題"
如果有3團人或以上.. 各自拉怪 唔好打 ...

我既意思係話,"分場"

係唔係d人自私而自己定下既規矩

Table_tennis

無論玩劍鬥或聖騎，我都喜歡自己一個人打，甚少組隊。
組隊打的確升得快一點，但材料亦會少很多！
最重要是我享受遊戲的樂趣，討厭那種「趕」的感覺。

有時打打下有一團人過來，我也自動自覺不會「阻住地球轉」，一係入隊，一係轉打其他區域，再唔係就縮埋一角打，絕少同人搶。

哈曼嘉

重任期,多數都有2款以上既怪比你簡.一邊易打既怪比人打左咪打辛苦d既怪囉~先到先得就玩咩game都梗架啦
2款都有人既話咪轉分流囉,守分流都爆場既話.... 咁你轉國啦,多人到咁
咩場同咩場就視乎打咩怪既姐,南瓜場咪即係有南瓜果個場囉...(凍)
咁如果人地係你到之前以經成team人團練緊,你走佢R走人地一邊怪,攪到兩邊都要等重生,你自己又慢,人地6個人仲慢,可苦呢?

Table_tennis

對啊，其實最緊要有耐性。
我剛 44 出頭，人人爭著打黑土，我自己一個打半獸人和箱子，雖然兩種怪對我來說都是橙色字，但勝在半獸人是惡魔，聖光有追加傷害，也殺得很快。

我是聖騎，多打幾次便找到竅門了。
先放聖甲和聖劍，一次打 6 隻半獸，然後放結界加長駐光盾，打一圈箱回來（8 隻），聖甲和聖劍剛好冷卻完畢，又可打 6 隻半獸了，順便吸滿血。
如此循環，血、魔都不會少，一次打兩個任，都不用喝水或休息。
除了打重任外，亦有很多材料。

離日

哈哈,咁一個人霸一個場果d又點計

紅茶o賢∮

場=地區=.=應該系咁掛

koion

原帖由 Table_tennis 於 10-1-26 12:41 AM 發表
無論玩劍鬥或聖騎，我都喜歡自己一個人打，甚少組隊。
組隊打的確升得快一點，但材料亦會少很多！
最重要是我享受遊戲的樂趣，討厭那種「趕」的感覺。

有時打打下有一團人過來，我也自動自覺不會「阻住地球轉」 ...

有時縮埋一角打都會俾人趕o_o
南瓜細場就係一個好例子o_o

牛奶糖戰士

要追憶分埸呢種講法,應該係由(神州)呢個遊戲開始,當時人多怪少,有某d為左保障個人升級進度(因果時升1級超難,98級升99級要用2個月,每日最少1x小時先升到,兼打寶率奇低)加上外掛的出現,變相升級打寶更難,慢慢咁就各自為政(只求自己升度級兼打到寶)才會變成分埸呢個睇法(呢個係香港獨有,因我玩過台灣同大陸遊戲都冇呢個現象,台灣冇分埸,大陸講拳頭)

個人就唔太喜歡分埸,要點分先叫公平????先到先得????咁我尋晚係個埸下線,咁我上線果埸又係咪我既????

以上只係果人見解,不喜勿插

raysonlove

"神州"我未玩過... 小弟玩得好少OLG= ="
如果1個人霸1個場就無野好講啦= ="
老實講.. 分場係無公平可言.. 現實都無=.="
來先的. 個場就佢的.. 好野. 24小時上線D人就唔洗去打~
TW都有所謂的"分場" 只是叫做"點"而已..
但係情況好大分別..
以希望為例... 有玩過TW的玩家都應該知道 部份玩家認為先到先得就擁有該"點"的打怪權...~
後到者打怪.. 就係"搶點"行為.
換返香港地道方言就叫做"搶場"..........~
其實打機都係求開心嫁姐... 反正唔好搶到大家打的怪就無咩所謂...
當然 有陣時係無心之失. 但係有陣時就係故意的.."
兩類情況係唔同的處理方法~_~"