此post已完

乂聖鬥士乂

如題
老母由細養到我大  大大話話都用左百幾二百萬   
每次嘈交果陣  都因為受佢恩惠  想講野大聲d都唔得  每當道理係企係我果邊  佢就拎養我用果d錢出黎撻我  我覺得好辛苦
有時明明係佢做錯 同佢嘈 但最終都因為 佢用好多錢養大我e個point  搞到我冇聲出   
有時佢同老豆嘈或姐呀哥嘈  明明佢唔岩  我緊係睇唔過眼插把口埋去
(可能有d人覺得我插把口埋去係好笨既事 但係我覺得  就係因為大家係屋企人先插把口埋去 講出心入面既感受 比著係外人 扮聽唔到就算啦)
佢又話  大人d野細路仔唔好理(我都成18歲人-.-)  講到佢好似係岩咁  之後插我  明明就係佢唔講道理

有好多時候  佢比錢我洗  我都用盡藉口唔拎 推番比佢  都係唔想受咁多恩惠  希望講野可以有力d  希望終有一日可以堅持住自己認為岩既事
-.-  但無奈地  出世開始到e加我就受左無數既恩惠   就算e加既我點樣減少受既恩惠  都係一條還唔清既債....學費 食飯錢 其他洗費  一直都係用緊錢

-.-人生真係萬劫不復

為左錢 道理站不穩
為左錢 黑都變白
為左錢 真心話都要被ban

我真係唔想我成世人都比細個受人既恩惠束縛住.............  好想拿拿林中番條6合彩 還番晒d錢比人

[ 本帖最後由 乂聖鬥士乂 於 10-2-25 05:55 PM 編輯 ]

傻K!nG

唔可以禁樣諗...
大個左就會知道 細個父母鬧你 都係為你好
如果父母 唔理你 我寜願俾佢鬧
大家都係一家人 過左一日 又係新的開始
希望你可以同屋企人感情變好

乂聖鬥士乂

原帖由 傻K!nG 於 10-1-29 08:21 PM 發表
唔可以禁樣諗...
大個左就會知道 細個父母鬧你 都係為你好
如果父母 唔理你 我寜願俾佢鬧
大家都係一家人 過左一日 又係新的開始
希望你可以同屋企人感情變好

-.-我錯罵我唔緊要   

但好多時候明明係佢錯 就因為我比佢養大  搞到我冇聲出我覺得好唔順 條氣  -.-

路人荿

人一嬲   好多時會做出自己都無法理解既事情

唔好怪父母.....    可能基於教育 生活習慣  工作壓力等等因素..

好多時 習慣性講 一些有口無心的傷害人說話   作為子女請包容一下

好多時     為爭論一些瑣碎事情  吵得面紅耳赤    幾無謂呢?

如果父母    真係一心想為錢   又何必生一個孩子出來  勞心勞力  分分鍾仲要係0收獲 甚至變成負擔

以你所言   你的家境該算不錯吧   

小弟我  家境麻麻    每當見到父母工作回來   疲倦的面容   我都會怪責自己無用  不能給家人一個安隱....

天下父母   哪有一個不痛惜自己兒女~      

樓主~  你仲年輕  你父母還未步入老態...

試想一下   20年後  你作為人父    又該如何自處呢?

生活本來就有一種壓力   誰也有~

＞栗子＊｝｝

樓主...佢地係你父母  呢個係事實改變唔到
有時當佢地真係錯   可以選擇心平氣和咁同佢地講
我相信心平氣和咁  佢地會明...

債?
點解你會覺得係債呢? 佢地用錢係你身上係想為你好
最後  你每次出糧比家用佢地  都係想為左父母既晚年好過
點解會係債? 點解會叫係還錢?

仲有你覺得你唔再係細路?我想講既年齡唔係代表你已經係大人
係睇你成唔成熟  當佢地覺得你已經夠成熟,獨立
佢地都會開始講d比你聽  因為佢地覺得你有能力去幫手解決

以上都係個人意見

乂聖鬥士乂

-.-其實我每次都心平氣和咁同佢地講   念住佢地會明  結果就係 細路仔唔好多事 理咁多做乜

我知道18歲唔代表成熟-.- 自己其實係大人定細路都心中有數  

但係我想講既係  就算我唔夠成熟都好 都未至於那一邊岩那一邊錯 那一邊有理那一邊無理都分唔清-.-

每次當我站係我認為是對的果邊  佢地唔夠我講  就用養大我d錢黎撻我 我覺得好不爽-.-

佢地成日話我唔識睇人眉頭眼額 明知人地唔鍾意聽都繼續講-.-

但係...對住屋企人都要成日睇眉頭眼額  唔可以講出心底話既  咁家人同街外人有咩分別-.-

爭霸者

咁諗野都得既-,-~~~西利

好傻的傻仔

家庭不是錢銀上借與還的遊戲
沒有父母那種孤獨的痛苦 , 不是你現在那種不爽能夠比得上

shen6454

手機竊.聽器竊.聽器材手機監.聽器監.聽手機手機監.聽器軟件手機竊.聽器軟件手機監.聽軟件手機監.聽器是真的嗎北京手機監.聽器手機定位器|手機跟.蹤器手機監.聽器手機竊.聽器軟件下載手機竊.聽器監.聽器北京手機監.聽器電話監.聽器手機監.聽器軟件下載|手機監.聽器是真的嗎手機監.聽北京手機監.聽器成都手機監.聽器|手機定位器鄭州手機監.聽器手機跟.蹤定位器手機號碼定位器免費手機跟.蹤定位器上海手機定位器手機定位器軟件   http://www.292123.com     

公司主要以生產和銷售手機竊.聽器,手機監.聽,監.聽手機,手機定位器,定位軟件,監.聽器材,手機監.聽器軟件,手機竊.聽軟件等一係列監.控器材，產品齊全懽迎您的選購. http://www.292123.com  

babby1992

如果你係用錢來計較你同你家人GA.錦就要反思..雖然我細你一年..但係有時家人罵你...講野(單單打打)佢地有時講野可能會太過OR明屈錦.但係佢地錯GA我地唔係去記住,
而係要去做到佢地都覺得做仔係冇做錯.

作為生你育你GA人,一早就唔會去計較錢喱個問題.
我錦諗可能係好傻仔但係點解 唔試下每次嘈交果陣你從佢地個道諗會唔會係佢地誤解左
就算佢地有錯..做仔GA都要明白到有時大家互相忍讓 忍一忍..佢地做好快冇左件事GA LA^^

[ 本帖最後由 babby1992 於 10-2-16 10:32 PM 編輯 ]

友誼第一^.^

錢係還唔清, 湊一個細路仔唔容易
出世個幾個月, 晚晚喊到飛啦非呢
又要飲奶, 又要賴屎賴尿, bb仔又唔o禁吹風
又要人抱, 哩d just基本野
如果為個仔女好, 可能做好多胎教
播古典音樂畀佢地聽, 出左世, 3歲前就畀d卡通卡牌佢地睇, 畀d有益學到野既動畫佢地去
哩d學前教育好重要
小學生, 好百厭, 成積唔好父母唔開心, 又怕你係學校點樣玩, 搞事
上左中學, 反叛青春期, 驚你會唔會跟黑社會, 驚你索k食白粉, 又要擔心你成積
到出左社會, 又驚你唔生性, 冇前途
半夜起身, 個心拿住拿住咁up, 個阿媽自己係到咁喊

火玲瓏〞

只想講 我愛家人

發哥

$你可能還得晒既~親情同愛你還得晒咩

乂聖鬥士乂

今日 小弟又同老媽嘈

本身阿媽同老豆嘈交先 ,一睇就知係我老媽唔岩,因為我同老豆同呀哥一直叫佢唔好做既野 佢偏偏做左(又係果d害死人既金融/樓宇買賣)
(根據過往經驗 老媽輸過好多好多次 數目唔少 夠比我地供完e加間屋再供多間 所以比佢做果d買賣 根本就係掉錢落街 )  

我老豆話佢  佢又話乜野 你搵咁少錢番黎仲係到嘈?我幫你捱咁久你e d錢都同我計?

人地格黎屋xxx呀  一個人養起老婆架 唔洗老婆捱架  一個月搵xxxxx人工

係你先咁冇用要你老婆出黎捱世界番工架咋

自己搵得少仲係到嘈?(老豆之前比人炒過幾獲 人工都慢慢縮水 縮到少過老媽)

之後又話  e加拎d錢去買賣就係到罵我  羸左你又問我拎?(d錢唔係老媽 而係大家  點解輸既要大家一齊輸,羸左又唔可以問佢拎?)

明明未經同意拎左人地d錢黎做買賣  仲咁大口氣罵人 真係未見過咁既人

聽到佢地d對話好 覺得老媽好唔岩 好想開口話佢  但根據過往經驗  都係比佢罵番轉頭  用養我d錢黎撻我撻到冇聲出
所以我就冇出聲  繼續坐係到做功課

事後..過左一段時間.....老母又對住我地係到講乜野同老豆罵交呀 點點點....開頭冇乜野  念住算 都係唔理

點佢佢又話....我比你地補習都比左成1百萬呀....(佢唔係第一次咁講  每次咁講我到火撚滾,佢成日係d親戚朋友面前咁樣講  搞到人地以為我地用左佢好多錢咁)
  
之後我就忍唔住  同佢計D補習費  計出黎 去到最盡都係10萬(仲要係有好多時間冇補習 我都當我有補習)  如果渣正黎計  可能得五-六萬tim

之後佢唔夠我講 又係到話  邊個邊個都話有一百萬呀....(火撚滾  我有條數係到計比你睇你都唔信!?根本就唔想認自己一直都係到作大)

之後...老媽又發招  冇啦啦拉第2d野黎講  補習唔夠100萬? 咁食呀住呀果d呢  唔洗錢呀???細個搵人照顧你唔洗錢呀?

之後我冇聲出.....佢仲話  你咪再話你補習冇100萬呀下!!
火撚滾  明明就係講緊補習費  講講下唔夠人講 就講第2d 跟住加埋d錢既數目  仲時不時用細個果陣d錢黎撻我

-----------------------------------

可能有會員會覺得,就算唔補習 我都用左屋企人好多錢 果d衣食住行   根本唔需要咁計較果d補習費....

但係我真係好介意佢成日作大話用100萬比我補習.....平時係親戚朋友面前
講養大我要好多錢 , 單單計衣食住行既話 ,相信絕大部份人都差唔多 , 由bb仔到e加加埋都係用好多錢 , 所以d人聽起上黎會覺得好正常
但係佢係人面前加 補習費用左成100萬  就完全唔同講法....因為正常人 唔會拎 或姐 根本拎唔到 咁多錢出黎補習(拎100萬補習  補10年  1年補10萬!?)
d人又會話  睇下你地呀媽對你地幾好呀...點點點....好羨慕  點點點......又以為我屋企好有錢....成日都比d暗言暗語我同呀哥聽...我覺得d說話好難聽

讀書唔叻  d人又會話   成百萬補習都點點點點.......

d人以為我屋企好有錢 話靜係補咁多習都知你屋企有錢 之後又點點點  我話 我屋企冇錢 仲欠緊銀行錢....d人又係到話我講大話  話我扮野 係到比說話我聽....

總括黎講 自從佢對住周圍既人講用100萬黎補習(仲成日講)   果d真係以為我有錢既人  就開始用羨慕,妒忌黎望我 久唔久就有d冷言冷語....我明明就係過緊同大家一樣既普通生活,屋企都冇乜錢,但係就要面對住e d冷言冷語既

我覺得好無辜....  每次想同老媽講番  都比佢罵番轉頭.........好似之上文講既咁........

佢成日一做錯事唔夠人講 就拎錢撻人 我真係唔想終有一日 比佢指住我個頭同我講 : 你女朋友都係我比錢養架!<----( e句野真係聽完即刻當場收皮)(小弟還未拍過拖 所以暫時都唔驚佢會咁講....但係我唔想將來拍拖果陣聽到佢咁講)

我好想嘔番晒d錢出黎比佢  等下次話佢唔岩果陣唔洗再比佢用以往用d錢撻
---------------------------------------------------------
唔少會員都會話   屋企人罵你 都係為你好.........我都希望老媽係咁...至少可以以理服人........但事實上根本冇道理可言   亦睇唔出佢e種做法點樣為我好


我同屋企人好少嘈交  佢地自己都好少嘈 大家成日都有講有笑

但每次一講到e個話題  大家就開始嘈...

[ 本帖最後由 乂聖鬥士乂 於 10-2-21 05:36 PM 編輯 ]

lee111

話說

錢是利害之物

足夠改變你熟識的一切事物

問題是在於人對錢的執著性

有人認為.人一生就是為了生存而生活
對.這是正常的

但你怪便怪自己在這個糟糕的星球上
生活不是一個人的事
因為.這是一個社會/國家中的平衡

沒有錢的出現.便猶如無什麼"特定意義"去每天為什麼而做
不.錢.只是用來換取生活需求的條件

錢的唯有手法.就是人與人的利用
你幫了我.你為了我.你甘心被我控制/所擭得的"賠償"

每一天.你賺的錢.不會是真心為工作而快樂
只因為.你工作便是為了錢而選擇日日工作

但可以說.這種殘酷的現實.你需要由某些娛樂去暫時忘記自己的存在
好像找一夜情等等的.所謂解放壓力去忘記自己身在壓力中的煩惱

我只可以說.工作的本質.隨著錢的利害問題
漸漸變得"眾人因錢而生"

社會進步下.必要的是勞動力
世界不會停.因為人類就是要每一天為追求著"生存"
的確.錢是會令人傷感情

只因.你要記得人是獨立體
彼此思想各不一

就算你把別人當成朋友
什麼關係也好

只要涉及是自身利害關係時
他便會表露無遺


這當然對於很多樂天的人是一句"極負面"的思想!

但

有什麼叫出賣之時

你便要反思自己到底.是被負面問題所知道的"消極"態度
去壓制自己去於負面中的真相.到底是在身邊.會何時出現

好讓自己有一絲留有空間
給自己一條退路


不是的話
當你被巨額引惑所影響時
你又可以分析到自己到底會變成什麼的心態嗎?