雪橇(哈士奇)疑問

衡衡小朋友=.=

琴日買左隻雪橇
佢依家2個月零3日大
狗仔黎

1. 放佢入籠 佢會叫得好慘 直到我放佢出黎先唔叫
     但係如果冇人係屋企 唔放入籠 我又怕佢有意外
     大家有冇咩辦法?
    我上網睇話個籠要放大量玩具 咁佢先有安全感
     放左後 佢會自己走入去訓 但係都係唔關得籠門..

2. 今日我去沖涼個時 佢企左係廁所門口叫
     類似以為冇人理佢既意思 一出黎又唔叫
     但今日屋企無人個時 佢又冇叫
     一返到黎 反而會見到佢係個籠到訓醒行出黎
     所係怕佢有意外 因為睇資料話 六個月大前 冇人係屋企最好都入籠?

3. 佢成日訓教 我一睇電視 掃下掃下佢就會訓教
     會唔會定時定侯比佢訓比較好? 日頭訓就嘈醒佢?

4. 佢頭兩次便便係條形
     但第三到第七次都係爆出黎
     一大坨半液體咁
     會唔會係佢健康問題? 定係飲食?
    同埋第三四五六七次都係一日內屙 會唔會太多?

p.s. 精神方面又冇乜問題 只係成日訓
         我同我屋企人係屋到行 就算訓緊佢都會馬上跑黎

唔該有經驗的回一回,,萬分感激

KL`﹏‧

1&2.  佢叫係引你注意,,你唔可以理佢! 因為佢會知道,佢叫=有得出去,日後你有咩唔方便,想困一困佢=無可能!
另外,無人係屋企唔一定困籠,你可以買圍欄,劃一個安全範圍比佢/索性關哂房門,之後汁好個廳,唔好比佢有機會搞野.....只比廳佢活動!
你可以比一d磨牙/咬得o既野比佢,佢悶會識咬!
3.狗狗訓唔訓係睇主人,,,如果佢唔係太累,,你叫佢玩佢一定玩!如果你唔理佢,佢多數周圍行一陣,就會自己去訓,,所以無話定咩時間比佢訓,唔通佢訓你叫醒佢?
4. 立即帶佢睇獸醫,,,2個幾月,,就算咳/柯都可以好大件事.....柯有機會係腸熱,致死的,,,雖然未切係,但求安心,都係睇睇好!

衡衡小朋友=.=

腸熱係咩意思

我岩岩睇左資料
佢應該係消化不良..

因為佢訓教個時有放屁
同個肚有d脹 仲有便便唔係條形

點都好喇 我聽朝帶佢去睇醫生

KL`﹏‧

肚柯係腸熱o既病徵之一!
幼犬好易感染到,由其係寵物店買!
染上左le個病o既狗會成日訓教,肚柯,無精神,屎可能會帶有大量血!
狗就會因肚柯而脫水,都因為屎帶有大量血而失血,唔醫係好大機會死,唔會好似傷風咁!

衡衡小朋友=.=

唔係 冇咁嚴重
佢只係好多便便 便冇血
佢又好有精神

我諗佢應該係食左成舊雞肉做 比佢咬 好硬個d
所以食滯左
同埋我可能糧比太多.. 佢一想食就比
今日煲左d稀粥比佢食..
日後改少返d糧就應該冇咁易食滯

〝Ka穎‥。

1. &2. 初初買返黎既狗B大部分都有呢個問題,因為佢想出黎玩,同埋覺得同主人一齊`會有安全感一D,
幼犬係應該放係籠入比較安全,因為仲細個,好奇心好大,會周圍搞屋企野,佢會探索一下有咩佢係玩得咩係唔玩得既,唯有比佢慢慢習慣下,佢吠就盡量唔好理佢,唔好佢一吠就放佢出黎,因為狗仔會認為佢一叫主人就會放佢,佢就會無休止禁叫

3. BB狗正常一日時間有8成都係訓覺,同埋會一日食好多餐,所以可以少量多餐比佢,而訓覺時間都係睇主人,但BB狗就任何時間都可以訓

4.如果新買返黎既狗狗,最好就拎去獸醫度做個簡單檢查,自己心安D之魚又令狗狗健康D,
通常BB狗細個都容易有病,未打齊針最好唔好落地行(係街)同埋同其他狗玩,
便便問題都有好多原因,可能有虫又可能腸胃敏感,對D糧OR其他食物,最好搵獸醫CHECK下,問題應該不大的=]

加油..雪橇真係好可愛的=]

衡衡小朋友=.=

原帖由 〝Ka穎‥。 於 10-2-12 11:43 PM 發表
1. &2. 初初買返黎既狗B大部分都有呢個問題,因為佢想出黎玩,同埋覺得同主人一齊`會有安全感一D,
幼犬係應該放係籠入比較安全,因為仲細個,好奇心好大,會周圍搞屋企野,佢會探索一下有咩佢係玩得咩係唔玩得既,唯有比佢 ...

唔該曬你 ^^
我聽朝先得閒帶佢去做機本檢查 今日已經約好左時間

佢今日好似已經冇咩野
但全日都冇便便 好似有D怪咁..

點都好喇 睇下聽日醫生點講..

小小甜心

1.你可以比你唔要既衫佢...有你既氣味//
咁擺小小玩具比佢玩下...你係度就放佢出去啦!!!
仲有我睇過本書..唔好買鐡籠比佢...最好買1D 可愛既籠仔比佢...因為咁樣會令佢好冇安全感架!
3.狗狗訓你唔好理佢啦=0=可能佢眼訓呢...人都會訓晏教架嘛XD
4.可能你狗狗肚瀉..快D帶佢帶E生,,可能有腸胃炎

gv3170

原帖由 衡衡小朋友=.= 於 10-2-12 08:50 AM 發表
琴日買左隻雪橇
佢依家2個月零3日大
狗仔黎

1. 放佢入籠 佢會叫得好慘 直到我放佢出黎先唔叫
     但係如果冇人係屋企 唔放入籠 我又怕佢有意外
     大家有冇咩辦法?
    我上網睇話個籠要放大量玩具 咁佢先 ...

1/2/3全部正常
4.因為這款仔仔天生 腸胃敏感 你要小心佢飲食(凸別係1歲前)

樓主 請比多d愛心同耐性佢 因為係hk養這款仔仔會比較麻煩小小的 如果有問題可以隨時再上黎問