唔知應該點好...,

rcc03461

個女仔我都追左一排,雖然一直都係MSN同SMS,見面同傾電話都冇乜
我都有同佢講過下想同佢一齊,但係一直都係答我比D時間佢
琴晚佢3點幾先諗住訓,咁我一直都有同佢SMS既,到佢話訓果陣佢同我講話訓唔着
之後我同佢傾左粒幾鐘,我又再問佢,既然你訓唔着,不如諗下比個機會我呀.......
之後佢問我鍾意佢D乜(呢D唔講啦= =應該唔太重要)>但係又引申左第一個問題,就係如果佢咁問我我應該點答呢?
然後我再問佢肯唔肯同我一齊,佢就話比多小小時間佢
然後就冇下文啦,第二個問題:我平時都有搵佢,但係我又諗唔到有咩好講喎,所以成日都問D好COMMON既問題(EG.你係邊呀?做緊咩呀?果類...)
咁佢又唔會主動搵我,我應該點做好呢?

ＭＡＮＤＹ

睇哂你講既野,我既意見就係個女仔保守態度對待你追求佢,

所以佢需要一段時間考慮,呢類既女仔你唔好過快要佢對你做一些決定,

呢段時間你應該做好自己,用你最好既一面對待佢,令佢感受到你對佢係真心的,

咁就會成功呢...你話唔主動搵你..佢應該係怕羞姐...作為男仔既你,

多點用關心的說話細心同佢傾...希望比到你一個行動形式意見你作參考.

rcc03461

但係佢成日都唔覆我SMS,要我再SEND多個去佢先覆= =
我問佢點解成日唔覆就答我唔得閒/唔記得
另外想問,我應該傾D咩或者從邊方面去關心佢呀??

ＭＡＮＤＹ

原帖由 rcc03461 於 10-2-13 10:38 PM 發表
但係佢成日都唔覆我SMS,要我再SEND多個去佢先覆= =
我問佢點解成日唔覆就答我唔得閒/唔記得
另外想問,我應該傾D咩或者從邊方面去關心佢呀??

唔覆你SMS,要你再SEND多個去佢先覆,

佢都答左你唔得閒/唔記得,我又相信佢理由係真,

仲有可能性係佢睇下你係咪真正緊張佢,對佢一心一意,

呢d位我唔排除佢係試你既..你有人幫你教路..佢一樣有人教路比佢聽..

所以適當咁關心佢就可以,至於傾d咩就睇你了解佢鐘意d咩,

照返佢鐘意既野講就無問題,如果唔係點識表達既話可能搜集多d資料先去講,

咁相信佢會睇到你為佢既付出同誠意,對你既分數也會提高好多..加油^^"

rcc03461

首先唔該哂你先~~~
但係我想問如果我都係傾D好COMMON既野會唔會令佢覺得我好煩架= =
姐係好似我有時問佢去邊度之類果D問題呢...

ＭＡＮＤＹ

原帖由 rcc03461 於 10-2-13 11:53 PM 發表
首先唔該哂你先~~~
但係我想問如果我都係傾D好COMMON既野會唔會令佢覺得我好煩架= =
姐係好似我有時問佢去邊度之類果D問題呢...

唔洗客氣,傾一般野你話邊度之類果D問下都可以的,但就唔好經常問,

同埋就唔好問佢同邊個人去果到地方,會比佢感覺到你會介意,

問有關果到地方有無咩開心趣事發生就可以了.

hkhk333

不用次次都問 你做緊咩..你係邊..如果我係個女仔..都會覺得你會care佢做緊d咩
監視緊佢甘囉...
suggest你可以講下d得意野 好笑野 話題源源不絕呢

☆可兒☆

Q1 : 我口講我心

Q2 : 無乜野問題呢~ 隨心BUT小心! 正如版主大大佢地都講 唔好"太"著意對方行蹤就可以了!

Q3 : 佢唔主動搵你 唔係太大問題! 只重要的是 佢肯比你搵就是了 ^^

rcc03461

呢排佢都小左好多覆我....成日都冇覆...
前幾日佢同我講話佢冇可能每分鐘都對住部電話...
但係今日成日佢都係覆左我1次咋.....佢究竟係真係唔得閒覆定係其它原因呢?
不過以我所知佢要去拜年,又會唔會因為咁覆唔到呢??

華千代

換轉係你..
有個人追緊你..成日都俾對方話你唔覆
追問你d野..

你有咩感覺

你有咩原因會咁做!?

lemonfung

差一個感動
傾計可以講你自己發生過既事嘛
引下佢笑啦

rcc03461

死啦...佢到而家都冇覆我呀...咁點算呀...

華千代

都未係你女朋友就已經要分分中你搵佢就要佢覆你

....巴打..欲速則不達..

rcc03461

我都知唔岩架啦......
咁而家點算呀....應唔應該SEND返個道歉既MSG同佢講SORRY??

華千代

有咩其實直接見面先講了..

如果佢唔中意你煩佢既你再sd幾多sorry都無用..

真係冷靜下先了...

有咩見到面先慢慢講了..

rcc03461

有排都未見到喎......

☆可兒☆

我係度諗緊......

你搵得佢密唔密???  

之前 睇你既言談.... 都唔係甘覺...

越睇 就覺得 你好似都太著緊  太頻密


記得老爸曾經教過我 曾經說過..

坐有坐樣 企有企樣
做乜野  就要乜野既樣!  甘先叫勉強合格! (一理通 百理明)

你同佢之間  你要知你宜家係咩野位置 咩野角色!

過少 唔會有進步 易比人淘汰 (任何事都係)

過多 好大機會有反效果!!

多唔多 就你自己知了!!

rcc03461

都幾密架其實.......但係我可以點?唔搵佢又唔係,搵佢又唔係
咁冇理由唔搵佢架?咪姐係自己退?
但係搵佢又煩到佢喎.咁而家點收科......
我係唔係應該SEND返個MSG同佢講SORRY呢??
因為如果我唔搵佢,佢應該好小主動搵我...
我究竟可以點呀???....

☆可兒☆

有幾密?????

我個人認為..   朋友之間 真係都好講投唔投緣..

投緣既   好多時都會一齊玩  都會互搵!!

[ 不分男女]
但係在投緣之前  都會有一段"摸索"既時間!
摸索期 有長有短
有d人 會一拍即合!!
有d人 會貼錯門神!!
(即是 人夾人緣)

在摸索期  其實大家唔算叫係 朋友!
在我的思想範疇中    處於摸索期中的   只是"一個我認識的人"罷了!!!!

一個我認識的人   當然會比不上 我的朋友

*我不是圓滑的人   亦不是那種要多多朋友的人*

^^"  假如 你通過我  =  你能通過很多人!!



我勸你  與她的摸索期中  不宜用男友身份做的事去做

你做了的 算吧~~  也別在意!  不用 刻意 做什麼 說什麼 去 sorry!!!



我發覺 現下的人    真的喜歡一步登天!
(  自視過高?? 慾念太強??  漠視他人只知自己? )

朋友關係都未算  就想單獨約會  =.=

^^ 其實 偶然 於假期前  聯絡一下   
或是 一班/幾個朋友  一起相約  
[ 你可加入他/她的朋友圈子一起玩  亦可約他/她參與你的朋友圈子 ]

一班人一起玩  才去看看你跟她究竟投緣不投緣  也要隨緣!!

要是不投緣...做什麼 想什麼 也是沒有用的!!

情緣..都要投緣 才成事呢!!

[ 本帖最後由 ☆可兒☆ 於 10-2-16 05:18 AM 編輯 ]

rcc03461

我打聽到佢鍾意另一個人,但係另一個人冇追佢....
咁我仲追唔追好呀?......