有關[活動]BOSS攻略心得,有d野想講下

維克雪人

睇過幾個參加活動既作品,[活動]雙鎧5分鍾捕獲 [活動]街襲炎王鎖頭速殺 [活動]逆襲雙鎧-雙人快速刷打法-一天輕鬆999萬資金  [活動]灰蠍子(尾晶蠍亞种)-輕鬆斷尾巴+破血晶石大法

唔知大家有冇發現一個共同點,未搵到?再睇多次,無錯,幾個帖玩家用既武器都係 雙龍劍天地

而我有咩想講呢?我絕對唔係話3雙刀1笛唔好,而係想講,呢幾個類似既帖,並唔似係boss攻略,而比較似任務攻略

應該會有人問:咁boss攻略同任務攻略有咩唔同呢?做任務都係打boss嫁喇,你係咪xxxxxxxx嫁(x自行想像)

俾個情況你地諗下先:如果你去學車,當你學轉彎果陣,個教車師傅同你講:轉彎,用漂移過啦,首先如果你對呢方面冇知識既話,你會一堆????就算你知道漂移係點,一個學車既人你認為會唔會有咁既技術做到呢?
另外,岩岩先學車既你,會唔會有部可以用到漂移既車係手呢?

或者我講明少少,幾個參加活動既作品都係建基於認為大家會有同級/相約技術下,拍落黎俾大家睇,大家睇完之後應該就可以應用到
問題係,一個連boss動作都未知,武器都未運用純熟既人,睇完呢d片之後,係咪真係有幫助呢?會唔會助長一d假老手既出現?(e.g a君:咩咩龍用雙刀點點打咪得囉,你識唔識嫁?x你)
同樣,雖然片中既武器冇話咩特別係神兵呀你整到我整唔到咁,但係對於冇果把武器/冇果類武器/唔用果類武器既人黎講,係咪就唔可以打到果d龍呢?會唔會俾到個錯覺大家,mhfo=雙劍online=雙龍劍天地online

我對於有發表活動帖既各位大大絕對無任何惡意,相反我仲好欣賞佢地既打法,只係,會唔會有少少偏離原意?

[活動]BOSS攻略心得呢個活動,容許我有些少建議,大家既攻略,應該係循武器xBOSS出發,即係,用咩武器打咩BOSS,隻BOSS會有咩動作,點樣應對,以此作為攻略。遊戲有11種武器,咁應該每隻boss有11個post都唔出奇(管理員加幾多個獎品位都唔夠XD)

最後,點解我會出呢個POST呢?因為呢個情況我覺得好似以前PSP版果邊咁,就係有人問,老山龍要點打呀?好多人就會話,用雙龍劍天地啦/黑天白夜啦ECT...話說,我連老山龍都未打羸,邊度整把雙龍劍出黎,你給我麼?
未學行先學走,好嗎?

乂樹人乂

+1

新手騎士

我唔知樓主你係唔鍾意雙刀定係唔LIKE人地放D咁既片出來,定誤解左人地放片出來既原意

但係你個諗法又未免想得太多啦,人地放D咁既片出來係纯分享姐

係話俾大家知,E原來有個咁既打法架WO,

唔係一定要你跟佢咁做LO,

姐係人地頭D飄移過彎你又要跟人地咁做?

大家又唔係細佬仔有D分析能力先得架!

同埋你個比喻太傻啦,有邊個教車師父會同你講叫你用飄移過彎,

下次唔該發POST之前自己理解下人地既意思先好發POST啦

維克雪人

回樓上,如果只係平時一般分享當然冇問題,可以學到快刷既方法當然大家都想,但係我要帶出既係,各位放出黎既片,同活動既主題或許有些少唔吻合

樓上話我既比喻太傻,但係而家既片就正係咁傻既比喻具現化,你認為一個新人係睇到呢段攻略既時候,可以點跟住做呢?雙龍劍天地,hr81先整到,唔係話難整到登天,至少唔係個個有

也許樓上的大大需要理解一下我的意思先

新手騎士

原帖由 維克雪人 於 10-2-16 08:23 AM 發表
回樓上,如果只係平時一般分享當然冇問題,可以學到快刷既方法當然大家都想,但係我要帶出既係,各位放出黎既片,同活動既主題或許有些少唔吻合

樓上話我既比喻太傻,但係而家既片就正係咁傻既比喻具現化,你認為一個新人 ...

條條大路通羅馬,攻略唔係只得一個既,

快刷都係攻略既一種,你睇唔到片入面D人既走位同合作既?

都講左佢地放出來既片冇話一定要你跟住來做,

如果你自己冇自知之明又要跟人咁做,做唔到就怪人放D片出來?

當一個新手睇到呢D片既時候,佢地應該學下人地走位,時間控制,合作,

唔係話一味跟人做LO,姐係人地有錢亂咁洗,你冇錢既又要跟人做?

當冇人地D條件果時仲要跟人做,咁就係佢自己分析能力有問題

fjerry9777

原帖由 維克雪人 於 10-2-16 05:08 AM 發表
睇過幾個參加活動既作品,[活動]雙鎧5分鍾捕獲 [活動]街襲炎王鎖頭速殺 [活動]逆襲雙鎧-雙人快速刷打法-一天輕鬆999萬資金  [活動]灰蠍子(尾晶蠍亞种)-輕鬆斷尾巴+破血晶石大法

唔知大家有冇發現一個共同點,未搵到 ...

唔通李想~好像當年日版咁? 封鎖HR99不能再上? 期間任務只得古龍玩連火龍都冇得玩喎? 搞到做裝都冇得點選擇喎

話說中文版~開放任務多,又有友好頭做,現在要做武器/裝備已經係好容易的事,素材都容易入手,已經好幸福,
有人日/中兩邊都玩過,發覺就連魔物的血量都要係少血過人的,~唔知點解.呢樣就要問返官方了.
所以連1~2個素材都唔肯去打,咁真係冇人幫到李,加油吧~

比D相李睇下,了解下當年的人的苦況:
盾蟹裝冰雙打老山蟹公試



一招秒的全鎌蟹/盾蟹裝團~對老山龍血量的霞龍


只得火事+2,高級耳栓的弓+雙龍劍


後期開始叫好d,有鎌蟹,國民裝的出現雙龍劍對霸龍



MHFO玩武器同裝備都係好正常的事,比條HR100剛炎王~火事solo李睇下:
http://www.youtube.com/watch?v=fpIXXIBNihI&feature=related

[ 本帖最後由 fjerry9777 於 10-2-16 06:37 PM 編輯 ]

gold3gold3

睇下紫大個新活動post,就知紫大明白我呢篇野講既重點

ZERO零

睇番活動個post
果堆攻略同活動符合啊 我覺得無問題呢
將youtube的片花時間再拍一次 就有機有$100 睇你做唔做者
不過自己就無咁既魄力為果一兩餐又錄又po
至於樓主觀點也正確 但同活動主題有出入呢