Samsung MP4 播放器 YP-R0 非常差勁

parryparry

我想講我 3 個月係百老滙前買咗呢部野，而家好後悔，呢部野有好多問題，我前前後後換咗兩次機，而家呢部係第三部，早幾日都衰埋，拎咗去旺角 smasung 整到而家都未拎得返，我本來都唔想開 po，但為免各位同我一樣賴野，我決定寫出黎，有 d 長唔好見怪。

2/12 晚放工後買咗，返屋企入歌仔試，入咗二百幾首，開頭唔太識用佢 emodio programme 個 playlist，所以直接用部 mp3 programme 個 playlist，結果發現佢個 firmware 有問題。本身已經唔係好 user friendly，要逐首逐首 add 落 playlist，無得一次過 add 好多首，我都覺得有 d 煩，我耐心咁逐首 add，add 完一首拉落去再 add 另一首，add add 下我發現歌名返轉頭，點講好呢，我有 200 歌佢個 screen 一次只 show 十首歌 (無記錯係 10 首，部機而家係 samsung 我 check 唔到，見諒)，例如係歌名 1/200 至 10/200 咁講，我 add 完 10/200 後要按「下」制先見到 11/200 (screen 會見到 2/200 至 11/200)，再按「下」先見 12/200 (screen 會見到 3/200 至 12/200)，咁各位已經想像到我係 200 首度選特別鍾意 ge 歌入 playlist 要有幾耐心啦，部 mp3 夠膽死係我 add 到歌名 3x/200 時 (假設係 37/200)，下首應該係 38/200 (screen 應該係見到 29/200 至 38/200)，但佢 show ge 係前面果 d 歌名，即係 29/200 至 37/200 then 1x/200 (假設係 15/200)，然後再就係 16/200，之後係 17/200 咁由頭玩過，因為按「上」「下」時佢有 count 總數，所以最尾果 14 首 (187/200 至 200/200) 會見唔到……我忍佢我繼續 add，結果係佢唔只一次返轉頭，係返幾次轉頭，我根本無可能 programme 到我全部心水歌入 playlist。

第二日即係 3/12 我去返百老滙換機，點知呢部仲衰，唔單止上面個問題未解決，第二朝 4/12 起身發現部機差完電 (我兩點訓 7 點赸身，即係部機差咗 5 粒鐘電)，disconnect 部電腦 (一定要用 usb cable 插電腦差電) 後個 screen 仲話仍然差緊電，再插多次電腦發現部電腦 detect 唔到部 mp3，拎返公司試都係咁，結果收工後再去換機，第三部機仍然有 programme playlist 問題。

我打電話去 smasung 反映，開頭佢地話唔明，後來又換咗人同我傾，傾咗一大輪佢終於明，我叫佢 repeat 返個問題佢都講得出。隔咗一段時間 samsung 都無覆我，我就開始追，追咗幾次後佢地話無發現呢個問題，我就 12/1/2010 帶埋部機去旺角 show 俾佢地睇，佢地先話可能係溝通問題，同我傾果個 cs 可以 repeat 返我講 ge 係咩問題，咁何來溝通問題？之後佢又話可能係公司內部溝通問題，anyway，佢叫我等消息，話同韓國溝通，最少要一個月，ok.......我等，點知早幾日又出現電腦 detect 唔到部機問題。

其實部機仲有其他問題，例如聽幾 10 個鐘左右就無電，samsung 標榜可以 30 個鐘，我明白呢 d 野一定有吹水成份，但唔該唔好吹咁大，另外佢 emodio 可以換主題，但原來仲未配套好，去 emodio 攪完一大輪，選埋型號喇，要講返買咗咩顏色，點知無任何選項，結果完成唔到成個程序無得換主題。

到而家買咗唔夠 3 個月，就已經出咗咁多事，另外佢 d 配套都未做好晒，我想知 samsung 係咪學咗 microsoft，出 d 半成品之後先慢慢出返 d 更新？12 月頭推出搶攻聖誕節我明白，但 product 都唔係衰成咁呀？我以前好鐘意 samsung，我記得我 2000 年時買咗部 $4xxx 普通手機 (當時呢個價錢唔計 d 商務手機已經幾貴下)，我用後都覺得值，因為 quality 同發現有問題後 customer service 都 ok，但而家呢................

我只能總結一句：samsung 你呃到我一次係你叻仔，以後我再買你 product 俾你呃我錢就係我傻仔！

jchunter

唔好買呢d嘛~~你d歌係咩咩歌黎呢??同用咩格式呢??

morrischow16

我自己用samsung用得幾好呀..
無你個d問題
音質仲好好

zmkot

我自己用緊samsung mp3, 用左差不多2年都無問題喎