Dicky偷拍康仔沖涼遭圍攻

紋少

蘇永康（左起）、梁漢文、許志安及張衞健以閃爆造型Encore，將氣氛推上高峰。
BIG FOUR前晚在紅館舉行首場巡迴演唱會，大晒密照兼互爆秘史，張衞健（Dicky）更偷影蘇永康出浴，最後犧牲色相反串贖罪！
由張衞健（Dicky）、許志安、蘇永康及梁漢文組成的BIG FOUR，前晚施展渾身解數，吸引陳奕迅、容祖兒及何韻詩等捧場。Dicky戴上面具兼穿上Leggings「現袋」，反串與康仔大跳辣身舞後，即控訴手足斷背：「初初搵我搞個唱，叫『BIG DICK』演唱會，大家以為我哋好Friend，其實係誤解！」現場即播出他結婚當晚昏醉後被玩弄的照片，以及安仔與康仔翹手搭的士的同眠照：「如果翹埋我，畀狗仔隊影到相就上《雄風》封面！好後悔同康仔跳舞，送羊入虎口！」

康仔出浴照

張衞健（背鏡者）反串為康仔伴舞。

安仔大跳勁舞，向已故的梅艷芳及米高積遜致敬。
「腰以下可以切得」
慘被Dicky唱衰的三子即時還擊，康仔除了以「賤格嘅人渣」形容Dicky外，更將Dicky於泰國4度偷拍他沖涼的全祼片擺上大銀幕，並以「禁」字遮蓋重要部位！而梁漢文曾在開會時遭Dicky兜面「噴屁」，康仔說：「嗰陣味繞『梁』三日呀！」Dicky乘機介紹曾傳不和的吳國敬出場，並卸膊指「惡行」是受對方指使！

容祖兒與陳奕迅玩自拍，反觀前排的何韻詩專心睇騷。

康仔難得與Dancers跳辣舞，甚有酒池肉林Feel。
其後，四子換上當年參加新秀的服裝，三子狂踩Dicky「揸流攤」，有別參選時表演蜈蚣彈，梁漢文嘲笑他有心無力，安仔則說：「佢腰以下可以切得！」Dicky即反駁：「你歎過呀？」康仔則說：「佢腰以上都係廢嘅，死剩把口！」為挽回面子，Dicky嘗試打側手翻，可惜失敗收場，連假髮都飛甩！另外，Dicky、安仔及梁漢文的戰衣由Tomas Chan負責，而身穿Chanel禮服的康仔，獲設計師郭培借衫供模特兒行騷，但模特兒一度絆倒。