超盈護弟心切代猷亨掟煲

紋少

超盈剝掉四隻智慧齒，令面頰消瘦不少。
賭王四太梁安琪的兒子何猷亨戀情曝光後，即傳出有人放料做新聞，身為大家姐的何超盈代弟弟出面，跟女方講分手！
本報早前獨家拍得賭王四太兒子何猷亨與女友拍拖食豬大腸，隨即有消息指女方是模文宇，更傳出有人放料，以致何超盈代弟弟猷亨向女方攤牌！超盈前晚偕時裝品牌Moiselle太子爺好友陳柏熹出席《SCAD Gallery開幕禮暨Generation SCAD首展》，對此事直認不諱：「係，細佬親自叫我同佢講分手，因為細佬喺英國，唔想同佢再有任何關係！」

沒有男友在身邊的超盈，偕好友陳柏熹出席活動。

猷亨早前被本報拍得與女友拍拖，在街頭食豬大腸。

猷亨戀情曝光，引起媽咪梁安琪關注。
拍拖僅兩星期
問到女方是否借戀情宣傳，超盈表示不知道：「我哋唔會接受佢放相，佢哋只係拍咗兩星期拖，細佬好驚，見到登咗啲相，我要保護屋企人！（猷亨唔捨得？）冇話唔捨得。（媽咪唔高興？）我哋屋企好嚴，唔鍾意人哋放相做新聞。（係細佬初戀？）我諗唔係。（第一次幫細佬？）係，細佬要我幫！」
另外，有傳四太梁安琪每日只能探望賭王兩小時，超盈否認說：「我尋晚先喺嗰度過夜，同Daddy一齊食飯、瞓覺，佢食魚、飯同燉蛋。（賭王話只係掛住妹妹超欣，你呷唔呷醋？）Daddy鍾意整蠱我，佢知我鬼妹性格，好玩得！」