樂易玲封嘴睇騷秘道鬆人

紋少

被傳媒「圍攻」的樂易玲，嚇得馬上走秘道閃人，秉持「唔講唔錯」的道理。
無綫高層陳志雲因涉貪事件一鋪清袋，間接令另一高層樂易玲隨時「升呢」坐正，前晚睇騷時被傳媒追訪的她，封嘴走秘道鬆人，避免講多錯多，影響升職機會。
自無綫業務經理陳志雲捲入涉貪事件，令無綫滿「城」風雨，與陳總同屬方逸華愛將的製作資源部總監樂易玲，趁「一人之下，萬人之上」的陳總失勢，最有機會「升呢」填補陳總之位，凌駕原本同職級的梁家樹、何麗全及曾勵珍，名副其實統領三軍！涉貪事件牽涉甚廣，在此敏感時刻，為免講多錯多，樂易玲連日來封口避談涉貪事件，但她前晚突然現身紅館欣賞BIG FOUR演唱會，曾承認與ICAC會面的她，立即成為記者追訪的對象。

樂易玲對記者的提問充耳不聞，更斥責記者秩序欠佳。

High爆的安仔衝落台與樂易玲面對面。

樂易玲與一眾小生花旦相熟，生日派對當然不乏「捧場客」
陳家倫耍手拒開腔
原本安坐觀眾席欣賞演唱會的她，被記者重重包圍，嚇得她馬上起身，穿過控制台下的秘道潛入後台，再從特別通道離開。記者沿途要求她停步接受訪問，但她對「係咪再有藝人助查？」及「王賢誌爆料話有女高層收袋？」等問題充耳不聞，記者再三追問下，她只冷淡地拋下一句：「你哋咁冇秩序，我唔講！」然後上車，絕塵離去。

曾捲入「舞影行動」的陳家倫，拒絕開腔回答任何問題。
在演唱會慶功宴上，曾於03年捲入ICAC「舞影行動」的前《勁歌金曲》監製陳家倫，惟已獲廉署證清白的他，甫見記者即耍手擰頭，拒絕回應所有提問，只肯企定定影相。
梁材遠冇搵寧進參演
至於監製梁材遠昨日出席新劇《隔離七日情》宣傳活動時，被問到有傳捲入涉貪事件的陳總「愛將」寧進有份飾演保安員？他馬上否認：「嗰日好多人試鏡，但我冇接觸過佢！（有冇合作過？）之前都合作過好多次！《蒲松齡》都有。（有人推薦佢？）冇，總之啱用咪用囉！劇集係獨立創作，冇人要求角色調動！」

在《烈火雄心》系列一手提攜王喜的監製王心慰，否認曾收藝員厚禮。

監製梁材遠否認曾洽寧進參演新劇，並強調跟足公司的防貪指引辦事。
對於前無綫藝員王賢誌日前爆料，指有無綫女高層收受價值高達六位數字的名牌手袋，為涉貪事件加熱，亦令戲劇製作總監曾勵珍大動肝火，強烈否認與事件有關，梁材遠對此表現避忌：「你哋問番佢啦！（佢有冇收過手袋？）我唔為意，但我未試過咁好彩，總之我跟住公司指引做事！」而曾監製《烈火雄心》系列的王心慰亦對傳聞表現冷淡：「我冇聽過呢件事，亦冇收過手袋喎！（月餅呢？）喺大房大家一齊食嘅就見過！」
Profile樂易玲（Virginia）
年齡 ：50歲
TVB年資 ：7年
「樂迷」黨羽 ：林峯、鄭嘉穎、吳卓羲、徐子珊