徐淑敏G奶餵B

law1012

徐淑敏榮升媽咪，Ｂ女Vianna的樣子很精靈。
徐淑敏（Suki）前晚剖腹產女，兩公婆心情興奮，徹夜難眠，黃浩抱BB一刻更感動落淚，他指Suki首次餵母乳很順利，精神亦十分好！
Suki去年跟黃浩結婚，今年即為黃家添一新成員，前晚剖腹誕下七磅女嬰Vianna，昨日，黃浩父親、楊天命、陳沛嘉及BB契媽沈卓盈、呂慧儀等先後到醫院探望。
偷食叉燒腸
黃浩前晚整晚留院陪伴Suki，他談及老婆情況時說：「我哋尋晚都只係瞓咗三個鐘，心情好緊張，睇過BB兩次，我第一次抱BB嘅時候，佢睜大眼望住我，令我好感動，感動到喊，再一次抱佢，佢就笑。（BB似邊個？點獎勵太太？）好多人話似媽咪。我想一個月後同Suki去日本食壽司，因為佢最想食壽司同腸粉。」黃浩指Suki首次餵母乳相當順利，其上圍亦早已「升呢」變成G Cup。

Ｂ女Vianna

黃浩

沈卓盈到醫院探Suki，並認ＢＢ女做契女。
因老婆想食腸粉，黃浩就半夜偷偷買了一些叉燒腸粉給她吃，怎料卻給護士發現，但亦酌情批准Suki食少少兼吩咐不要落醬油，Suki卻嫌味道太淡而「靜雞雞」放了一點點，認真饞嘴。