不快痛苦經過..黑店salonC2..

zoewong121

上星期去左土瓜灣一間叫salon c2電髮
我在網上睇到佢地網頁http://www.salonc2.com/
土瓜灣落山道88號我住旺角過去都好近
果日我去到話電髮有預約問佢地幾錢我想整298套餐因為佢地寫住話網上預約有優惠
佢地只係答我係啊係啊一陣再話你知
就叫個洗頭沖濕我個頭我心諗都大獲喇講得唔清唔楚又已經入左去
洗完頭出黎有個髮型師黎左我問佢幾錢佢就引開話題話要幫我剪左先
一路剪一路話我d髮質好差又點又點
之後我話我第1次電髮2年前在旺角整過一次負離子
之後就話我d髮質都未差得晒但係都係好差而家諗番先知呢d係佢地的sell人技術
剪完之後我同佢講要電298果個餐想電同染佢話我d髮質太差唔可以用298
咁我問佢要幾錢佢問我大約預幾多錢
咁我就打比我朋友問下我第2次整頭都唔識
其實如果電得靚貴少少都冇所謂
但係我朋友叫我走佢有整開有間幾好
之後我同髮型師講話唔電住剪左頭髮先下次先電
佢即刻黑晒面走開左同其他人講野應該係同佢d同事講野
轉頭佢過黎話頭先幫我洗頭果陣用左護理因為見我髮質差
但係洗頭前佢都冇睇過我d頭髮..又冇人同我講過..唔通係個洗頭人睇我d頭髮而決定....
之後佢叫我電埋佢我就問如果我今日唔想電住下次先得唔得
佢就話個護理加埋剪頭髮要收番正價百幾蚊...咁我都呆左
咁擺明呃我啦..之前o係旺角電負離子都唔會咁講好晒價錢先開始
之後冇計喇傾左一陣我比左張相佢地電同染佢走開左一陣就話6百幾蚊果隻一定電同染都靚
諗住整得靚都算喇下次最多去第2間
個師傅仲叫我放心一定靚過程都冇咩野但係D人個個都好大陣煙味
好似入左煙房咁
之後電完出黎我見後面d頭髮係半直半曲D髮尾好直隻色又唔同張相好淺色同張相差好遠..
我要栗子啡..但係佢地染左金銅色..睇落好傷..整完出黎d髮質好似梅菜.個剪陰又剪到好核突
個髮尾好似LUN左..唉..即刻好失望..唔整好過整..仲衰左
我同個髮型師講話唔曲同埋D髮尾點解會咁而且同張相唔同佢話同我張相一樣...
話係我D髮質差所以會咁但係佢叫我用6百幾蚊一定靚
我當時好想喊啊我又唔係好有錢6百幾蚊對我黎講算係好多
之後佢叫我放心同張相一樣叫我茶下野D髮尾慢慢會好
仲話同張相一樣個曲佢盲嫁咩根本唔一樣
之後佢話下次再去整頭送個焗油比我...我諗一定唔會有下次啦...黑店
今次當買個教訓啦但係真係好心痛啊..
冇左6百幾蚊D頭髮又攪成咁
希望大家小心呢間黑店
我有相POST比大家睇大家評下理
唔好去呢間黑店比人呃

俠三仙劍

你想整到同張相相似，有無張相？@@"

ＩＫＹ

嘩！！下次去剪／電／染真係要小心ｄ～　其實你可以投訴佢～

０ｏ企鵝仔ｏ０

雖然...幫個賤人髮型師唔落~但你都唔一定冇錯lo~分分鐘佢地等左幾日先有一個電髮做=.="你入左話電又唔電人地分分鐘又要等多幾日=.="同埋旺角d負離子~分分鐘第一次就炸左你d頭髮=.=