享受?

oO小仙人Oo

話說我衣家身處外國 今年係我大學第三年
故事由我大一果年開始 我每朝早都會去等巴士番學
久唔久都會見到一位老婆婆係佢屋企行出黎 再行過去另外一間屋到拎人地信箱d信
佢收完信係我面前經過行番屋企既時候都會對住我微笑
我心裡面會覺得奇怪 果間屋既人同佢有咩關係 點解佢要成日幫人收信 不過我從來都唔會開口問人因為覺得唔關我事唔好八掛
直到前日 當我自己一個人企係巴士站到等既時候 我又見到果位婆婆幫人收信
今次佢行到黎我前面既時候 佢主動開口同我打招呼 我地仲傾左幾句計
原來果間屋既屋主係佢個女婿黎 佢個女係4年前不幸過世 淨番佢個女婿同個孫女係到住
佢個女婿要番工個孫女又係番緊大學 兩個都好忙所以佢就幫佢地收信 順便當係一種運動 到個女婿放工之後就會去佢屋企食飯順便拎埋d信
個婆婆話自己兩隻眼都有事 一隻要做手術 一隻就已經無得再搞 我問佢話會唔會覺得悶因為無人陪 佢話唔會因為佢衣家好享受自己既人生

我覺得果位婆婆都好睇得開 自己對眼有事 個女又唔係到 都可以咁堅強 不過其實人生就應該係咁 凡事向前望 人都會睇開好多

ahim

如果你話香港既話我冇乜感覺
但係如果你話係外國, 唔知點解我有少少touching

獨男-`

各有想法吧 而已..談何容易.講易行難,始終要自己去走路 跌倒了 就上了一課 他們會聽得懂 可是想做就很難 人生如戲 就憑這個理念已經看通看透了