蕾娜實戰技術攻略(純對戰技巧及即時策略,以衝鋒為主)

玩完la

首先,先講解連技
先講解連技原則
依到主要唔係講連技方式,而係教你咩combo可以接咩野combo,因為,連技唔係硬板板咁連
比著人地閃開左你重會繼續連空氣嗎?
－－－－－－－－－－－－－－－－我係一條線－－－－－－－－－－－－－
首先,
z(1-3)下之後,都可以接射姿,>>(dash)+z(1-3下)  [腳剷],飛天 等等
由於飛天同dashzzz為挑空,所以,要顧及返地型使用。
而z(1-2下)之後射姿的話,有機會失連。
zzz之後出射姿的話,第三下z有機會因為腳短而甩連,所以要留神。

dashz(1-2下)  都可以接射姿和飛天,但切記不要接z.一定會甩的(除非你攻速20)
dash z第三下次後,挑空,應用zzz去接,你中意玩野既,可以用飛天再挑多佢一次都無所謂= =

zzz上z  可以用dashz剷佢,而最後個一下z係會高攻1.5-2倍的。

先有簡單捉完人之後連技方式(最後也要自己配合的喔!)
zzz射姿zzz射姿...(先以dash zzz,dashz射姿開連,記住,第三腳有機會甩,留神)

zzz上z dash zz 射姿zzz射姿(十分多樣化吧,請注意地型)

xx xx xx xx(攻速起碼要10以上先好用,我可沒數據,抱歉,依招,記住禁住前連技,禁xx既時候記得禁2下,放手,射完再禁2下x,慢慢來,要練不難)

z射姿 dash zzz zzz上z dash z 射姿(停一停)xx 射姿x (好無聊既連法,真係好多元化= =)

－－－－－－－－－－－－－－－－我係一條線－－－－－－－－－－－－－
之後,我想教下大家捉人應對方法。
係學識連段,捉唔到人都係徒勞無功
所以,以下將會講解蕾娜對住唔同角色,唔同打法既人既應對方法,同埋一d捉人既禁忌。

一,跳跳虎(適用於艾索德和雷文)
跳跳虎可能大家唔明係咩黎
跳跳虎即係不斷跳z捉人既無技術既人
依類無技術既人有一個好特別既地方,就係全部都識剛才我所講既連技。
應對方法好簡單－剷！
要係合適既時候剷，當係劍同雷文跳斬，差唔多落地既時候（離地半個身位－２／３身位）
就係遠處剷過去（距離大約係剛剛隻腳滑到最後既位置，自行估計），好近咁剷一定會失。
如果你岩岩好剷中佢，佢定左係到，而你又無俾佢斬中，恭喜你，可以連了。
假若大家都斬中，硬直一下的話，就先與雙方跳斬一下（大家正確都會彈一彈返原地）
再用飛天之舞，挑空，然後就可以連了。
切忌：
１．剷唔到就走
２．剷中佢，但又俾佢跳斬斬中的話，不要出花舞，你會有沉重既代價。

二，伊芙
伊芙最易對付，通常佢地有２種捉人方法，只要係佢捉人，打個下反擊就可以安心地連了。
第一種係，二段跳飄來飄去接近你，最後差唔多落地個陣就禁ｚ打你。
這個十分易對付，花舞係對付方法。
係佢差唔多落地禁ｚ既時候對住佢禁花舞就ｏｋ了，花舞之後剷佢然後連
第二種係，不斷運用在空中前飛和斜飛方法，令你混亂，然後忽然前飛／斜飛接近你，再ｚ
沒條理的伊芙反而會令自己更亂了分串，真的ＸＤ
這個也很易對付，企定係到，等佢埋黎，ｚ的時候自身就出花舞定佢，定唔到就跑走吧，定到既話就連啦。

三，龜法
龜法這點不好對付，因為火球不能打爆，而且法師經常以前前ｘ向後發火球及閃來逃跑。
這個應多運用地勢，站在對手上方的平台，跟著下面的法師，令她做成心理壓力，失方串，然後落去一剷。
又或是，追著他，一出火球就二段跳走開，有機會的話就剷。
法師彈開率唔知點解特別高，剷完都係佢俾彈開迅閃逃跑，真係好煩
真正對付佢地既方法係，開屋頂場。

四，蕾娜（腳弓／狙弓）
蕾娜對著蕾娜，最需要知道的是以退為進
以不斷係對手面前　前後跳躍移動，令對手因而心急想打你而剷，依個時候通常係　，係佢剷個時閃開，係佢後面剷返上去。
唔得既，就再嘗試吧。
高技術人兄的話，可以咁樣
一下子衝到佢前面，佢一剷就跳，佢一出花舞就二段跳踩哂所有箭佢（困難所在）
之後對手就會俾你乖乖咁痛打一番了。

－－－－－－－－－－－－－－－－我係一條線－－－－－－－－－－－－－
第三，裝備
高達裝，好想要？
天使裝，好想要？
死左條心佢，個Ｄ裝只係附助，但又賣咁高既價錢，咁買佢黎做咩？
首先要整好自己既裝佢先。
先要知道，打ＰＶＰ最重要既３個要素（能力）
排名分先後
１，攻速　２，命中　３，暴擊
攻速也即是說ＣＯＭＢＯ既完成速度，也即是就每一下踢，每一下箭既速度。
命中係用來對付有迴避既人，因為，俾人避到的話，往往會係意外既發生，亦都係你由贏變輸既成因之一。
所以，你唔避人，你都唔好俾人避到你。
暴擊，攻Ｘ１．５倍，大家都明啦。
而加到依Ｄ野既，就係魔法石同裝飾既功效
鑲魔石，見到唔係以上所提既，就可以重鑲了。

屬晶
推薦係
雙光同雙水
雙光，一石化到人，就跑埋去，射姿，Ｘ　Ｘ　Ｘ　Ｘ．．．．射到佢跌為止
你會發現，佢既血，會一格一格咁唔見左，見到都爽呀，正！
雙水，減速減防（減防我就唔係好覺啦，但減速是十分好的）
雙水，對好多人都有用，佢走唔到就只會乖乖俾你剷到，然後連
只係對一類人無用，跳跳虎。
因為佢唔會影響跳速同攻速，佢一直跳Ｚ跳Ｚ你奈佢唔何。

裝備方面，大家都應該知道
以隔一套裝既方式換
腳弓既
就艾德傭兵，礦工，厄泰拉
狙弓既
就班迪，紅石，厄泰拉
當然，名家會更好。

[ 本帖最後由 玩完la 於 10-3-26 11:40 PM 編輯 ]

玩完la

最後,我會說一下策略與心理戰
1.斷技的重要
你打到差不多的時候,你會計算到別人有技還是無技,
除非你的閃避技術非常高超
你總有機會被人打到,對手正常也會出技,所以,斷技保命是必要的,100mp,你打一會就打到,但你的血是不能回復,吃左技,你的血最少沒了3分1,所以,你給人連,就要即時按著z,就算浪費了mp,對手不出技,但寧願保命,斷技是必須的

2.閃避與dash z
如果每一次,你都衝過去dash z 攻擊對手的話,佢就會找到你的門路,佢會懂得閃避,然後反擊
所以,你衝埋去,有時就dash z ,有時直接衝跳去佢後面,再dash z
人家自然就找不到你的門路,乖乖地給你連

3.引對手出技
詰個對法師會比較有效,你不斷地追著法師,他總會有儲了足夠的mp出技的時候
追著法師的時候,一邊追,一邊按上,這樣的話,不但可以閃開法師倒後出火球的招數,甚至可以因為他想反擊而出技,你都可以避開,在佢後面反-反擊= =

4.二段跳踩重要
當對手跳斬,或是自身被連的時候,按上的話,可以用埋二段跳既踩
當你練到百發百中,跳踩必中的話,可以停住對手之勢,還可以打倒對手,從而儲mp,這樣就可以令你的優勢增加

5.地勢應注意
多平台位置,可以令自身既動作,更靈活化,玩弄對手於鼓掌之中。
相反,如果你亂跳,亂跑的話,則是浪費時間,更自亂陣腳
平台應多利用技能範圍(eg 在平台上開暴風空間打地面的對手,傷害會增加5分1左右,花瓣之舞命中率會更大)

6.射箭與近攻
我本人認為射箭用於閃避對手攻擊以及捉人,射箭多用於輔助,抓人,但如果射箭過於頻密的話,則會有反效果
所以,35%射箭,65%近戰就最好

7.搶攻還是防守?
急於求成,只會令自己掉血更多,應要有80%既肯定,自己能打到對手,而不會被人反攻,反之,就請以射作防備,一來可以係射箭中找到機會進攻,二來可以令對手心急,急於搶攻,令你得到優勢。
如果你技術未夠,不妨射多d箭,慢慢削掉對手既血量,等時間結束,你都會變成贏家。

8.Time Manage
當自己已打到對手大部分血量扣掉,對手第一時間都會走,然後儲mp,如果你既血量係比佢多好多,就追住佢,但不打他,而且要回避對手攻擊,等對手無機會回mp出技,大約去到20秒之後就放生,你也回避對手,對手有時唔記得時間,白白儲mp,但最後都輸左,而如果你技術未佳,俾對手打到咁多血,就應該反擊對手,因為對手會心急想殺你(當大家沒看過我既言論= =),多用倒後射箭,以及花瓣之箭回擊,連段,打完就走,再回擊,咁就有機會反敗為勝

9.先連後技,還是先技後連??[捉到人之後]
兩樣野都有考慮既因數,視乎情況,先連後技,通常將技放係最後出,確保輸出傷害
但先技後連,可以確保技能使出成功,但技能使出之後,再連既難度就會比較高
所以,先連後技,要肯定技能係可以絕對成功,如果個人俾你連連下忽然倒地(maybe因捉人之前可能係跳斬,or 打到幾野但失敗,之後再連,就連唔到太多),然後又禁錯制,出左技,就後悔莫及(因為我開頭玩既時候都有此失誤過)
而先技後連,失連機會極高,建議捉人技巧高既人先好咁做,到時連唔到你會覺得可惜。
新手們可以用先連後技,技術有所增加之後,先混入先技後連吧

10.彈開與反擊既配合(重要要點)
你有時會見到你打到對方,但對方可以"""跳"""開,而都有被打到既動作(向後翻滾)
令到你想連都無得連,其實點做既呢?
好簡單
當你知道你既距離唔夠遠,將會俾人打中既時候,你就一定要禁住    ↑    唔放
係禁住,唔洗狂禁,禁住姐= =
如果人地不斷跳z的話,咁就唔好用彈開既招數,依個只係應付係人家在地面打到你既時候所用
人地係咁跳z就不如dash z 再 回後使用花瓣之舞反擊來得實際
而彈開之後也能使用花瓣之舞反擊,所以,配合dash z , 彈開,同埋花瓣之舞
就可以令你俾人連既機會大大減低
所以,一定要將依個技巧變成你既反射動作,一俾人打就彈開
11.跳斬慢半拍
跳斬的時候,跳了後,接近落地的時候才按z ,不要一跳就按,這樣收刀會快點= =
－－－－－－－－－－－－－－－－我係一條線－－－－－－－－－－－－－－－－－－－－
1.射箭為妙

係團戰入面,就同單挑相反,應用65%箭,35%近攻

以4打4既團戰入面,你連人,隨時俾第個係後面偷襲你,所以打人應射箭,正所謂

"明槍易擋,暗箭難防"你不如一下一下射箭,削減對方生命值,再等有mp既時候先捉人出技

2.多與隊友伴在一起

有依靠,自然打擊對手就事半功倍,係團戰入面,你同隊友圍人,人地無得冤,而且人地打唔到你地,反而失血,就更有贏既把握

3.沒劍士,弓就是中場控制大局的角色

團戰入面,劍士係擾亂敵人,令敵人無遐儲mp既人,係有重要使命,但咁無劍士點算,弓就自然倫為那人

應找一個弓手去敵人那處"攪攪陣"但,唔好打人,只是走來走去就足夠,你顧住打人,一來無遐擾亂其他人

二來更有機會被圍摳,就打手既工作就交俾儲緊mp既隊友啦~

所以,如果弓手就擾敵者,最好以多血多防既人,而打手最好為高攻人士

4.咁如果有人黎攪攪陣,做擾敵者既人應該去防守,定係唔理,繼續攪攪陣

這個就繼續攪攪陣啦,因為,你就算擋住對手,你既隊友都係會因為驚俾人打而走,而你去攪攪陣,你既隊友自然會去對付佢,而且打人1下係會有5mp,咁比起慢慢儲mp,打人既成效就來得要多,所以,攪攪陣就比較好。
－－－－－－－－－－－－－－－－我係一條線－－－－－－－－－－－－－－－－－－－－

技能方面，要顧及火雞既重要性
本人認為大家，未去到２１ＬＶ都唔好打ＶＳ，真的。

加法
基本
２點魔力箭
４招被動技（２０點）
３點魔力導言
３點強化射姿
５點火雞
３點花舞
２點暴風
４０點
狙弓
５點虛無
５點穿透
５點中魔／中腕（打任多就中魔，打ＶＳ多就中腕）
５點狙擊信念
１點飛天
５點鷹眼
其他就自行解決吧
腳弓
毒蛇５點
衝鋒５點
中腕＋斷筋（鎖技）　要＝５點（自行配撘）
飛天１／３點
武鬥５點
不屈４／２點
其他自己攪點

[ 本帖最後由 玩完la 於 10-3-27 12:09 AM 編輯 ]

tsuionyat123

我玩雷文,對我冇咩用= =

wai_asd

令我e個低手明白點樣打弓+_+

雖然我都有隻-但要升埋eve頂lv再打-

話說eve打慢慢行的劍好易打-黎=跳高後面打佢...(快的劍唔識~)



一直唔明d人點跳開-等我去練先--

玩完la

情況係,只要你唔係係地上俾人打中既話,有少少離地,禁住上都可以跳開