吳卓羲讚欣宜扮嘢叻

紋少

徐子珊盛讚欣宜扮得出色，更希望與對方組扮嘢組合。
徐子珊、吳卓羲（Ron）、郭晉安及姚嘉妮等昨日於跑馬地墳場拍攝無綫新劇《團圓》，劇情講述Ron與安仔發生誤會，因而在喪禮上動粗！Ron說：「我去墳場拍過幾次外景，守規矩，加上有袋平安符，都唔驚嘅！（有冇睇鄭欣宜扮徐子珊？）有睇過廣告，欣宜清減咗，進步好多，好有潛質！佢拍劇又做綜藝，似足肥姐（沈殿霞），係專業娛樂工作者！（你扮埋一份？）唔喇！我扮嘢唔叻！」
對於被欣宜模仿，子珊表示感到光榮：「我有睇欣宜扮我，好欣賞佢！有人扮自己係光榮，我都想扮，不過未諗到扮咩，想同欣宜、王祖藍組成扮嘢組合！」另外，Ron昨日與前緋聞女友官恩娜（Ella）及江若琳出席活動，江若琳被嚇呆，Ron則大方與Ella合照：「唔尷尬，同Ella成年冇見，頭先Say Hi，做男仔要有風度！」

吳卓羲大巴摑郭晉安，十分逼真！

郭晉安與姚嘉妮於劇中差點大打出手。