- 閱讀權限
- 50
- 最後登錄
- 20-10-9
- 精華
- 5
- UID
- 222997
- 帖子
- 2231
- 積分
- 3237
- 註冊時間
- 04-7-9
- 在線時間
- 1416 小時
- UID
- 222997
- 帖子
- 2231
- 積分
- 3237
- Good
- 272
- 註冊時間
- 04-7-9
- 在線時間
- 1416 小時
|
<結局篇>第一話:
「不如入去坐低再傾.」
「嗯.」
三人向著屋內行去,我看見BILLY左邊空空如也的衣袖,
看見犀牛一柺一柺地行著,看見浩飛連日來憔悴的面孔,
(點解...我好似累到班兄弟變成咁...)
BILLY為了我,整隻手比別人斬斷;
犀牛因為不忍背叛我,所以右腿為我捱上子彈;
浩飛更只是『義氣』兩字,一名青年竟然要陪著我『著草』;
剎那間,我做了一個令眾人驚訝的動作,
「對唔住!!」
我向著他們下跪,頭已經碰到地下,
我看不見他們的表情反應,但是一輪的驚呼聲立刻響起,
「你做乜呀,波哥!」
「你痴左線呀!」
「快D起身啦!」
「波哥,你咁樣我地受唔起架.」
連王子也走出來勸架,可見我這個舉動令他們意想不到.
「對唔住,我令到大家變成咁!!BILLY你隻手無左,
犀牛你隻腳又變成咁,我又係度浪費浩飛既時間!!
王子,你根本有料做大佬,又為左我係度勞碌,
咁多位兄弟為左我咁盡心盡力,但係我到頭來只係累左大家,
一D事都做唔到,對唔住呀大家!!」
我愈說愈激動,眼淚從面孔流在地上,
「所有野變成咁,都係我錯!」
「躂!」
他們竟然向我下跪,我立時變成不知所措,
「你地做乜...」
「波哥,雖然我隻手無左,但係出黎行就預左甩手甩腳,
我無比人擺橫已經好開心;而且我好開心有個好大佬,
呢個好大佬好重義氣,更加關心兄弟,所以用一隻手換佢既安全,
我做細既覺得好值得,更加無後悔過.」
BILLY向著我說,那無悔的表情更是印證他的說話是發自內心;
「要講對唔住既係我,波哥你個時知道我係二五仔,
但係你無殺我,而且仲原諒左我;
做金手指係要比人行家法,但係你一瞬間已經當無事發生,
走個時仲叫我自己小心,等你番黎同我一齊打天下,
呢份大方既器量,亦都係我幫你捱子彈既原因.」
犀牛的眼淚亦不自覺流下,這番說話更烙在我的心裡.
「波哥,當初跟得你就已經當你係親生大佬,
而我知道你都當我係親生細佬,唔係好多所謂既江湖大佬都可以好似波哥;
我後生,而家的確可以係香港打死打死博上位,而唔洗跟波哥著草.
但係一切係我自願,因為我寧願唔要上位,都希望跟到個好大佬,
而我認為呢個好大佬,就係波哥你.」
浩飛也一塊兒說,使我更加無地自容.
「但係,我係好大佬既話...」
「波哥,你有一點我其實係最憎,就係好猶豫.」
王子在扶起我們四人,
「你好打,有義氣,睇住D馬仔,只不過有時比較意氣用事;
不過我就比你既氣度折服,所以寧願做你既近身都唔想上位.」
「唉..不過我..」
我仍然是覺得有愧於他們,一時之間也不知道該說什麼.
「唔好講咁多啦,波哥你係想補獲就番香港收菊花檔啦.」
「哈哈,波哥都要補獲.」
王子帶頭取笑我,大家也拋走悲傷的情緒,
(有呢D兄弟,我今生仲有咩遺憾.)
其實在現今社會,所謂『江湖義氣』也是看重於金錢份上,
所謂的大佬,只會去控制他們的手下為自己賺錢,
只要有錢,『義氣』兩字可以立刻拋開一旁;
但眼前四人,他們仍然流著『義氣』的血,
感激、是我唯一可以做的了.
「波哥,其實點解你係市集到攪灰蛇D人.」
王子幫我燃點香煙,
「我諗住引佢出黎,迫佢比我上船.」
眾人聽到後都有點愕然,這畢竟是不太正常的想法,
「你一個人咋WO,波哥.」BILLY問道.
「你第一日識波哥咩,佢根本唔理圍毆定隻揪,
一開拖就打死對面大佬先,咁咪可以亂人軍心囉.」
犀牛笑笑的答道,我也笑著點頭,
「係呢王子,五百個去買灰蛇既貨呢單野...」
「我岩岩想同你解釋.」
王子站起來,然後來回渡步,
「強哥岩岩由英國番左黎,佢收到風菊花班友想買炸藥,
如果比佢買得成,我諗我地比佢收硬皮都似;
所以強哥就私人拎左五百個出黎,叫我上黎拆掂單野,
順便去搵埋你番香港助陣,成件事就係咁啦.」
「無錯,而我地係想見波哥你,就一齊上黎.」
犀牛答道,我亦拍拍他的肩膀微笑.
「咚...」
這是刀趺在地上的聲音,眾人立刻戒備,
「醒扒,我去門口睇下.」
我走向門前,然後深呼吸一下,
「吱..」
大門才剛打開,一下銀光卻近面而來!!
(待續)
補充資料:
擺橫:比人打死
[ 本帖最後由 ~傳說中的傻仔︻ 於 10-8-10 06:24 PM 編輯 ] |
|
樓主: ~傳說中的傻仔︻
發表於 10-8-7 10:21 PM
發表於 10-8-8 07:12 PM
加油