我在黑社會的日子I～＜完＞

「雪之國度」

唔通強哥都過埋檔- -

鋼牙章魚丸

發現菊花已經比強哥收左皮

NotsWater

見到佳哥同強哥係到插緊。

fgh14798

學埋哂tvb係最緊張果陣又待續.咁仆街.

~傳說中的傻仔︻

谷收視   無計啦

「雪之國度」

原帖由 ~傳說中的傻仔︻ 於 10-9-12 11:16 AM 發表
谷收視   無計啦

好野唔學學哂d衰野@_@

~傳說中的傻仔︻

宣傳::   

小弟呢期同朋友夾錢開左間網上店鋪  就正正係2千分紮根   熱賣緊台灣牌子stayreal 既五款t-shirt  

價錢絕對係平過市價!!  質素絕對係一流!!  有興趣就禁入去睇下啦~

http://www.2000fun.com/bbs/viewt ... &extra=page%3D1


第十四話:

一隻手把我開門的手扯過去,「呼!」

他低腳掃我下盤、使我整個人被扯起,

「砰!」

毫無防備之下我被狠狠摔到在地,一條腰骨快要被摔碎,

然而施襲之人還想重施故技,捉著我的右手想再扯我上半空,

我當然不會就範,馬上使力與他抗衡,

就在我抗衡之時,看見襲擊的我人面上盡是滄桑的表情,

更值得我留意的是他手指間的指環,這人便是昔日視我如愛將的強哥.

「強..強哥!?」

為何強哥要攻擊我?為何他要這樣做呢?

我沒有多餘的思考時間,強哥再次出手要向我襲來,

「呀!」

強哥一下咆哮,力從地起把我硬生生扯到半空,

我這一次有所準備,左手借力按著地上御去力道,

雙腿則向後一踢,把強哥暫時擊離攻擊範圍.

「強哥!我係阿波呀!」

與強哥拉開距離後,我立刻要弄清麓是什麼回事;

可是強哥只是弄一弄領帶,然後把西裝外套拋到一旁,

「我知呀,醒扒啦.」





一句過後,強哥的攻勢一浪接一浪,

狂攻快拳把我迫往牆角,想不到強哥的攻擊力是出乎意料之強.

自從強哥當上四大話事人之一後,已經很少時間會親自動手,

當一個人不常把自己的長處展現出來,人們便會以為他已經不再中用,

強哥也是如此,近年來經商的形象深入人心、使我也認為強哥對格鬥方面不太有興趣,

就是抱著這一個想法,使我現在感到很後悔.

「碰!碰!碰!」

重拳不比皇龍的力度小,速度不比刀疤的速度慢,

這刻我憶起強哥當年也是跟隨佳哥的猛將之一,所謂『名師出高徒』,

佳哥貴為雙花紅棍之一,強哥又怎會如此不濟呢?

就是一個大意,我面上立時受到重拳轟擊,

「砰!」

力度沒有想像中大,但仍然把我整個人擊到在地.

我本能地作出防守的架勢,準備再次迎接強哥的攻勢,

強哥一步一步走過來,我神經緊張得不敢有一絲疏忽,

「躂.」

但是強哥竟然一下抱過來,我不知道作出什麼反應才是恰當.

「阿波,歡迎番黎.」

「強哥!」

然後便是我心底的激動爆發出來,緊緊地回應強哥的擁抱.




強哥慢慢坐回座位上,他亦示意我坐下,

「阿波,我地無見幾耐?」

「自從係阿偉既墳見過之後,就到今日啦.」

強哥低下頭來看看日曆,然後一副唏噓的口吻,

「半年有多...阿偉都過左身咁耐lo...」

「係呀...」

一時之間我們二人因為阿偉的死亡而使氣氛沉重起來,

「唔好講d衰野住,你番黎就已經係好事.」

「嗯.」

不知道是否沒有見到強哥,而且這次分開的時候發生太多事情,

而這些事情更有機會影響我們二人的感情,包括我被菊花出賣為『二五仔』的事情.

「阿波,我番黎個時,周街都話你做二五仔,單野你點解釋.」

果然是這件事情,強哥問起這件事情,

代表他想幹掉我?代表他還關心我?還是其他意思......

「強哥,其實單野我係比菊花屈,個日我想救阿偉,

史王輝係度拖時間,犀牛就局住做二五仔影我相;

菊花之後就係大會入面屈我同『東英』有路,要一獲棟起『華興』,

但係我根本唔會咁衰仔,而且我有證據可以證明菊花當日先係反骨仔.」





強哥聽到我有證據,馬上留起神來,

「講落去.」

我從衣袋中拿出當天阿偉冒死錄音的偷聽器,然後播放出來,

過了一會兒後,強哥的面色也變化起來,

「就係咁啦強哥,成件事根本係菊花借題發揮,

佢想借個日既事攪正我同阿偉,再用相黎屈強哥你管救無方,

然後就坐大話事人既勢力;只不過我夠運走到,當佢無哂乎個陣,

咁岩你同老頂又出國,佢就順手想做瓜我地呢d死靚仔;

可能我真係夠運啦,我又一次走得甩.之後佢開『盛聯』單野已經唔關我事啦.」

強哥點著頭,應該也是認為我說的話很正確,

「阿波,其實我一定信你唔會係二五仔,

頭先打你,都只係想睇下你係唔係想做瓜埋我;

不過事實證明,你仲係我既好幫手.」

強哥願意相信我,我立刻開心得笑了起來,

「哈哈,強哥我早知你一定會信我.」

「傻仔,我信你都無用,出面好多檔口都唔信你;

雖然你而家番左黎,而且菊花過左檔,但係你仲係比人唱緊,明唔明?」

我有點激動地叫了起來,

「我明明唔係二五仔!」

「所以,你而家就要做番埸大龍鳳.」

「我可以點做?」我問道,

強哥緊盯著我,

「聽晚去掃『盛聯』既檔口.」

(待續)

[ 本帖最後由 ~傳說中的傻仔︻ 於 10-9-12 09:02 PM 編輯 ]

鋼牙章魚丸

聽晚去掃『盛聯』既檔口
有野睇

0o小白o0

即係今晚掃  後晚先出文

fgh14798

有野睇了

~傳說中的傻仔︻

宣傳::   

小弟呢期同朋友夾錢開左間網上店鋪  就正正係2千分紮根   熱賣緊台灣牌子stayreal 既五款t-shirt  

價錢絕對係平過市價!!  質素絕對係一流!!  有興趣就禁入去睇下啦~

http://www.2000fun.com/bbs/viewt ... &extra=page%3D1



第十五話:

隔夜,我在拳館中重新操練著、畢竟已有數月沒有參與街戰,

為了避免技術生疏,回來後第一件事便是重新練習.

「碰!碰!碰!」

一下一下的重拳陷入在沙包之內,而我為了增加自己的拳量,

我早已知泥沙換成鐵沙,更可以使我的拳頭更加堅硬.

(聽晚去掃『盛聯』檔口.)

強哥的說話不斷在我腦中徘徊,更驅使著我用心揮拳,

(我一陣就可以收盛聯班仆街....等我呀!!)

不知道揮了多少拳,但就是沒有『累』的感覺,

連浩飛等人在旁也感覺奇怪,但他們不敢說話、只是默默地在練拳.

「波哥.」

王子剛剛進來,一聲叫喚使我停下來,

「點呀王子.」

「班兄弟ready哂,等你order做野.」

「有幾多人.」

「50.」

「good,細昭,你一唔一齊跟去.」

細昭也在拳館中,只見他雙目閃過異樣的光芒,

「有交打緊去.」

「ok,咁行啦.」




我行了數步之後,突然想起一點事情,

「王子...你估班兄弟會唔會覺得我係二五仔...」

「傻啦波哥,佢地成班等左你好耐,菊花就係二五仔啦!」

「哈哈,聽到你咁講就放心啦.」

我拿起外套穿上,然後便與浩飛二人一起上車,

「行得未,波哥?」

「開車啦,叫班兄弟係炮台山xx街等.」

炮台山是香港仔的地區之一,而香港仔是昔日『和記』的地盤,

但是『和記』在近年解散之後,便由剛冒起的『盛聯』所侵佔.

可能有人奇怪,為何『盛聯』能夠輕易取得當初『華興』與『東英』爭奪的地盤呢?

理由很簡單,只因為兩者早已經有自己的總地盤,有著固定的位置;

當一個新地盤空出來時,雙方也要由自己的地方派人佔領,

但派的人一定不會多,只因為距離與利益是雙方首先考慮的因素,

特別是利益,只因為雙方早已有總地盤,無謂在香港這細小的地方再開拓一個總地盤,

所以只會有零聲鬥爭,而鬥爭通常的對像只有『旺區』,例如銅鑼灣等等.

雙方在意的只是某些酒吧或黑市生意的利益,並沒有擴大板圖的意慾;

但是『盛聯』卻相反,一個新生的團體若失去立足之地、只會被快速消滅,

而『和記』的舊地盤剛好替代為他們的總地盤,而菊花等人早已招兵買馬,

小形的社團早已成為他們的一部份,團體之大更可與『華興』和『東英』比較,

在天時、地利、人和之下,菊花當然不肯放過任何時機,

所以一下大形的亂入行動,便使『盛聯』迅速在香港仔落地生根.






「呼...」

車子不斷向著炮台山前進,我早已熱血沸騰,

可能身為黑道中人,數個月的悠閒生活雖然削弱我的意志,

更一度萌生退出社團的想法,但是當要再面對街戰時,

我感覺的不是害怕或者逃避,而是想參與、樂在其中!!

但我更加要感激強哥,他毫不猶疑地便再信任我,

就如事實所示,自從上次大會後、我便披上『二五仔』的名號,

雖然自己的門生和近身也明白事理,知道我是忠於『華興』,

但是身為話事人之一的強哥,卻以一顆直誠的心信任我,

就是這份恩情,我知道自己願意為強哥做任何事情.

「係wo,波哥,你個偷聽器呢?」浩飛問道.

(偷聽器...)

               ----時間回到昨天與強哥見面時----

「掃『盛聯』!!我求之不得!!」

強哥見我興奮若狂,也很高興地回應我,

「仲以為你著草之後謝哂,估唔到仲咁有power,good.」

「緊係啦,我等左幾耐可以班馬斬柒班仆街.」

「而家咪有機會lo,好好做野.」

我忽然想起偷聽器,是不是應該把它的內容公開呢?

「強哥,咁入面既料,我地好唔好爆比雜誌;等出面d人知菊花條仆街做過咩黎.」

我一心想令菊花陷入險境,這些賤人是應有報應的!!






但是強哥看著偷聽器,一下一下地吐出煙圈、未有回應我的問題,

「強哥...」

「嗯...」

他把食指彈一彈偷聽器,然後便回答我,

「我覺得唔好放住.」

「點解呀!?」

「咁講啦,佢地而家食住個勢上,做咩都好順;就算而家放d料出去,

菊花一黎個銀彈戰術,就咩用都無啦.」

強哥之話不無道理,現在『盛聯』的氣勢當紅、相反我們『華興』卻變得勢弱,

就算現在告訴江湖中人菊花有何賤格,對他們的打擊卻是微乎其微.

「咁強哥你有咩諗法.」

「我地而家要等,等一個機會.」

「等....」我忽然明白,同時與強哥露出微笑,

「無錯,一個機會;只要時機一到,就係呢舊野發揮佢最大實力既時候.」

「嗯,咁呢個野放係你到先,我番去抖下先.」

「好,比心機做野.」

「收到.」

            ----時間回到現在----

「偷聽器係強哥到.」

「哦...波哥,我地到啦!!」

車子緩緩停下,而我們的目標正是在不遠處的『飛王酒吧』!

(待續)

fgh14798

飛王酒吧
個名咁怪

鋼牙章魚丸

快d打交

angus7898

強哥會唔會係扮野?其實佢比左個偷聽器呀匊花佬?

~傳說中的傻仔︻

問題1.)程谷飛+史王輝=飛王酒吧

問題2.)強哥比舊野菊花....我覺得唔會啦...畢竟真係明刀明槍要做瓜對方

「雪之國度」

挑啦@_@
有格鬥睇

~傳說中的傻仔︻

原帖由 「雪之國度」 於 10-9-16 07:20 PM 發表
挑啦@_@
有格鬥睇

其實你好鍾意格鬥?=.="

因為古惑仔通常都圍毆....隻DUP真係少之有少

0o小白o0

炮台山係香港仔- -??
錯誤

~傳說中的傻仔︻

香港島先岩  唔好意思  哈哈哈

「雪之國度」

有格鬥方面ge都中意睇@)@
冇話隻抽定圍-.-