我應該點做

spy198722

我同我女朋友拍左拖三年,三年黎都冇咩大問題,雖然都分過2次手,但係都好快冇事,感情仲愈來愈好.
但係幾日前,我女朋友話要同我分手,理係由我同佢D好朋友唔夾,兩者之間,佢寧願要朋友.
其實我同佢有幾次爭D比佢D朋友攪到分手,次次我都忍氣吞聲,
呢幾日我一直都同佢講復合,有咩唔好既我改,佢比我講到喊,握緊拳頭,都唔肯接受我,
我身邊既人都叫我放棄,但係我始終都唔想
,佢同我講,你唔好對我咁好啦,你咁樣我個心仲痛,之後佢同我講話D比時間佢考慮下,唔好迫得佢太緊
,我真係唔明白,佢明明就係唔捨得,但係點解要咁做,
我都真係唔知點做.請大家為小弟指條明路,

waihappy

何必為左一棵樹放棄個森林呢,3年話長唔長話短唔短

gamegame1234

下......可能吾係呢個原因既..
會吾會有苦衷係吾同得你講....所以又吾捨得又吾講得..先喊晒口丫

loveyoujj520

人地唔想就唔好迫人啦.是問有邊個人想比人迫丫.你比d時間佢諗清楚啦.你係咁問.只係會比壓力佢lo

muuiiiii

拍拖是兩個人的事, 是但一方出現問題或者提出分開都唔到你唔接受
當一個人下了決定 有一日你會發現死lur都係冇用
照你咁講你地大家既價值觀都有一定距離, 也許你視愛情較重 但你也必需尊重他人
你可以嘗試挽留 但唔應該迫人呢
如果佢真的不捨 我相信你地會再次走在一起
你可以等待 但做人都是看開一點比較好 愛情只是生活中的一倍部

btw 分手不一定大家沒有了愛 沒有感情 看不到將來 生活不協調都可以成為分手的原因
鑽牛角尖辛苦的只會是你

紫靈姬

兩個人一開始都可以眼裡只有對方
忽略左身邊既朋友
但相處既時間一耐左 就會開始想有返少少私人空間
因為兩個人一齊總要有朋友架 試問你點解會同佢啲朋友夾唔到呢
你大可以搵埋你啲朋友 佢啲朋友一齊出街
你都想同佢相處耐啲時間 而且佢又可以陪到佢啲朋友
或者放任佢同佢啲朋友出街
最重要既係你同佢一齊要開心 互相尊重
試想下佢同唔到你啲朋友相處
咁拍得拖耐講真都無用啦 諗下如果將來結婚
朋友重唔重要先 希望你可以改變一下你對佢啲朋友既觀點啦