祖藍

紋少

王祖藍覺得自己扮女人好靚，女朋友對腳就一定要靚過佢先得喎。
王祖藍噚日接受商台節目訪問，講到呢排喺無綫節目《荃加福祿壽》經常扮女人而搞到俾家長投訴教壞小朋友，祖藍話：「都唔會唔開心，谷氣又唔會，都好舒暢有個平台俾我哋發洩，好開心。咁我扮女人扮到又未至於會悶，不過話俾人投訴，反而怕觀眾會悶，所以都有少少壓力，我自己會反省吓。」

王祖藍自爆鍾意咗位女教友，仲已經表白咗㖭。

王祖藍之前同李亞男傳過緋聞，唔知李亞男有冇信教呢？
感激 Sammi
祖藍上星期扮鄭秀文（ Sammi）扮得維肖維妙，佢話 Sammi睇完都有傳 sms畀佢，令佢開心到喊，祖藍話：「雖然同佢唔熟，佢話睇完之後好好，嗰晚睇完 sms之後真係想喊咁滯。」
講到成日扮女人怕唔怕識唔到女朋友，祖藍都話有擔心過，佢話：「望一望自己扮女人靚到咁，識女朋友對腳都要靚過我喇。成日扮女人都怕嚇親人哋屋企人。」祖藍仲自爆已有心儀對象，佢話：「都有 o架，係教友嚟 o架，我都有向佢表示過，佢都知道，我哋係教友，大家好慢熱 o架。都唔知點約出街，周圍都有相機，不過平時我哋都係一班人出去 o架。