預告陀 B食營養餐 蔡少芬怕大籮柚難着迷你裙

紋少

蔡少芬喺戲中經常要以呢個大籮柚嘅中女造型出現，唔怪得佢話嘥晒佢嘅美貌同身材。
無綫新劇《飛女正傳》今晚首播，噚日成班演員喺奧海城舉行宣傳活動，出席的包括有蔡少芬（ Ada）、朱慧敏、黃德斌以及曹永廉等，男主角陳豪因為有嘢做就未有出現。
Ada以劇中嘅大籮柚造型現身，佢喺活動上仲舉起一個道具啞鈴，而其他男演員就要着上一條「大籮柚」嘅短褲，模仿 Ada嘅造型，鬼咁搞笑。

噚日活動上蔡少芬紮晒馬咁舉起道具啞鈴，可謂交足戲。

其他演員如曹永廉、黃德斌等同時以大籮柚 look出現，企埋一齊相當搞笑。
想似 Kelly做靚媽

何傲兒（左）同朱慧敏不約而同着上短裙出現，但朱慧敏嘅背心款較為搶鏡。
靚女變醜人， Ada話要以呢個肥身形示人都好辛苦，一來要着好多衫，又熱又焗，佢仲講笑話最唔開心係遮掩咗佢美好嘅身段喎！ Ada話：「人哋 keep得咁弗，諗住有得露吓，點知又要人哋扮肥。」一向身形甚弗嘅 Ada話就算他日生 BB，都唔會畀自己變成一個肥師奶，仲話：「