讚帝后完美輸得心服口服吳君如三咀任達華

紋少

吳君如祝賀任達華榮升影帝，二人咀嘴三次之多。
55歲任達華從影 33年終憑《歲月神偷》榮升金像影帝，失落影后的吳君如在慶功宴上向他吻賀，三度嘴對嘴，反而輪到琦琦及華仔合照時，二人只肯錫面不願錫嘴，華仔表示獎座會放女兒床頭，教她做人要努力。
電影《十月圍城》與《歲月神偷》在香港電影金像像奪得多個大獎，陳可辛邀請兩齣戲的台前幕後人員到尖沙嘴一同慶功兼開香檳，《十》片導演陳德森奪最佳導演，開心風騷得滿場飛，尾聲時陳德森大叫《十》片演員合照，羅啟銳笑謂：「乜你咁 o架，小偷嘅人一齊走！」惹得全場大笑。

電影《歲月神偷》及《十月圍城》在金像獎豐收，前晚一同慶功一同開香檳。

任達華同琦琦反而不肯當眾咀嘴，只肯錫面。
獎座鼓勵女兒努力
任達華與吳君如同憑《歲》片入圍影帝影后，結果華仔奪獎，君如落空，不過君如很有風度，嘴對嘴吻賀華仔，且應記者要求錫完再錫，結果咀了三次之多。後來華仔老婆琦琦到場，夫妻只肯錫面拍照，怎麼也不肯咀嘴。
任達華謂回家後會將獎座放在女兒床頭，他說：「等佢知道我拍戲咁多年，做人係要努力嘅。」有指他等了多年才得影帝，但看來並不激動，華仔說：「我一向拍戲只想拍好電影，拍好多細 budget嘅戲，有好多思考，成日俾人話我拍戲非警則死，好開心呢幾個月有人叫我羅先生（歲月神偷戲中角色）。」談到君如得不到影后，華仔說：「希望可以再同君如合作。」
君如失獎多仔安慰
君如則表示很開心，她說：「唔係虛偽說話，《十月圍城》攞咁多獎，任達華又攞，佢辛苦咗好多年啦，小紅係我好朋友，我出道第一部戲就同佢合作，應該係小紅攞嘅，佢哋做影帝影后好完美，我心服口服。係啲 friend好煩，不停 call我安慰我，鄭中基、古天樂、華仔同張家輝囉，都好感激呢幾個靚仔。」
另外，羅啟銳、張婉婷昨日到香港大學出席「港大歲月神偷對談」講座，期間張婉婷大爆童星鍾紹圖失落金像獎最佳新演員獎後一度落淚，而她正籌備新片，以成龍父母的真人真事改編的愛情故事。