重溫 12年模特兒生涯樂基兒平胸變豬嘴

紋少

見到真人原大公仔，樂基兒開心到扮着嘟嘴。
黎明嫂樂基兒入行十多年，以一雙性感厚唇走紅。她昨日出席活動時，在台上回顧她 12年前入行的少女相，勾起眾多回憶，不過，不及大會展出其 1:1真人大公仔，樂基兒開心到即時豬嘴扮公仔。
樂基兒昨日以時裝品牌 Salad的亞太區代言人身份，在旺角宣傳，除了即場為三名少女模特兒裝身做 styling，大會又請來 Eric So製作了一個 1:1真人尺碼公仔「 Gaile The Salad Doll」，這公仔最搞笑是有一個嘟起的厚嘴，樂基兒在場一見到，即開心到不得了，更站在公仔前嘟豬嘴扮公仔擺甫士。
邊睇相邊笑

樂基兒 1998年剛入行時，一臉稚氣及 baby fat。　
大會又回顧了樂基兒過去 12年的模特兒生涯，由她 1998年平胸少女相，到 2002年中國娃娃的烏龍茶廣告，到後來眾多的雜誌封面相，樂基兒邊看邊笑說：「好得意，攞番晒啲 memory，係自己一部份嘅總結。嗰時十幾歲，啱啱入行，剛開始時，樣樣都好新鮮，好多嘢學，呢樣係我最難忘嘅。」
戥 Lisa開心

樂基兒（右）近年專注搞設計及 styling，無難度地即場為三名少女裝身。
此外，好友 Lisa S.和吳彥祖早前在南非秘密結婚，樂基兒表示也沒有收到通知，但不會放上心，她說：「唔會嬲，每個人都有自己嘅事，唔一定要通知所有人，我都戥佢開心。」 Lisa S.有計劃生兒育女才結婚，問樂基兒的造人大計，她說：「我要睇吓，遲啲先知。」