planetarian（星の夢）玩後感想（含有劇透，慎入） - Key社

查看: 3413\|回覆: 5	go planetarian（星の夢）玩後感想（含有劇透，慎入） [複製鏈接]

憨憨的小任(CPU)

版主

Rank: 10

UID: 1080797
帖子: 6204
積分: 2527
Good: 257
註冊時間: 08-5-24
在線時間: 1106 小時

十週年勳章(賀詞)

1^#

發表於 10-4-20 10:59 PM |只看該作者 |倒序瀏覽 |打印

小小背景：
在世界大戰的30年後，整個世界遭受了極嚴重的破壞，一位廢墟獵人來到了一座因為戰爭而被廢棄的都市來尋找可用物資，在都市裡，他碰到了都市星象館的招待機械人——星野夢美，故事就此開始……

遊戲PV：

下為英文版PV：

Planetarian（下稱星之夢）係我第一個玩（睇）o既電子小說，感覺同其他key社遊戲有好大分別…
首先係登場人物，人物比較少（唔計回憶就係得夢美同廢墟獵人）…
CG亦都比其他o既少，而且係冇分岐，有如睇小說一樣。

不過以上果 d 特徵反成為星之夢o既特點。
音樂雖然較少，但一樣都係咁感人…
內容雖然無分岐，但催淚程度同key社其他作品（ＡＢ例外）一樣，甚至超越左某 d 遊戲…

講返內容先，初期玩落實在幾悶下（我係玩NDS漢化版），大約係講述廢墟獵人黎到一坐觀星館商場搵野果陣撞到夢美，而夢美又難得充好7日電（每30年夢美就會有7日係有電），於是兩人就相見了…
初期都好似KEY社遊戲，以搞笑為主－－夢美o既開朗性格同獵人o既吐糟，令人會心微笑…

其實獵人係想離開，因為老廢墟獵人曾經同佢講「要小心機械人」。
但廢墟獵人實在唔忍心見到夢美再次失望，於是就留係觀星館到幫夢美整返好部投影器（夢美叫部投影器做【耶那小姐】）…

期間夢美向廢墟獵人展示了夢美平時向人講述天地萬物o既內容…
呢部份我覺得幾催淚，即使中間有段小插曲有少系影響氣氛，但夢美o既講述加上BGM，實在令人感到傷感…
可以見到夢美30年來努力不懈去完成自己o既工作…即使不斷不斷重覆…夢美都唔會討厭，反而更開心咁去接待容人，為佢地講解…

整完投影器後，由於全市電力已經耗盡，留係觀星館只係等死，於是獵人決定帶埋夢美離開觀星館。
雖然夢美仍然相信館長會返黎（館長同一班員工已經係30年前死哂），唔想走…

獵人最後以「唔識回家」藉口要夢美同佢一齊出去…

外面世界，永無止境咁下雨。
機動兵器隨時會黎攻擊。

獵人決定帶夢美一齊離開呢個「封印都市」，但問題黎啦…
夢美係一個要充電o既機械人，一旦冇電，夢美就會失去活動能力…

就係獵人諗緊點樣解決呢舍問題時，機動兵器「招潮蟹」就出現係佢地o既附近！

為左保護夢美，獵人決定用 1 發子彈（獵人把槍得返 2 發子彈）去解決機動兵器…
可惜事與願違，不但解決唔到機動兵器（開空氣槍），仲被機動兵器追殺…

就係千鈞一髮之時（招潮蟹在一輪追逐後已被獵人射斷了一隻腳），夢美就出現係獵人面前，保護獵人…

獵人大驚，諗著盡快擊倒招潮蟹，但…
就係獵人開槍一刻，招潮蟹攻擊夢美。
招潮蟹最後爆炸了，夢美…
夢美被招潮蟹o既機關槍射出一個大洞，身體內部o既機械露左出黎…

如果夢美再得唔到維修，夢美就會機能永久停止。
但無辦法，全市無電力供應，夢美得返10分鐘緊急電力…

夢美代替招潮蟹道歉，並將夢美30多年黎o既回憶片段放比獵人睇…
第一日工作時o既情況，「夢美」的由來，如何哄小朋友開心，館長和員工的離開（旅行）…夢美一切o既記憶浮現係片段中。

獵人表面上無言，但內心卻係悔恨自己點解當初要帶夢美出黎，點解自己冇好好保護夢美…

夢美最後將自己o既心聲話比獵人聽，夢美意識到館長同班員工其實係一去永不回頭，客人唔會再光臨，所以當夢美見到獵人時，覺得好開心，因為夢美等左30年，終於有客人黎…

夢美o既聲音越黎越細，係機能停止前夢美講左最後一句：「請不要…把機械人…的天國…和……人類…的天國……分開……拜託…」
夢美機能停止後，左耳出左一張記憶卡，張卡就係夢美o既所有回憶，夢美機能停止前要求獵人好好保管。

十多隻招潮蟹已經集結係獵人同已「死」o既夢美附近…

最後，獵人講左一句：「我已經唔洗走，因為…我已經黎到夢美要求我去o既地方。」

－－－－－－－－－－－－－－－－－遊戲完－－－－－－－－－－－－－－－－－－－－－－

催淚部分我認為主要有兩個：
1. 獵人係觀星館修理緊【耶那小姐】後，夢美同獵人講述天地萬物果段；
2. 夢美機能停止前果10分鐘，以及獵人最後一句。

KEY社班製作人員（佢地製作星之夢之前係未入KEY社）果然係對悲劇情有獨鐘…
夢美「死」後，獵人果句其實暗示左獵人結局最後都係死…

其實去到故事中後期，夢美o既自我意識已經開始有成長，夢美明白館長同員工唔會再返黎，外面世界已經唔同左…
而獵人亦都放棄老廢墟獵人o既警告，同夢美一齊離開，結果大家最後都係死哂…

或者麻枝准係想我地反思下…
人同機械人，究竟可唔可以共處？
兩者o既天國／神，又係咪相同？
廢墟獵人對待夢美o既方法岩唔岩？

等等…
其實仲有好多問題，不過果 d 就留返比大家慢慢諗…

如果想要遊戲（NDS﹑PC版）o既話就係到留言，我遲下會加返。

希望大家鐘意呢個人催淚o既故事…
（某程度上我認為催淚程度比ＡＩＲ同ＫＡＮＯＮ要高得多…）