善用魔卡做真英雄！！

NALILI

以卡片殺敵打怪獸既遊戲系統其實好耐之前都已經出，就好似N前紅白機既《龍珠》 都係玩呢樣野，時至今日電玩特別係網上遊戲百齊放，隻GAME唔比D心思設計就會被 殘酷既玩家離棄。

講到最近比較HIT既卡牌遊戲就非《魔卡英雄》莫屬勒！相信大家所以認識呢隻GAME 都係由豆花妹而起，而除左請左呢位靚姐姐做代言人之外，呢隻遊戲既所屬公司「 遊戲新幹線」同時亦同好多合作單位舉辦活動，好似去便利店買野飲又或者去下載 「超級兔子」軟件都會免費送出虛寶，所以令到呢隻遊戲既風頭可以話係一時無兩 ！

講返隻GAME，故事背不外乎勇者拯救世界之類，而你既然o係隻GAME入面飾演「魔卡 英雄」呢個角色，必殺技就當然係你手上既魔卡啦！你可以透過不斷殺敵又或者購 買唔同類形又唔同效能既魔卡，而你又可以同時使用唔同屬性既魔卡做出不同既效 果。

但玩家要留意，唔同既魔卡，以至係唔同職業身分既用家使用魔卡都可能會有相衝 相勀既效果，至於點先能夠做到面面俱圓又打片天下無敵手，就有賴玩家對卡片與 卡片之間既研究了，而呢個亦可以話係成個遊戲吸引玩家既地方，令到遊戲既耐玩 程度大大增加。

講到「儲卡」，唔知你地細細個既時候有冇玩過以前好流行既「集圖冊」？即係要 買一本「冊」然後又要不斷買「圖」貼o係裡面果種東西呢！《魔卡英雄》呢隻GAME 既系統可以話係俾返一D童年既拾趣我！如果當你儲卡夠多，你甚至可以成為伺服器 上面既名人呢！另外，代言人豆花妹妹亦會化身做多張「別注版魔卡」陪你戰鬥， 而且豆花妹仲會有款唔同造型出現，非常搞野啊！

humaomao

唔錯，樓主有心了。謝謝分享，支持~~

nike56

細個時候都會同小朋友一起玩「集圖冊」，依家屋企都有收藏。哈哈~~