【諸葛梓岐、汪圓圓】天梭表東角站旗艦店揭幕暨PRS 516腕錶發佈會

hkex

活動主題
瑞士天梭表銅鑼灣東角站旗艦店揭幕禮」暨「PRS 516 Auto Chrono Valjoux腕錶發佈會」

活動地點
銅鑼灣東角道24-26號怡東商場地下21號舖天梭表旗艦店 (近東角Laforet正門)

活動日期
2010-04-20

瑞士天梭表於今天假銅鑼灣東角站旗艦店舉行盛大的腕錶發佈會，亦同時為旗艦店舉行一場別開生面的揭幕禮。天梭表香港及澳門副總裁溫京蕾小姐 (Lenna) 特別邀請到「模界公主」諸葛梓岐 (Marie)、名模汪圓圓 (Irene)以及型男安志杰 (Andy)以賽車手的造型於小型賽車旁演繹最新的經典復刻版賽車腕錶系列，款款悅目動心，令人目不暇給。

Lenna更親自率領三位嘉賓一同狂踩特製的油門，從而泵爆巨型紅色氣球，不但象徵為品牌加油打氣，更希望最新的天梭表腕錶系列可以熱爆全城。為慶祝新店開幕，一眾嘉賓更以「獎盃」代替「酒杯」祝酒，並得到城中一眾名人商賈、名表鑑賞家、鐘表收藏愛好者、VIP貴賓和傳媒代表撥冗出席，共同見證這個歷史性時刻。

大病初癒的汪圓圓身形變得清減，她解釋：「之前因為腸胃炎入院，發燒唔退，醫生唔想我出院，要留院一星期，星期五先出院。」問到留院期間的難忘事，圓圓自爆有神秘人送花：「最特別係出院前一晚，有個以『雀仔』署名的人送咗一百枝玫瑰花畀我，我覺得好浪漫，但邊個送我就冇頭緒，好想搵出係邊個，我自己都有追，如果我知係邊個做，會加分畀佢。」

安志杰不但在銅鑼灣東角站天梭表旗艦店內挑選了一枚天梭表送給婷婷，更大讚她是完美女友，他說：「佢做乜都令我好舒服，冇諗過會同一個人咁夾，加上佢又靚、善良又孝順，係我結婚對象！」問到何時結婚？他說：「唔知。（今年？）可能啦！（同拉姑講過？）有提過，冇正式傾過，搵日買紮花出嚟食餐飯正式傾吓，霆鋒知我好愛婷婷，唔使多講。」

諸葛梓岐被問到會否與Neway太子爺男友薛嘉麟互送禮物？她說：「我哋冇情趣，工作就係我哋o既情趣。（送禮物畀男友？）我哋好少見，禮物係心意。」至於早前與男友到澳門散心是否為箍煲？她解釋：「其實係一大班朋友去，啲朋友仲講笑問我點解佢哋冇得出鏡。」對於陳法拉失落金像獎，她表示不回應。至於有否興趣拍電影？Marie說：「有，公司都有幫我傾，咩角色我都想試，醜女、殺手等等都想試，最想做搞笑角色。」























按此以自動播放模式觀看所有相片


資料來源