(男女可入) 我想問你地點樣同你既另一半復合?

love_poon

我想問你地點樣同你既另一半復合?

個過程係點樣...點樣約佢出黎...

我想同番我女朋友復合..我應該點做...

點約佢...點樣一定可以感動到佢...

我真係唔想冇左佢...我好唔開心...好心痛...

整到我呢幾日胃口淨係食得小小野...食多小小野就嘔...

我同我女朋友已經2年半喇....就係因為分手...令到我個心好唔舒服...

真係好想同番佢係哩一齊...


我自己有諗過約佢出黎去d公園到同佢講一大炸我自己既感受...

但唔知得唔得....咁你地呢??????????

~傳說中的傻仔︻

睇黎閣下係岩岩失戀  仲要係被甩   所以先有咁既念頭

或者我盡量比小小意見你   希望幫到你~

首先我要糾正你既心態   

你提出:『點樣一定可以感動到佢...』

好遺憾   世上沒一種方法可以百分百感動女生   仲要係感動一個變左心既女仔  

有個比喻:變左心既女仔  就好似潑左出去既水   

所以你有心理準備   你所做既一切  可能會白費  結果亦係以悲傷收埸

第一:你要了解下你地分手個位係邊??

係你做錯事?係佢變左心?定係第三者介入?

你要原因係乜   先可以對症下藥  

但睇樓主既語氣   都係好愛惜你另一半

所以都係佢變心呢個原因居多 ~

你所提出既方法係約佢出黎講自己感受

但其實不如試下用寫信既方法   將你一字一句 每個感受

所深深寫係紙上面  反而可以有感染既效果

因為你而家做既係想復合  你有無一定既口才?? 一定既感情演繹??

如果無既   我勸你寫信仲好   否則佢只會覺得你係度講廢話  哂時間~


其實分左手既情侶  通常都好難一齊番架啦  就算你點作賤自己

佢走左就係走左  你唔好期望佢會走番黎搵你  呢個係不切實際既諗法

你而家要做既係搵張紙  寫低你既一字一句

再約佢出黎  比佢睇   睇下佢感唔感受到你既心意~

佢仲係愛你既  就自然會番黎~

佢唔再接受你  亦都唔好再死纏爛打  做個有風度既男人~

希望你可以重捨信心啦   祝君安好~

GoKe

.....
女人真係好殘忍..我都想復合

love_poon

多謝2樓果位既分享...

其實唔係我做錯事...

係佢講大家番工..小見面..大家會變淡...

所以就咁樣....

咁我係咪應該過多幾日到..就約佢出黎比封信佢睇呢?..

虎痴恩

原帖由 love_poon 於 10-5-21 01:19 AM 發表
多謝2樓果位既分享...

其實唔係我做錯事...

係佢講大家番工..小見面..大家會變淡...

所以就咁樣....

咁我係咪應該過多幾日到..就約佢出黎比封信佢睇呢?..

情侶是不是要日日見, 有同一份工作, 才可以維繫感情呢?

顯然不是.很多情侶也不是做著同一份工, 三五七天見一次, 但他們依然很恩愛呢.

從樓主的字裡行間可以看出, 你對她就從沒變淡.

或許..只是她用作分手的藉口罷了.

love_poon

我而家真係好想搵佢...好想msn搵佢果d...

不過我怕佢嚴我煩...

我係咪應該隔2-3日之後先慢慢搵番佢呢??



2樓果位我認同你..我會寫信...
我只希望佢會回心轉意...

冰玥藍晴

二樓果位講得好岩
"有個比喻:變左心既女仔  就好似潑左出去既水"

我唔清楚你同女朋友之前究竟有無發生過任何事
但一個女仔變心其實可以包含好多野
.1.佢覺得同你一齊壓力好大
.2.同一個人一齊好耐.覺得每日既生活方法都一樣.好公式化
.3.覺得未玩夠.唔想咁快俾人管住
.4.可能佢係出面識左一個男孩.好似返番去開頭拍拖果時.有果一種激情

我答唔到你同佢仲有無機會一齊返
因為有D人好容易心軟.可以花少少時間去哄佢
但.....每一對分開過既情侶復合番
需要花更多既時間去保護段感情
因為個心入面已經多左一條刺

樓主你都唔好灰心.....可能有彎轉呢^^~

love_poon

好多謝樓上果位...

我都希望有彎轉...

我都唔知搵唔搵佢好...

定隔幾日先搵好?

~傳說中的傻仔︻

原帖由 love_poon 於 10-5-21 10:31 AM 發表
好多謝樓上果位...

我都希望有彎轉...

我都唔知搵唔搵佢好...

定隔幾日先搵好?

無一定日數   呢個日子不如訂係:你已經準備好既日子~

1.)準備好信

2.)準備好你想做乜

3.)確定自己既目標

4.)有信心去承受今次行動後既結果

以上四點  如果你都準備好  你就可以去搵佢~

可能係三日  可能係一個月  可能係一年  ~

無人會知幾時係最好既日子   只有你已經做好最佳準備既日子  就係你出擊既時機  明未?

love_poon

明........

如果拒絕我我都唔知點好...

而家日日個心真係好唔安樂...

食又食唔落野..訓教又訓唔著...

冰玥藍晴

當你想清楚要跟她說什麼
當你能夠拿出你最大的勇氣說出你心裡想說的
當你有勇氣面對接下而來的快樂或失落
這個時侯就可以去找她了

僅記.....不要衝動做任何事

就算她不跟你一起
你也不要說一些很難聽的說話
這樣連朋友也不能做

我們會支持你的...