我係一個四十幾歲, 有一個仔仔既爹o地, 我同我太太人工唔係好高. 所以都係住緊公屋, 多年來死慳死底, 都係為左比個更好既環境個仔..
仔仔已經18歲了, 佢中五會考得2分, 成績唔係幾好, 所以中五佢就出左黎做野, 佢打緊一份五千蚊既工作.
我太太最近唔係幾好彩, 比公司栽左出黎, 屋企真係有D經濟壓力, 我雖然四十幾歲, 但英文字都唔識多個, 大家都叫我傻強, 人工只得六千幾..
交租佔千三, 水, 電, 煤, 電話寬頻費, 管理費都佔左一千蚊. 剩低4000蚊, 扣埋自己番工既車費, 膳食, 已經剩唔夠千五, 老婆仲無左份工.. 真係洗衣粉都無錢買.. 唉...
我同老婆商討過後, 認為仔仔應該係時候為頭家出一分力, 所以要求佢每個月比1000蚊既家用..
點知仔仔竟然咁樣同我兩公婆講 : 【唔好玩啦, 我搵得雞水咁多, 仲要比家用, 我點夠洗呀?】
我同太太多番要求佢比家用後, 佢仲大大聲同我地講.. : 【屌, 人有老豆, 我有老豆, 我個老豆咁架.. 如果老豆你地當年悉心栽培我, 令我入名校讀書, 直上中七大學, 咁我今日就唔係搵5千, 而係萬5啦, 到時我比2000你都得啦】
我地兩老婆聽到個仔咁講後, 都當場落淚了, 估唔到個仔變成咁..
原來我地個仔, 認為父母供養兒子係天經地義既事;
認為父母生左個仔女出黎, 就應該照顧佢一生一世;
認為唔比家用屋企係天經地義既事;
認為父母每日煮早餐比仔仔食, 幫仔仔洗衫洗褲, 比地方仔仔住, 養仔仔係天經地義既事..
儘管我地喊, 我地個仔仔仲好不留情說.. 【我個FD個老豆呀, 比埋首期佢供樓呀, 我老豆喎, 食蕉啦】
唉... 究竟我做錯了什麼事... |
發表於 10-6-10 10:49 PM
發表於 10-6-10 10:50 PM
發表於 10-6-10 10:53 PM
唔洗咁既 
