有養狐狸犬/柴犬既請進一進!~

moon199424

小弟過多2年應該都要去台灣升學..
打算係台灣養番隻狐狸幼犬/柴犬..
有心理準備養到佢去世
但事前無養過狗..
所以特登上黎問下有養狗既大大..

1.狐狸幼犬/柴犬養個陣有咩要注意!?
(有咩吾可以食..d毛點打理..聽人講佢又係甩好多毛個d)
2.要做幾小時運動!?(every day
假如夜晚先做運動又得吾得!?..但我又驚佢有夜盲症-   -"
3.養狐狸幼犬/柴幼犬(成犬)..飼養環境洗吾洗好大!?
4.洗吾洗開冷氣比佢地..!?
好似雪橇咁養..
5.而以上2種狗..有咩常見既病會出現
(咁又有咩解決方法!?
6.我想幫佢絕育既話..對狗隻本身會吾會有危險!?..
7.幼犬要打咩防疫針..?(最好可以列1歲-1歲半前要打既所有針..
8.究竟雞肉佢地係咪可以食..?
  咁雞蛋佢地又可吾可以食!?
9.小弟我金錢吾太多既話(例如吾可以一個月帶佢去睇一次body check
咁係咪最好吾好養!?
10.假如我真係養左..我對佢既態度要溫和d丫..定係嚴厲d好=   =!

如果各位有咩建議可以打出黎提一提我
同埋希望好心人提供D平又健康既食譜=  =

kristalltang

1.狐狸幼犬/柴犬養個陣有咩要注意!?
a：同所有狗狗一樣，唔可以食肥利野，禁油，零食
纖維多既野都唔得…

2.要做幾小時運動!?(every day
a：唔做運動當然唔得喇…你怕佢夜盲就黃昏帶佢落街吧
一星期帶佢地落街2~3次，每次半個鐘
當然你日日都帶佢去玩，聯誼下感情就最好喇，但你未必夠時間==

3.養狐狸幼犬/柴幼犬(成犬)..飼養環境洗吾洗好大!?
a：都唔洗既，因為佢地只屬小型~中型之間，成年都唔會好大隻
有足夠地方就得了，唔洗好大既

4.洗吾洗開冷氣比佢地..!?
a：柴犬又唔係雪犬果類，可以唔洗長期開冷氣的，
係太熱果陣俾多D水佢就可以了~

5.而以上2種狗..有咩常見既病會出現
(咁又有咩解決方法!?
a：一般都有肚痾/皮膚問題，好多香港狗仔都會==
肚痾主要原因係主人俾人食佢地，又唔注意有冇太甜/太肥
咁未肚痾囉，皮膚病果D就一係成日唔同佢地沖，一係就日日沖…
好多人以為狗仔要成日沖，其實兩~三星期1次最好，咁就唔會沖走佢地
既油脂，皮膚冇咁乾，如果繼續惡化就睇醫生喇~

6.我想幫佢絕育既話..對狗隻本身會吾會有危險!?..
a：科技發達，唔會有幾大危險，除非傷口處理唔好發炎==

7.幼犬要打咩防疫針..?(最好可以列1歲-1歲半前要打既所有針..
a：防瘋狗針

8.究竟雞肉佢地係咪可以食..?
  咁雞蛋佢地又可吾可以食!?
a：肉就少俾，但煲左湯冇咩油都…可以既…但不定唔可以有骨
會整傷個胃…雞蛋唔可以俾狗食，膽固純太高

9.小弟我金錢吾太多既話(例如吾可以一個月帶佢去睇一次body check
咁係咪最好吾好養!?
a：唔洗一個月一次咁密既，一年一次is ok

10.假如我真係養左..我對佢既態度要溫和d丫..定係嚴厲d好=   =!
a：教就係要教，佢曳果陣eg：咬人/亂吠主人 都要渴止佢，如果再惡番你
你就要打patpat部位，切記唔好打頭/鼻…

KL`﹏‧

我吾知咩係狐狸狗答吾到你~
但我有養柴犬,,所以個部份答到你~
1.毛方面,,柴犬真係好多毛,,一換毛都幾難搞,,建議係換毛季節&換毛高峰期,1日至少梳2次~  吾梳走死毛o既話好似有皮膚病!
2.柴犬尼講,,1日只行的話要放2-3個鐘(一轉),,同佢跑就1個鐘~  柴犬精力超旺盛,要有心理準備,,佢吾夠運動,,受苦o既係主人&家人!
3. 基本上1日出2次街以上的,,,屋企幾大無關係~
4.就算雪橇,,都無需要特別開冷氣比佢,,呢個動作係無謂&多餘&危險的!  除非你無諗過帶佢出街,,如果吾係,你等同要夏天佢著羽絨出街,分分鐘中暑而死!  唔用腦思考的人先會信呢個講法!
5.柴犬一向健壯,好少有病,遺傳病都較少!
6.絕育吾係搵人禁住佢,之後cut 佢JJ   ,係要麻醉,之後拎睪丸(公的),,,,所以絕對無危險,,係獸醫認為最簡單手術之一!
7. 最簡單做法,,,搵個相熟獸醫,,佢地會定期提你!
8. 一般剛養狗的,,我不會建議餵barf,,你有興趣的話我可講多小小,,在barf 而言生雞蛋係食得的!  雞肉方面,,好多狗狗都對雞肉敏感,,要試試先知/去獸醫到check~
9. body check,我自己覺得,,有時間最好做,,,,半年1次就好,,要做全面的!
10. 柴犬受軟唔受硬,,但軟得尼唔好比佢食住,,,比佢食住會好痛苦...柴犬性格固執,要好有耐性教,,同埋要執得好緊!

[ 本帖最後由 KL`﹏‧ 於 10-6-30 04:45 AM 編輯 ]

moon199424

oh..ic

纖維多既野姐係指..紅蘿白..香蕉呢D!?
咁佢地仲可以食咩=   =

kristalltang

原帖由 moon199424 於 10-6-30 08:10 AM 發表
oh..ic

纖維多既野姐係指..紅蘿白..香蕉呢D!?
咁佢地仲可以食咩=   =

紅蘿白就冇咩問題既
香蕉就滑腸會痾爛爛架=3=

KL`﹏‧

原帖由 kristalltang 於 10-7-1 10:08 PM 發表

紅蘿白就冇咩問題既
香蕉就滑腸會痾爛爛架=3=

狗狗食得多carrot都會輕瀉...
其實提子,牛油果等已知吾食得的外,,大部份都食得..但要適量!