點先算係一個好爸爸/好老公(可能有d長...)

matthew124

我今日心血來潮咁想同大家一齊討論下呢個問題,拎下大家既意見
(p.s 你地睇左呢句應該有d似曾相識...好似係邊度聽過...)
(先說明以下為個人覲點,歡迎任加意見,為本人自作,如有類同實屬巧合)

第一,唔好出去搞三搞四
講真,我真係唔係好明點解要出去搞
屋企個個唔搞得咩?係要出去搵第個搞
你要滿足你既性需要
咁唔係應該搵個開放得黎,又肯搞既黎結婚
唔係拎咁多錢出黎結婚,結完婚又要比錢係出邊搞
比老婆話完仲要離婚咁
好過癮咩?定錢多呀?
所以我真係唔係好明點解d人要出去搞
真係好睇唔起佢地

第二,負責任
唔好唔記得你結婚既誓言
[願意終生養她、愛惜她、安慰她、尊重她、保護她]
愛惜佢,就唔好互傷和氣
唔係要你咩都就哂人
係要你平心靜氣既態度黎同佢講野
嘈交為既都係生活事情
以旅行為例,大家要去邊咪傾點佢lo,唔一定次次都要係咁嘈交既
仲有,
家人冇錯可以係一個出氣袋,但係好多時就唔係好識用個出氣袋
搞到次次嘈交
d人成日都將自己公司既怨氣,發洩係老婆身上
出氣袋唔係叫你罵佢
係叫你將有d咩唔開心既事情都同佢講黎到發洩
可能佢唔明你講咩,因為佢唔知個情況係點
但係講左出黎,點都舒服d la
講真個老婆唔應該唔聽你講野
如果佢真係唔聽你講野
咁就代表佢唔係一個好既老婆
你更加唔應該娶佢
因為佢根本冇可能令你減壓
只係會令你煩上加煩

第三,對子女負責任
對子女負責任好似同做好老公冇咩關係
咁就錯la!!!
仔女有4成係男性既,6成係女性既
點解唔平均?
女既要生佢出黎,個過程係好辛苦
所以女性係會特別對子女有感情
唔係你以為,搞個陣好舒服,一地老婆舒服既背后要負出幾多,係我地男性冇可能了解
所以你對個仔女唔好,就等於對老婆唔住

第四,教好d仔女,
你地話你個仔女冇家教
講真,其實都唔係好關個仔女事
點解佢咁唔聽話,
所謂[養不教 父之過](當然,現代黎講父母都有負)
所以你唔應該罵個子女,你應該係多謝個話佢冇家教既人
因為佢話左比你知,你冇教過子女既野係咩
亦都係你忽略左既野
同埋,有專家指出,比子女多d試野係一件好事
有d時候可能怕個仔女唔識做某d野,廢事佢愈搞愈衰,
就唔比佢做
但係有冇諗過
可能呢一次既錯誤 or 成功有機會影響佢一生
講真,做錯,最多咪比多d錢要人搞過,反正你都係要比400萬養仔女
點解唔好好咁令到d400萬變到超值
等佢可以識多d野,做個有用既人



呢d野表面上可能對d未生仔 or 未結婚既人黎講
好似冇咩影響,
但係諗深一層
自己問心個句
係咪真係可以做到哂我以上所講
咁基本既野呢?
你問完個心,都仲可以肯定,你可以做到既話
咁我恭喜你
但係做唔到既,唔該唔好哂自己錢結婚
唔係只會令你煩上加煩

人地話[成功既男人,背后一定有個女人]
咁就代表識得對老婆好,
就係成功男人既第一步

婚姻本身係快樂既
可能就係做唔到以上其中一樣
就變成一個傷心既婚姻

婚姻唔應該要邊個特別就哂對方
而係必要時互相拎黎依賴下
是但一方做唔到既,都唔算係完好既婚姻

希望男士們真係諗清諗楚
唔好以為依家有女朋友就好快樂
有好多將來有機會出現既問題
可能會導致婚姻有不良既影響
諗清楚你地要既係咩伴侶
鐘意搞野既,搵個開發既人
鐘意傾心事既,就搵個真係肯聽你講野既人
唔好搵唔岩人就黎結婚
咁樣只係會令你痛苦一生

a1213829

結婚太多問題... 如果負責任就=好 咁我真係想做個好男朋友 好老公

糗豪

好爸爸好老公
見仁見智

cocktail980

我覺得做到好爸爸就係好老公啦!

豪~*

我覺得好難有中肯既答案
唔同人會有唔同既答案
主要都係   講大話要叻D

matthew124

其實我唔係好明做咩要對個老婆唔住
比哂錢黎結婚,比完錢仲要黎嘈交,咁為咩

你唔想個女人誤會最好就直接講
當佢知道個陣,搵鬼信你咩

同埋,做咩要對老婆講大話
呢樣我真係好想知,有冇人答到我?

loveyoujj520

做人要識講大話~ 要識講大話先生存到

豪~*

原帖由 matthew124 於 10-8-9 09:19 PM 發表
其實我唔係好明做咩要對個老婆唔住
比哂錢黎結婚,比完錢仲要黎嘈交,咁為咩

你唔想個女人誤會最好就直接講
當佢知道個陣,搵鬼信你咩

同埋,做咩要對老婆講大話
呢樣我真係好想知,有冇人答到我?

結婚只係一種儀式黎維持2個人既關係
可以話只係一個詞彙
每個人每段關係都可以用唔到野/型式黎維繫
如果你認為誠實就可以維持 未免太膚淺
其實係每句謊言 每次嘈交都有佢其中既意義

matthew124

原帖由 豪~* 於 10-8-9 11:06 PM 發表

結婚只係一種儀式黎維持2個人既關係
可以話只係一個詞彙
每個人每段關係都可以用唔到野/型式黎維繫
如果你認為誠實就可以維持 未免太膚淺
其實係每句謊言 每次嘈交都有佢其中既意義

欺騙對方從而得到某樣野既好處,但係總有一日,會有機會比人識穿
當對方識穿左之後,又點會仲信你,關係又點樣得以維持
既然結婚係黎維持2個人既關係
可必又要比機會佢令到關係瓦解

如果謊言真的能維持長久既關係
咁做咩要浪費金錢黎到結婚

我不是說憑單單誠實就能維持關係
你去完叫雞,同番佢講,佢一野唔會理你
唔會中意你,咁個陣既誠實又有咩用
但係我意思係,係你做每一件有可能令對方誤會既事情個陣
最好講左比佢知先

有邊個女人接受佢既男人去叫雞
接受既根本就唔係因為中意個男人
係因為中意佢d錢 或者 覺得龍頭大佬女 個名會好威

好多人都有講過結婚要互相信任
難道以謊言能夠互相信任嗎
別忘記謊言總會有識穿的一天

豪jai1;o)

互相信任係最重要. 大話1個都覺得多

o0小流0o

很長的文章,
教人心醒
值得學習。

豪~*

原帖由 matthew124 於 10-8-10 08:55 AM 發表

欺騙對方從而得到某樣野既好處,但係總有一日,會有機會比人識穿
當對方識穿左之後,又點會仲信你,關係又點樣得以維持
既然結婚係黎維持2個人既關係
可必又要比機會佢令到關係瓦解

如果謊言真的能維持長久既關係 ...

可能都係根本問題 我本來就唔相信婚姻呢樣野 或者咁講 我對人性好有保留

a1213829

可能個大話係好既呢? 做左d唔好既野 老公知道個老婆知左一定離婚 咁咪講大話
同埋結婚唔一定會係相愛 可能係政治婚姻呢 (我知好小)

matthew124

原帖由 a1213829 於 10-8-12 10:22 AM 發表
可能個大話係好既呢? 做左d唔好既野 老公知道個老婆知左一定離婚 咁咪講大話
同埋結婚唔一定會係相愛 可能係政治婚姻呢 (我知好小)

如果有大話,知道左係會離婚既,就姐係個大話本身對老婆唔住
第一,咁姐係你冇尊重到你老婆
第二,就算你係為左份工以去風月場所,你同你老婆佢都會諒解你
        如果唔講出黎,等人地知道左先講,佢只會當你係籍口

所以其實避免誤會,最好唔好講大話
你每日可能有女既地方,都講一講先
咁可以減低佢會誤會既可能
何況光明正,又怕咩人知
而且,如果係政治婚姻,
你都唔中意人嫁la,咁根本就唔算係婚姻
2個人都冇感情,
由冇感情既個一刻開始
你經已唔係一個好爸爸
甚至唔係一個好男友,所有表面上好似好好既野
都係扮出黎

蝶戀花乂

原帖由 loveyoujj520 於 10-8-9 09:33 PM 發表
做人要識講大話~ 要識講大話先生存到

個個都識講大話的吧?

紫靈姬

拍拖既時候可以好甜蜜 許下承諾
但實際上承諾會否兌現並不多
某類男仔會想自己還未玩夠
大條道理地說 我無理由為一棵樹苗放棄整個森林
未結婚錢未想過儲錢 賺幾多洗幾多

結婚就開始同居生活
是為了對方負責任
正所謂相見好 同住難
可以只不過是一個形式簡單大家既名份
然而忽略了結婚既意義
某程度上 大部份夫妻爭吵部份
性格 金錢 子女 感情
有部份人係呢方面做得好 亦有部份人最終分離收場
畢竟有好多人現在的人想結婚非常簡單
但有冇人真正試想一下當初拍拖 結婚究竟是為了什麼呢
其實拍拖與結婚 最重要的是你愛對方嗎 如果愛 為何不可以在對方立場多想一點
有時說話出來是衝動 但都足夠造成嚴重的傷害 所以凡事請多代入自己所愛的人設想
雖說說來簡單 做真的很難 不過爭吵贏了 失去最愛 又何苦呢
可能以上我所說帶點負面
但其實都會有好多成功既例子

matthew124

原帖由 紫靈姬 於 10-8-17 12:26 PM 發表
拍拖既時候可以好甜蜜 許下承諾
但實際上承諾會否兌現並不多
某類男仔會想自己還未玩夠
大條道理地說 我無理由為一棵樹苗放棄整個森林
未結婚錢未想過儲錢 賺幾多洗幾多

結婚就開始同居生活
是為了對方負責任 ...

所以最好真係結婚,甚至可能拍拖個陣,就諗清楚將來結婚個陣
對方係咪識合你
我見過好多人都係唔了解對方就開始拍拖
咁我諗呢d人係想拍拖個陣先去了解對方
咁樣,就更加要真真正正咁了解對方

某d男人鐘意玩女多d
咁係呢個時侯就係女性既問題
你係甘心情願咁比人玩,定係唔了解個男人,而比人玩
甘心情願咁比人玩既,就算la
唔了解個男人個男人既,咁就你問題la
冇人叫你唔了解條仔就發展感情
冇錯,個男既係點都唔岩,但係你點話佢,佢都係話自己岩
咁唯有就自己去了解個男性,先去發展感情

所以我亦都想講
感情永遠最好都係了解左對方先同佢講話做情侶
唔好真係比人玩先知咩事

亦都表示,男性同女性係發生情侶關係個之前
理應了解對方,先去發生

而我[個人]認為
個步驟應該係咁:
睇左表面先>做朋友>了解對方性格>思考一下同自己發生唔同既事個陣會咩情況>考慮追求>
追到手la>同居一排(有d可能會唔中意咁) or 多d出街(目的係睇下自己所思考既情況一唔一樣)>提出結婚
解釋:
睇左表面先:因為你地可能只係同學 or 同事關係,如果你睇佢平時做野個陣都覺得有問題,就等於佢唔岩你
做朋友:目的為左加深了解
了解對方性解:可能係[睇左表面先]個陣你有小小鐘左佢,但係可能做到朋友就發現佢D行為好核突(撩鼻屎等等)
思考一下同自己發生唔同既事個陣會咩情況:當你覺得(用覺得黎講係因為呢個係你自己既個人觀點)佢既性格行為都冇問題,你就要套落自己既性格到,諗日後會唔會發生某D問題個陣會唔鐘意佢
考慮追求:真係fit哂自己既時候,就要諗下點追
追到手la:咁當然唔係個個咁成功la(好似我咁T^T)
同居一排 or 多d出街:同居既原因係要模擬下結婚之後既生活會點,同埋加深了解佢既行為,姐係可能你平時出街唔發覺,一齊住就發現佢係屋企唔著衫周屋行 or 有臭狐,呢d可能又會影響你唔鐘佢
提出結婚:當以上所有野都岩你所想個陣,你會發現,佢冇野會影響到你,咁你就可能要換下個角度,諗諗佢既需要,唔好要人地就哂自己,你都有必要諗諗自己有冇d野唔改可能影響到條女

呢d野有d人會覺得點解要自己做哂,對方做唔得咩?
咁對方又咁諗既時侯,咁大家咪唔了解大家
到最後(結婚個陣)先發現有野唔對路,咁咪離婚lo

KvistL

唔講大話，唔穩女人，唔玩大富豪wed game。。。。

mathew802

到底現代社會對結婚的價值觀去了哪?
離婚很容易?社會到底在進步還是在退步...

好多人係拍拖既時候,基本上都唔會諗到咁長遠
只係以見步行步既心態.
如果由16歲以下開始拍拖.有機會結埋婚生埋仔既機會率好低
如果真係由拍拖轉為同居.我相信當中一定有好多問題.
而大家都係忽略左

拍拖只係約出黎果陣會見到.當然係比最好果面對方睇
咁你唔好果面都唔會經常比對方見到.
但同居果陣就唔同.生活既每樣細節.對方都會感受到
你既性格就會係同居果陣出哂黎

有人話結婚只不過係一個公開關係既儀式
而家好多人都係咁諗
但.其實結婚最重要最重要就係承諾二字
可以做到承諾先好搞婚禮.
唔係既話過幾年/十幾年又離婚.為乜?

人有時就係咁.連自己想要d咩都唔清楚(成日話唔知對方諗緊乜,其實最唔清楚係自己想要乜)
可能係因為人改變得實在太快
思想唔同左.選擇的取向都會唔同左...

想獲得更多時,可能會失去更多
懂珍惜時,才是真正的擁有

kirbychan

第一,唔好出去搞三搞四
講真,我真係唔係好明點解要出去搞
屋企個個唔搞得咩?係要出去搵第個搞
你要滿足你既性需要
咁唔係應該搵個開放得黎,又肯搞既黎結婚
唔係拎咁多錢出黎結婚,結完婚又要比錢係出邊搞
比老婆話完仲要離婚咁
好過癮咩?定錢多呀?
所以我真係唔係好明點解d人要出去搞
真係好睇唔起佢地

我非常同意~
但好多時女仔...又呢樣又o個樣~
又要睇氣氛又要睇環境~
有時仲鬧脾氣唔比~
老公會出去搵食...
老婆唔多唔小都要反省下~
因為~屋企如果真係有得好好地咁搞~
點解要出去呢?