分享兩樣我新用既產品..青少年問題抗化素＆去角質o者喱

鋒．嵐＊

好既..自從上次個800幾蚊..跟住好多野買完唔得閒用..
所以咁耐用得幾樣野..
所以一有兩樣好用就想分享

產品購買地點：彩豐行

－－－－－－－－－－－－－－－－－－－－－－－－－－－－－－－－－－

A697 痤瘡黑頭粉刺抗化素
價錢:100ml 75元
說明：能夠對抗黑頭、暗瘡生長，減退暗瘡印，收細毛孔，持續使用能令油脂分泌回復平衡


呢隻野點解我要推薦呢？其實睇說明已經知有乜用，咁我個人經驗黎講，呢隻真係岩有黑頭同暗瘡人士同毛孔人士使用。
真係大部分青少年皮膚問題救星～所以我直頭叫佢青少年問題抗化素～當然你有痤瘡都可以搽既XD。

首先黑頭，我有好多，次次清完跟住無幾耐又生番，用左呢隻之後，會阻止白頭變黑頭，
雖然唔會令到白頭消失～但係白頭好易清到出黎～咁暗瘡方面～生左之後搽～好快就好番～我當左佢係暗瘡膏黎搽～～
最後就係收毛孔～我諗唔可以形容收得勁唔勁～但係我講～有明顯效果～我本身毛孔都唔係超大～都有明顯效果～

咁所以真係推薦呢隻產品比大家用～尤其係有黑頭既人士～如果你用開產品配合呢隻用既話～我諗你ｄ黑頭好快變哂白頭～
好易比你清出黎～咁要注意既地方就係用法～我都係問左小sion子～就係搽完爽膚水之後泵２下再搽黑頭／暗瘡／毛孔位～
跟住等一陣啦 大約2分鐘 cake cake地，跟住就再搽cream就ok～但係缺點就係呢支野太大支～４個月我諗應該都用唔哂～
所以我建議大家唔好咁慳啦～哈哈～

－－－－－－－－－－－－－－－－－－－－－－－－－－－－－－－－－－－－－－－－－－－

A718 水清新角質更新o者喱
價錢:200ml 45元
說明：能夠清潔表面死皮、黑頭及毛孔內的污垢


呢隻野係去角質層救星～我係角質層超多既男仔～以前我Ｄ角質層真係令到我既皮膚暗"雅"無光～
跟住一支出黎～水旺旺咁　諗住都無乜效啦～跟住一搽塊面～成埋老泥出哂黎～哈哈～我積存左幾個月既老泥～
跟住勁興奮～係咁摔摔摔摔摔～摔完再洗面～跟住望一望～哇～我白裡透紅～點解咁講～因為我白色既皮膚露出紅色既暗瘡～
勁明顯～跟住摸一摸～塊面超滑～

但係問題就係呢支野有小小貴～雖然相比其他牌子之下都唔係好貴～所以我都建議大家試下呢隻野～對於我黎講真係超級有效～

[ 本帖最後由 鋒．嵐＊ 於 10-8-9 12:57 PM 編輯 ]

我愛呀CAT

個枝"水清新角質更新o者喱"係邊度有?_?
其實本人既toner成日寫住有去角質既功效= =<咁算唔算keep住去緊其實

鋒．嵐＊

都係彩豐行買

者係樣樣野都寫住收毛孔 咁其實功效唔大囉

同樣道理,角質層都係..

搵一支專係去角質會好D..

呢支野建議係1星期1-2次..都差唔多架啦

真係好好用~者係塊面平時睇唔出~一揉 二十幾條死皮..(只計長的)

我愛呀CAT

咁你洗完面去角質定係去左先?_?,總係覺得去完之後d精華會好吸收

鋒．嵐＊

咁就一定會.因為角質層係一d廢野..

所以去左佢再用精華 會勁吸收
---------------------------------------------
我自己就洗完臉先去角質

我覺得咁樣會軟化角質..

但係至於邊樣先 我諗我真係答唔到..

等其他版友答你啦xd

我愛呀CAT

你又講得幾合理啵xd,等我星期三落mk個陣去買枝用=.=,
諗諗下好抵用=.=,200ml<仲要1星期1-2次

小sion子

搽精華其實唔駛等乾既~一般黎講你由中間向外推開~搽兩搽應該已經吸收晒~畢竟精華既質地係應該容易吸收d既~但亦因此佢會比其他steps貴~oo~
順手當用精華按摩下塊面囉~反正你都應該會用得狼d~唔怕按摩既時候cake住啦=p
(照睇圖佢個pump好似幾細~2 pump反而唔夠搽全面~?)
不過隻野搽落乾唔乾?.?

一般都係洗面後先去角質既~磨砂或者peeling gel都係~
(但亦有個別產品, 例如隔離post結平問既clinique磨砂就係洗面前用~詳細可以睇返你隻磨砂/peeling既使用說明~)
一星期兩次左右啦~我自己大概係夏天三日一次~冬天四日一次~
去左角質之後搽野正常都會吸收d既~
但無論係磨砂同peeling gel都好~去角質唔需要狠唔需要大力, 輕輕打圈已經ok~
我明白捽擦膠碎係好容易上癮既~但請唔好狠-_-"
反而要注意既係各個部位都兼顧到~例如容易忽略既鬢角, 髮際, 鼻翼, 下巴轉角等等~
同埋由於面珠實在太平坦太好捽了~所以請留意唔好太關照個面珠~因為面珠既皮膚本身已經比較薄~再過份去角質會容易敏感~
以上要點同洗面一樣, 都係易打圈既位置打少d圈、難打圈既位置就關照多d~

toner都有軟化角質作用既~不過通常好"小兒科"~一般係比較mild同subtle既~否則就唔可以早晚用了~
我用過最霸道既去角質toner係clinique既clarifying lotion~所以而家我用佢黎做導出~
不過一般去角質toner補濕方面都比較弱~所以用既同時要注意返補濕~必要時之後再加多個補濕類toner step~

鋒．嵐＊

同洗面o者喱差唔多質感
但又唔似精華素  = =
佢唔係for 你搽全面= =佢諗住for你搽毛孔/暗瘡/黑頭位...
者係成塊面搽好似激得濟= =

cocktail980

oh!~~真係架?
係專for男仔用的!!??

鋒．嵐＊

呢兩隻係彩豐行既男性牌子

所以可以咁講啦

但係女仔用都ok的

小sion子

原帖由 鋒．嵐＊ 於 10-8-10 08:24 AM 發表
同洗面o者喱差唔多質感
但又唔似精華素  = =
佢唔係for 你搽全面= =佢諗住for你搽毛孔/暗瘡/黑頭位...
者係成塊面搽好似激得濟= =

咁無可能用得晒100ml啦~oo~
局部野, 15ml都嫌多~oo~

鋒．嵐＊

但係唔係only夜晚用..日夜都用= =

同埋你真係可以搽成塊面 xdxd

可能同family一齊用囉 xd
-----------------------------
PS:我做錯左步驟啦..
我用左個撕黑頭面膜..跟住再深層..
結果撕黑頭 撕到唔多..跟住深層..深完層勁多白色野出哂黎..唉

小sion子

原帖由 鋒．嵐＊ 於 10-8-10 11:40 AM 發表
但係唔係only夜晚用..日夜都用= =

同埋你真係可以搽成塊面 xdxd

可能同family一齊用囉 xd
-----------------------------
PS:我做錯左步驟啦..
我用左個撕黑頭面膜..跟住再深層..
結果撕黑頭 撕到唔多..跟 ...

頭先係隔離答漏左~
黑頭浮面後你用紙巾包住乾淨手指~用指甲輕輕推/刮佢地出黎啦~應該好容易好有滿足感~會好似個段18+片個中情景既迷你版~oo~

鋒．嵐＊

用暗瘡針得唔得..?

不過講真.即使將撕面膜同深層 調轉左

宜家都好有效果= =

可能事後我用暗瘡針清左佢.. xd

小sion子

原帖由 鋒．嵐＊ 於 10-8-10 11:57 AM 發表
用暗瘡針得唔得..?

不過講真.即使將撕面膜同深層 調轉左

宜家都好有效果= =

可能事後我用暗瘡針清左佢.. xd

得.....有樣野輕輕刮/推佢出黎就ok~
不過都係個句啦~你自己小心d細力d~唔好整傷皮膚呢~

鋒．嵐＊

得刮呢個方法嗎?

會唔會深層做得足夠?(1星期2次)

就會甩出黎??

小sion子

原帖由 鋒．嵐＊ 於 10-8-10 02:55 PM 發表
得刮呢個方法嗎?

會唔會深層做得足夠?(1星期2次)

就會甩出黎??

都會既~不過始終唔係逐粒逐粒清~容易會有漏網之魚~
講真清黑頭最乾淨我會去做facial~
深層清潔對我黎講係輔助性質~唔係清黑頭既主要手段~不過有效就是了~

但講開又講, 男仔多數都唔會化妝出街, 其實又真係容易d惹塵~容易d塞毛孔~
我化妝既原因有部分係上左粉塊面乾爽d~一來會吸緊d油同睇落唔會反光~二來無咁黐塵~

鋒．嵐＊

唔知點解我諗起星期二檔案個d男仔去問sales..有咩粉底岩我.. = =

咁者係刮黑頭啦

刮N次之後我相信應該附近既毛孔都收哂..

唉..宜家最煩既就係黑頭問題= =

小sion子

原帖由 鋒．嵐＊ 於 10-8-10 05:43 PM 發表
唔知點解我諗起星期二檔案個d男仔去問sales..有咩粉底岩我.. = =

咁者係刮黑頭啦

刮N次之後我相信應該附近既毛孔都收哂..

唉..宜家最煩既就係黑頭問題= =

唔好亂黎呀-_-唧得多第日毛孔會勁粗.....尤其係咁唧又唔好好收返毛孔的話~
雖然我明白係有時手痕就會攪~但第日補救唔黎~_~"

鋒．嵐＊

咁有時見到白頭..真係好鬼想整走佢架WOR= =..

1星期刮幾多次?

男仔又唔想去美容院..