k1開始沒落@@!!!!

姓名

由之前每日百幾貼去到而家每日十幾貼
由之前每日幾十個新人去到而家每日一個新人都無
由之前既好玩遊戲到而家只更新商城不更新遊戲內容既遊戲
好似好多缺點~但係佢都有佢既優點
不過人往往都會發現缺點先~
但係有時侯知道缺點不去更改卻不是它們的錯

開發未完全就推出遊戲~封測多bug~唔整曬先開ser~係要開ser再分幾次(好多日)整


各位睇落去而家玩緊尼個game既都係d老臣子
唔好話有新人黎~連舊玩家都一個個離去~
隻game本來既吸引力無曬~
m1-m26一日過曬~
升lv無意思~d裝夠勁就夠打~
無裝就講技巧~但好多時侯係裝既屈機下都好難嬴(有錢無敵??)
有公會~無公會戰~升公會等級要十年時間
隻game最少有5成似機甲鬥神傳~姐係換左d故事就當新game



希望gm可以就以上觀點向開發商提出建議   
就算新人要慢慢出~故事/列傳 都出下新咖啦~黎黎去去m1-m26~12本列傳~街霸~大亂~副本~
搶旗~毒掌個d活動可以算係唯一唔錯既地方~


另外本人係內測之人士~內測到封測其間最少半年時間~但係整個遊戲變化唔大~除左多左d mk~tst~個d地方接完地踴任又好似無咩用~除左龍虎門可以話係第2個九龍城寨~


以上發表純粹個人得閒搵野做~

龍九洲

唉 樓主
試問有幾何online game唔係放錢就無敵?
(當然勁舞之類休閒類唔計啦XD)
呢個幾乎係每一隻mmorpg千古不變開定律
舊至龍族天堂  新至龍虎亂舞
一向都係有錢有裝係比較"勁"
加上呢隻係一隻免費既online game
開發商,代理商,以至係gm都要食飯
一隻免費既game唔開商城搵你錢你仲驚啦係咪?
不過唔想比錢都可以有生存空間.
我公測到而家係用左$38黎買點數
咪一樣玩得咁開心


其實玩遊戲只係在乎你既心態姐
你要諗始終起碼免費有得打機
唔使好似機鋪咁玩一陣掉幾蚊先

[ 本帖最後由 龍九洲 於 10-8-9 05:48 PM 編輯 ]

~星星王子~

係!同意樓主講法,又唔更新新m,又唔出新經任又唔出新裝

matthew1977

最早打出名堂的 孤光 ,佢同我地講佢唔會再玩啦,以前我跟過佢個會 半邊籃天 ,E家 鬱姬 同 黑手 都想賣ACCOUNT, 仲有好多老臣子想賣ACCOUNT, 點解呢???
是否一個警告比GM??
無錯隻隻ONLINE GAME都要比錢先勁 ,但隻GAME  我地比錢比得條氣唔順,主要原因係無野玩..
其實隻GAME可以更上一層樓,GM可以考慮以下建議
(1)我地D角色可以自願加入電腦幫會 例如 羅殺教 白連教 毒蛇幫 洪興 洪興分部 東興 通天教 白骨門 原始門 OR 警方 等, 跟住做 幫會任升級 ,去到某幫級時 ,電腦會比你選帶跟班 ,你在幫會級數越高 跟班LEVEL會高,選擇越多, 之後數量越多,可能最多為四名跟班不等
(2)去到某幫會等級 ,我地可以選學會該幫會的一種新戰鬥技能
(3)加入新的對戰場地 ,例如 太平山等 ,當我地班玩家去到該處 會自動變為殺戮戰場 ,大家可以互殺 ,被殺的 會自動扣錢, 仲之大家一入個度 立即互殺E D先正

<E加我地用書叫人同我人地打,對方可以拒絕  好無引>

[ 本帖最後由 matthew1977 於 10-8-10 02:18 AM 編輯 ]

marcoltw

對於點數戰士呢樣野, 真係無得講既, 因為隻隻遊戲都係商業/資本世界既產品,
所以有錢既人今日o係遊戲內得到快樂(或所謂的快樂), 而無錢既人就找尋技術既樂趣
一切都係等價交換...

除非你玩遊戲玩到'經營有道', 投資少少又回報大大甚至適當時間賣ac賺錢離場, 否則大多數投資大量金錢的人,
都可能只係一剎那既光輝, 但離開左隻game就很多東西都留不住到永恆了...
所以, 別太認真吧, 遊戲輕鬆玩就好~!

至於隻game, 本身玩漫畫人物crossover係幾有selling point, 我都因為鍾意/睇開古惑仔漫畫, 又對龍虎門有少許認識,
所以被吸引黎玩(本身玩左好耐台服魔物獵人online), 而呢隻game雖然無上等既畫面質素, 但係有齊好多動作遊戲愛好者
既各類模式, 過關如吞食天地,final fight, 超霸如街霸拳皇, 亦有其他如毒掌搶旗亂等模式, 小本投資遊戲來說算不錯了

不過認同樓主同星星王子既睇法, 如果真係要keep住有人玩同公司有收入, 真係要加快做多d野先~因為我呢兩日都同公會既人傾緊同樣既問題同建議, 詳情可以到我小牛另一篇既文章看看, 一齊集思廣益吧~!

seedzero121

所以我係投資少少又回報大大甚至適當時間賣ac賺錢離場,
我小虎個ac 用的只有100$ 但賣到750$

姓名

其實~佢賺錢我覺得無咩問題~事關本人又一開始到最後1$都無放過係隻game到~~
賺錢尼d野係必然既~我唔會阻止~但係佢提早公測~更新速度慢~一d都唔似新開既online game~就算係更新都係更新d bug only
你有玩其他game公測都會覺得尼隻game公測d更新速度真係比較慢~去到而家好多人過完m26做完地區任真係除左pvp無野好玩~
雖然玩家好有創意又捉迷藏又開軍隊慢慢行咁~但始終都係要靠開發商對隻game既重視

其實matthew兄既提議都係唔錯咖~其實大家又唔係無比意見~係差在佢地會否接納

[ 本帖最後由 姓名 於 10-8-10 10:10 AM 編輯 ]