＊重要通告＊ 致各位2kf有玩跑online o既會員：「7/8 寶石區重要通知」

憨憨的小任(CPU)

以下為原文：

原帖由 kwankiuleung 於 2010-8-7 12:02 AM 發表
寶石公會區將於此期完結後關閉。
寶石區關閉原因如下:
- 由於寶石公會人數下降，參與活動人數都同時減少
導致一直以活動而生存的寶石區也難以生存下去

加上每期加入寶石愈來愈少，同時舊有公會也同時流走
活動便更少人參與


有關寶石積分我們會安排足夠時間給大家換領。
當今期活動所有結果派發時，會盡快計分及派發所有寶石積分。

當所有積分及獎章派發後，所有公會將會跟據公會級數，分派到公會子版 A區 或 B區 。

歡迎各位寶石區會員給予意見!!!
在下寶石區版主、專員長及專員向各位道歉 及 致謝長期支持寶石區的會員。

[ 本帖最後由 kwankiuleung 於 2010-8-7 00:05 編輯 ]

大家睇完之後有咩感受…
對，2kf係跑入面o既一個安身之處又冇左了…


本身2kf公會已經係外強中乾，得返個名…
而大家亦因學業等問題而冇再玩跑…
加上藍莓姐又去左第2到做版主…
基本上2kf公會已經係空殼公會…

話時話好似得我一個仲咁得閒留意2kf係跑o既發展-_-
小任我真係閒人一個呢= =


嘛，寶石公會閂門大吉後，我地又會返到去公會子版B區…

從此公會，亦漸被遺忘…嗎？

雖然寶石公會o既悲劇唔可以怪大家（始終大家各有各忙），但我始終覺得唔係幾好受…
始終我地公會作為寶石公會的一員，但貢獻卻少之有少…
而作為公會唯一生存o既地方都消失，去到子版B區…
唉…已經唔想再諗落去…
一切隨緣…嗎？

呢家可以做o既，就只有出席最後一個活動：寶石公會大合照…

但我唔係會長，唔可以代表公會出席…
我希望2kf可以為寶石公會做返少少野，至少都參加埋最後一個活動…

小任有個不請之求：可唔可以借【2000Fun】o既ac比我出席活動？
如果唔得就算吧…

可能你地會覺得我太認真去對於遊戲，但正如梁啟超說過：
「當大總統是一件事，拉黃包車也是一件事。」（《敬業與樂業》- 梁啟超）
人必須將身邊每一件事（包括遊戲）都當成一件事，然後要認真去完成果件事，人先至得到生活o既意義…

啊…抱歉，一唔小心就講呢d野…




總之，開呢個帖o既目的只有兩個：
1.通知各會員，寶石公會將會關閉；
2.希望可以借一借2000fun公會會長o既ac比我，去出席最後一個寶石活動。