[8月19]《搞乜鬼吸啜大製作》》（前譯《吸啜新世紀》）Vampires Suck

keroropao

導演：「《搞乜鬼奪命雜作》Q嘜兄弟班」艾朗西沙、積遜費特堡
演員：《Gossip Girl》基斯力治、《搞乜鬼咁多災難片》麥連達、「索爆人氣天后」珍寶絲姬
級別：-
片長：-分鐘
上映日期：2010年8月19日

本年度最最最超級無敵黐筋／香艷／浪漫／驚險／搞笑／特技片霸《搞乜鬼吸啜大製作》（前譯《吸啜新世紀》），由《搞乜鬼奪命雜作》班底金七招牌駛出橫手，肆無忌憚地玩轉熱爆全球新世紀的「搓泥」狂熱，終極啜核，扮野惡搞，勢必令全港觀眾在炎夏中笑到出汁兼標汗。這部超人氣「鉅製」將於暑假壓軸檔期 8 月 19 日港美同步獻映，唔睇又點會有話題！
《搞乜鬼吸啜大製作》齋睇片名，已經估到觀眾會 call 定白車捧腹喪笑離場！原來爆笑背後，竟然隱藏著一個比原裝更可歌可泣的青春窩心愛情故事──索爆女主角 Becca 正值發姣青春期，周旋於兩個超級型男之中：一個屬於女人湯圓型小「白臉」殭屍哥哥仔，另一個則是巨乳系大隻帥哥，發惡時更會變身為「走佬字娃娃」！魚與熊掌，幾經一班老友如「愛麗B夢遊賤精」及「Lady BraBra」等吶喊協助下，依然與雙方難捨難離，跟誰也寫不下「分手的情書」。就在這時候，Becca 的咸濕嚴父和 Camp 爆細佬發威，兩聲號令將她收拾起來，連場熱辣辣大戰嘩嘩嘩地打到黎，仲有扭腰歌舞開心贈慶，製作規模直頭勁過「阿煩達」！










[ 本帖最後由 keroropao 於 10-8-13 07:27 PM 編輯 ]