魔域帝國招人及個人感受

abmotors

本人遊戲代號牛鬼蛇神,好耐之前玩開龍虎門online(卡game果隻),後來香港伺服倒閉左,我便聯同8個香港一齊玩的朋友(真係8壯士@@)轉移到大陸伺服玩,改左個名叫車寶山,當時我便興起開左魔域帝國呢個幫派,第一個星期我地已經參與幫派戰,當時我地8,9人打人地札根好耐既幾十人大幫派,憑我地係港服打開既技考,到最後居然可以正分,自始幫派便出名了,後來更成為遊戲內的最大幫派,亦成為日後提起這遊戲都會記得呢個幫派既標誌,早2,3年終於連大陸伺服都關了,就係2個月前買左本龍虎門送k1光碟便開始玩左呢個遊戲(因本人已經30幾歲,是超級龍虎門和古惑仔迷,期期都買@@),所以一玩之下都好有興趣,賺夠game錢後亦第一時間建立番魔域帝國,雖然本人自問技術麻麻,尤其係霸王模式@@,但我玩遊戲只抱住一個宗旨就係玩得開心,輸贏唔重要,要記住係你在玩遊戲,唔係遊戲玩緊你,玩到成日嬲唔開心就無謂喇,係呢度歡迎各位玩家加入本幫,本幫宗旨好簡單,唔駛一定要成日上,總之上黎就玩得開開心心,唔好自己人嘈自己人,千萬唔歡迎昆狗同呃人野,發現到馬上踢出會,有意遊戲內密我或呢度留低頭上個UIN號碼,祝大家玩得開心
另外就近期發生既bug錢事件發表少少個人意見,唔岩聽唔好見怪,利用bug黎賺錢當然係唔岩,但我覺得官方其實都要負責任囉,有幾多人明知地下有1000蚊唔執咖,唔係冇,比例上少d,最緊要做左果d人肯承認同交代,而官方亦應該花多少少時間查下刷bug既人果段時間所交易既野一律還原,唔係一定話要封號囉,如果個bug係d玩家自己設計出黎既就絕對抵封,但bug呢樣野係官方本身有既問題,處罰當然要,但提議可以好似上面咁講還原所有交易過既野同第一次犯會列入黑名單,再犯者都唔駛停3日直成永久封號,有呢個睇法因為感覺今次官方好似覺得自己完全唔駛負責咁,補充一句,以上都係小弟自己既個人意見,唔岩聽既唔好見怪

seedzero121

你是新開的公會 點都要支持下
加油希望你可以攪好個會吧 加油
如果你有咩會的問題都可以問我的(車仔的快感)
我會盡量解答你

[ 本帖最後由 seedzero121 於 10-8-13 07:46 PM 編輯 ]

龍九洲

棍妖頭像@@..
本人都有玩過個隻龍虎門ONLINE..
有印象記得你係GAMANIA既論壇到叫人玩大陸版
但由於太麻煩了最後都冇玩到
最後都係等等等到呢隻GAME出
某情度上我都係港漫既FANS

abmotors

真高興有志同道合既朋友,就算唔同會都歡迎大家吹下水,傾下港漫經咖

abmotors

thx your support,有機會大家一齊玩下

bibuball

我都有玩台版@@果隻CARD GAME, 道具+魔法+捨身令我打遍天下無敵手!(實質係無幾多人玩)
呵,不過依家已經唔記得點玩嚕~
我都係龍虎門迷@@雖然我已經有會但都可以吹下龍虎水
GAME入邊傾下計啦我係幕後黑手

abmotors

不嬲都有同你傾咖啦黑手

ycwah6234

BUG錢呢D係官方問題~正路真係好似係一處無人地方見到有一舊錢~睇你執定唔執~
唔少人係街見到有銀包~電話掉咗~有得多少個會拿去給警察?
一般都~地上執到寶~問天問天攞唔到架啦
所以初犯我都覺得可以比次機會~還原所有野都OK~
但如果BUG仲係到~宜家官方表態會理~仲想BUG錢~咁就唔可以咁話~要認真處理~唔係人人都咁玩~咁就唔好啦~
(以上都係自己睇法~有咩唔啱就當我無SAY過啦~)

龍虎門同古惑仔期期都買真係利害~
古惑仔同龍虎我都有追睇網上的~
宜家古惑仔都係say新一代~
世飛同尚武呢part快完~
下次故事主角係梁家仁~
最搞笑係有句對白次次都SAY~
''佢勁得過我''?之類的~
下PART故事睇佢點寸法先~

龍虎門就睇到都係完美老天尊對小虎等人~
打到宜家都仲未完~仲要多咗個好似咩撒旦教第三勢力~
真係大亂鬥囉~

abmotors

數下數下都真係睇左好多年喇,龍虎門由舊著橫版開始睇,古惑仔就第一期睇到而家,分別就係王小虎冇老過,我就老晒咯

matthew1977

好擔心 龍虎亂舞 online 捱唔到 兩年,小弟 以前在pc打過一隻 立體 龍虎門仲好玩過 e家

seedzero121

其實e加再開新會 要好辛苦先會攪得好
個個人都有哂會 又唔想好冇品咁拉人過會

matthew1977

全隻game都唔知有無 七百人打, 但起馬有十幾個公會啦

ycwah6234

其實武器~防具都係有相同道理~
都會出現飽和狀態~(當有10個人無那個防具~就會有10個想要~但要是無新手加入~就會漸漸出現~有多出的武器及防具~但無人要的情況~)
公會都一樣~
真係要睇吓隻game引唔引到新手加入玩~
其實我打打吓~有時都會有悶的感覺~都會轉game玩玩吓~
希望佢可以持久下去啦~暫時都認為ok~可以玩下去~