分析我買的彩豐行產品以及一支OLAY產品 - 美容髮型講場

2000FUN論壇 › 綜合論壇 › 美容髮型講場 › 分析我買的彩豐行產品以及一支OLAY產品

查看: 6620\|回覆: 25	go [美容-分享] 分析我買的彩豐行產品以及一支OLAY產品 [複製鏈接]

鋒．嵐＊

二轉會員

Rank: 7 Rank: 7 Rank: 7 Rank: 7 Rank: 7 Rank: 7 Rank: 7

UID: 683012
帖子: 12546
積分: 18668
Good: 468
註冊時間: 06-7-2
在線時間: 3810 小時

十週年勳章(賀詞) 十週年勳章(截圖)

1^#

發表於 10-8-14 09:51 AM |只看該作者 |倒序瀏覽 |打印

咁多位大家好～咁我之前貼好多貼都係關於彩豐行既～我係咁話彩豐行既產品唔錯唔錯～
但係其實我已經覺得自己有Ｄ似彩豐行打手（ＳＡＬＥＳ）～又或者比人覺得我信唔信得過～
因為我係咁介紹都係好野咁～連我自己都覺得自己有Ｄ似ＳＡＬＥＳ～咁我今個帖主要係分析
番一下彩豐行部分我用過既產品～同埋一支ＯＬＡＹ磨砂～再推薦一Ｄ彩豐行產品～首先我唔知
沐浴露算唔算係呢個版啦～咁唔算就當ＢＯＮＵＳ啦～

所有無標示的產品均為　彩豐行　的產品
－－－－－－－－－－－－－－－－－－－－－－－－－－－－－－－－－－－－－－－－－－－－－－
分析深層：

A1133 礦物泥排毒去油面膜

呢隻都係大家講個Ｄ咩泥咩泥～呢隻只係比較平既版本～當然平野唔一定唔係好野～但係呢隻野真係唔好～
點解咁講～通常我知既泥都係有小小深層～呢隻野真係無深層既～只係得去油呢個效果～去油的的確確真係
去到～但係如果只係去油～我不如用其他產品啦～人地深層去油一次做哂啦～而且呢支野最大問題就係難洗～
你一係就沖涼之前用～如果唔係搽面跟住等完１０分鐘再洗～哇～難洗到你～一定洗得唔乾淨～到時反而堵塞毛孔
又出暗瘡～

解決產品：

A78 深層潔淨補濕面膜

呢隻深層我真係好推薦比任何一個人用～之前我有個黑頭ＰＯＳＴ～話個粉刺速淨ＭＰ３有３支野～
第１支就係深層～但係個支深層講真真係深乜鬼呀又～我用呢隻面膜再用個撕既面膜仲好效果啦～呢隻
第一就係平～100ML　２８蚊～４８０ｍｌ　７５蚊～第二就係效果同好多大牌子相若～好多產品賣
既係牌子～者係成本真係唔貴～但係個牌子名貴呀～所以有時平野真係有好野～呢隻野我ｆｕｌｌ左１２分鐘
之後～洗面～跟住成堆白頭係哂上面等緊我去處理～

－－－－－－－－－－－－－－－－－－－－－－－－－－－－－－－－－－－－－－－－－－－－－－－－
分析磨砂：
注意：此項並沒有提供任何推薦產品，因為本人未搵到平靚正既產品

OLAY產品：OLAY磨砂去黑頭深層潔面乳

好多牌子明明無深層就係要加個深層落去～呢隻野深乜鬼層呀～真係無深層可言～深層呢方面都無野好講～
但係呢隻野既磨砂真係唔錯～可以當磨砂用啦～因為佢係潔面乳～所以都幾溫和下～係萬寧都有得買呢隻產品～
但係千其唔好當佢深層黎用～同埋佢磨砂粒子都係幾好既～

A1122 控油磨砂潔面啫喱[起泡]

第一呢支野既磨砂硬到爆炸～真係好硬～第二～呢隻野話你控油又唔係控到～話你唔控油你又唔係控唔到～
控油就控油～控到小小油～控完跟住１５ＭＩＮＳ之後又爆發囉～跟住我宜家激鬼氣唔鬼用佢磨砂～我好想
丟左佢～但係我係一個唔浪費產品既人士～最後～我囉黎磨我既身體～但係講真個句～如果我囉黎磨我身體～
又唔夠ｄｏｖｅ隻身體磨砂好～我真係唔知你有乜用～

－－－－－－－－－－－－－－－－－－－－－－－－－－－－－－－－－－－－－－－－－－－－－－
分析補水產品：

A1870 12杯水滋潤啫喱

其實呢隻野應該好多人都聽過～簡稱１２杯水～我初初以為乜野黎～以為一日要飲１２杯水～
咁樣我見到呢樣野我自然就估佢個名就真係有１２杯水咁補水既～者係好明顯呢隻野係超級補水～
相對價錢真係幾抵呀～１２杯水　＝　１舊水～１５０ｍｌ　９８蚊～
呢隻野其實可以做面膜或者滋潤霜～咁我都無乜野講～只係覺得大家都可以試下．．我主要用佢黎
介紹下一件產品．．

A70 水清新高水份面膜

呢隻野480ml = 65蚊～第一點就係夠平～平過１２杯水～第２～其實呢隻效果只係差１２杯水小小～
我諗係呢個版度大部分既年紀都係１０幾至２０幾歲～１２杯水對你地甚至我黎講係哂野～根本我地
唔需要咁多水～我地只係有補水就夠架啦～除非你真係乾到乜咁～所以其實呢隻又平又抵～效果只係差
１２杯水小小～但係真係平好多同埋好用～如果你去買試下買呢隻睇下效果先啦～
－－－－－－－－－－－－－－－－－－－－－－－－－－－－－－－－－－－－－－－－－－－－－－
分析沐浴露：

A577 蔗糖特滋潤沐浴露

號稱彩豐行排名第一位既產品～呢隻野我都係冒名去買～我唔理三七廿一買鬼左～因為平呀～２１蚊１Ｌ～所以連咩味都無聞～
跟住一囉番屋企～哇～洗潔精味～我做左碗碗碟碟了～蔗糖洗潔精味都夠啦～連我朋友都話～係唔係洗潔精黎架～咁算啦～我都
囉黎用啦～話哂佢係第一位喎～用完～無感覺～跟住我即刻講～個排行榜係唔係倒數架～者係其實可能有感覺～我本身用開
ｄｏｖｅ既～咁所以無得比～２１蚊咁既效果應該都ｏｋ～但係你要接受到ｄ味囉

ｄｏｖｅ～好滋潤　滋潤過蔗糖特滋潤沐浴露～但係價錢貴過蔗糖特滋潤沐浴露囉．．．我唔多介紹　好多人都用過呢隻

A586 西瓜沐浴露

呢隻野１Ｌ　２５蚊～我搽落身之後有種涼震震既感覺～仲好過個隻蔗糖特滋潤沐浴露～尤其係夏天用～
出完汗跟住涼震震～勁舒服～而且又好平～大家不妨買呢支「消下暑」～

－－－－－－－－－－－－－－－－－－－－－－－－－－－－－－－－－－－－－－－－－－－－－－

今日既分析結束了～下次再同大家分析產品啦～
（我呀媽叫我帶佢去彩豐行～今日去～去完跟住我又忍唔到手架啦～買完產品用完再推薦啦～８８）

（附送一張８月１日買既收據〔之前個張唔見左．．〕，證明我唔係打手@@~）