比CSL欺負(幫手教我下一步應該點)

tommymiu

我盡量精簡左
我真係唔知可以用咩形容CSL
09年同佢簽續約加買手機
個陣佢話買手機唔肯送分鐘比我,我就一路拖拖到上一份約差唔多完
最後佢地打電話比我話做一次特例比我,買手機加送埋300分鐘
咁我目的都達成啦,就應承左繼約
到今年六月前都無事,之後七月,出左張帳單,收多左成18X$
我就打去查詢啦,佢話我用爆左二百幾分鐘,我再問佢我總共用左幾多?佢答我27XX
我心諗,個PLAN原本有2500分鐘,加埋你地送個300,應該未過嫁
於是我就係電話個到同佢地提出質詢,一個星期過後,無回覆,我就落門市傾,門市職員話電腦上面無咁既資料,如果份續約係電話到傾,佢地公司會搵番段錄音出黎,搵到之後打番電話比我一齊聽番
之後又一個星期,無回覆,我打上去問,佢地話我地公司無話過會比你聽番錄音喎,咁我就講番個日同我接洽個門市同事咩名啦
隔左一日我打番上去,佢竟然答我個同事都話無咁講過,我時間地點人物接待編號咩都齊,佢地竟然話無(個陣我心已經諗你地話覆我又無覆,應承左又話無講過,咁無信用既)
我再打上去問,佢地就係咁講我地D錄音係內部資料,唔可以比你聽嫁,咁我問你地簽個陣應承左我喎,依家你地話無,咁你地點証明呀?
佢再答,段錄音我地聽過嫁喇,我地真係無應承過你任何野嫁,錄音係內部資料,我地唔可以比你聽嫁(我個陣有少少火,錄音就話有係到,但唔比我聽得,而又要話我錯無應承我,有點兒似明屈)
之後我就問佢,搵佢上司同我講得唔得?佢話佢會同佢上司傾,一星期後答覆我,我個陣仲同佢CONFIRM,即係8月27號啦,佢都話係
尋晚無覆我,咁我等到今日啦,成日都無回音,我岩岩再打上去,佢地竟然話無記錄要覆我,我真係好無奈,話無應承過我野,但又唔肯拎證據出黎,點叫人信服呀
即係好似依家警察捉你話你殺左人,又唔拎證據出黎,真係搞到我心情好差,係唔係大公司就可以屈我地D用戶