岩岩玩返幾日...己經俾人發現左TIM=_=
又係時候派下膠啦XD
大家一齊重溫返d on9故仔啦XD
[傳奇!!!!]HKSDR隊長神RAY之誕生!!
序
敝隊雖為新成立之車隊
但隊內確實存在不少傳奇人物!
尤以我們之隊長神RAY尤然!
來日,本隊將會發表連載小說...[神RAY之誕生!]
[神RAY身世之迷!]將於本隊討論區發表
敬告各網友萬勿錯過!!
某年仲夏,鰂漁涌某地方
我們的主角...[神RAY]!!!
穿著背心短褲,
從雲吞麵鋪收工,戇戇九九,走著走著,
挖著鼻孔,走到遊戲機中心...
酷愛跑車,酷愛賽車的RAY,
看到有人在機鋪內玩一些賽車遊戲......
認為自己有天份,有能力的小小鼻屎RAY,
忍不住停步觀望
眼見一滿頭白髮(面目英俊),戴著眼鏡的中年男士,
對所有挑機的人戰無不勝!
忍不著向對方請教
白頭叔叔回頭一望,
白:[細佬,有冇錢呀,我幫你全家祈福丫!]
RAY:[er......我好窮o既喎!我d錢唔係咁用嫁喎!]
白:[嗱...你俾晒d錢我,我幫你全家祈福丫!仲包保妳c1全世界最快......]
雄心勃勃的RAY,(神人之初形)RAY二話不說,
從銀包內把所有的現金與提款卡(包括提款卡之密碼)
交予白頭叔叔......
欲知後事如何,皆磚3情歸何處
下回分解!!!
-----------------------------------------------------
話說小小RAY將身上所有金錢交予人後...
那位英俊白髮叔叔道:
[嗱,細佬,錢我就收左你啦,但係坦白同你講,
錢唔係我袋既,而係捐去內地"人人有機打"基金既
呢個基金主要係幫助內地山區兒童,
等佢地都可以夾下車,做下星...]
一邊吃著甜筒的RAY深信不疑!!!
好老實,英俊白髮叔叔邊說邊從口袋拿出一張車卡...
道:[功欲善其事,必先利其器!
呢部車就送左俾妳,你自己改個你鍾意既名啦
我有事要走先,你自己搞掂......]
說罷英俊白髮叔叔頭也不回便離開了!
[先生,你又話教我既???]
小小鼻屎RAY連這句話都未講到一半,
那位英俊白髮叔叔已經不見蹤影!
無奈地,我們那位戇戇九九的主人翁便坐到車機上,
準備入錢開車之時......
突然!有名紅毛長髮,抽著煙,拿著馬經,
又係著住短褲,拖鞋的男子"砰"的一聲,
坐到RAY的旁邊
小小鼻屎RAY嚇了一跳!膽顫心驚的望著該男子...
紅毛惡男:
[望乜X野,妳...信...唔...信...我真...係...打...實...妳...
丫...嗱...!!!]
咀形酷似蔡楓華的該男子以凶惡的眼神怒視小小RAY
紅毛惡人:[鰂漁涌邊...個...唔識我丫!]
鬆:[我...叫...呀...鬆...呀!]
鬆:[挑機...丫...死...蕃薯!]
鬆:[唔挑既話,我...真係...打...實...你...嫁!!!]
呀鬆一直以蔡楓華的咀形向小小鼻屎RAY不斷的挑釁,
到底我們的小小鼻屎RAY會怎樣呢?
小小鼻屎RAY究竟得到英俊白髮叔叔乜野神兵利器呢?
佢與呀鬆既對戰究竟如何呢?
究竟佢有冇俾呀鬆打實佢呢?
下回,灣岸界兩大阻街神人將於不日出場!!!
敬告各位勿切留意!!!
------------------------------------------------------------
話說主人RAY惶恐之際...
一名中年女士不知怎麼時候已經站狂呀鬆身後,口中唸唸有辭...
[返屋企啦,返屋企啦,返屋企啦...]
突見呀鬆面色由白轉青,再由青變藍!
呀鬆[得啦!真...係...好...很煩...呀!]
呆若木雞的RAY眼見原本凶很串爆的呀鬆,
一下子變成一個小孩子般,
乖乖的跟著他媽離開機鋪
但邊走邊還是一邊喋喋不休...
[真係...好...很...煩..呀!!!...]
我們的鼻屎RAY見到呀鬆離開後,
終於鬆一口氣,正打算入錢插卡tune車之時...
一名身形奇高,奇瘦之青年站到RAY的身邊...
同一時間,另有一名身穿畢挺西裝的青年站到呀RAY的另一邊...
身形奇高奇瘦的青年主動向RAY打招呼示好:
[你好,我叫"阻街姚明",唔知閣下點稱呼呢?]
另一邊廂,RAY另外一邊的西裝型男亦向呀RAY示好...
[我叫"阻街忍",e!你咪賣雲吞果個...]
RAY突然大為慌張...
[殊......唔好咁大聲呀!我唔想比我老細鬧我呀!
er...你地叫我做呀RAY啦!叫我鼻屎仔都得,
因為我又多鼻屎又鐘意周圍揩鼻屎...]
說罷"阻街姚明"同"阻街忍"即時彈開三尺!
RAY眼見他們2人彈開,便自顧自入錢入卡,
準備改名改車!
改名...RAY心想,鼻屎,雲吞,英文係乜自己都係唔識寫,
因為RAY自己根本冇讀過書,
D英文都係睇"蝙蝠俠"學既,
最叻果句都係enough...
但係永遠發音都係唔正,讀黎讀去都"現笠"!!!
RAY終於將車名改為RAY!
[e!點解架車咁大架既?]
遠在三尺之外之"阻街姚明"同"阻街忍"捧腹大笑並大叫
[貨VAN!]
[這就是英俊白髮叔叔給自己的"神兵利器"]
RAY心想!
欲知姚明VS呀忍有幾阻街,請看下回分解!
"特別預告"
灣岸界專門做星做膠,
專門售賣改名車卡之膠人呀DAY,
將於不日出場...
勿切留意!!!
------------------------------------------------------------
問心果句,比你係呀RAY,以前又未打過灣岸,
邊到有信心同人挑機丫!
結果,"阻街姚明"單挑"阻街忍"呀傑! !
..............
結果唔講啦,
因為呢2條粉腸鋪鋪互攬到時間夠都未衝到線,
所以敬告各位讀者:
如若見到呢2個粉腸,
最好敬而遠之!無謂自己谷氣!
RAY電話響......
[喂......]
[仆你個街,你死X左去邊呀?]
原來係RAY之老闆打俾佢
[快D返黎包雲吞啦,杏加橙!]
我們的主人翁呀RAY即時立正企好,
出卡離開機鋪,並打算以極速返回麵鋪...
在途中...
[e?前面係街邊擺檔果條粉腸咁熟口面既?]
RAY看見一名白白淨淨,面目猥瑣,但身光頸令,
穿著"易 fe SU"之男子正站在街邊兜售...
[廿蚊一張,五十蚊三張,一舊水7張,實心包換,
埋黎睇埋黎揀啦喂...]
RAY突然記起,此男子名叫呀DAY,
經常幫襯自己麵鋪食麵,
但成日借頭借路唔比錢就行人!!
結果要自己幫佢埋單......
[e!你咪呀DAY哥?點解連小販都撈埋呀?]
RAY上前向呀DAY打招呼......
呀DAY狠狠的抽了一口煙,跟著噴向呀RAY,道:
[賣雲吞既呀RAY!]
呀DAY亦認得眼前既鼻屎仔......
[喂!點呀,幫襯下丫,你有冇打灣岸架,
幫我買改名車卡丫,8191又有,萬星3蛇又有,
大家街坊街里,打個579折比你又點話丫!]
[DAY哥,我岩岩開始學玩,你老哥有乜好介紹呀?
e?我記得DAY哥你好似係大公司有份高薪厚職嫁,
做乜要咁慘係度擺擋賣卡呢?]
DAY哥眉頭一皺,眼泛淚光......
[唉......一言難盡,手緊,信朋友,
打算一齊做返架S1萬星FD推出市場,
益下D打灣岸既friend既,點知呢條叫呀年既契弟,
錢就我出晒,呢頭又話比返我,大嗱嗱5舊水丫ma,
夠去水圍2轉嫁啦,
個仆街一聲唔該,錢又唔俾,張底又"納"埋,
而家仲要拎黎派街tim,最衰仲係死都唔認,
仲要大大聲返咬我一口tim.......]
同情心爆膨的RAY聽罷後亦替呀DAY不值!
[咁,呢條叫呀年既死契弟點既樣,
點先可以搵到佢呀?]
呀DAY道:車名:XXXXX
車種:3蛇E9,約有XXXXX星
身高:15X-20X
出沒地點:旺角
油ma地
又白淨,又朦眼,又戴眼鏡,成個公主咁!
勿切留意下期!!
灣岸界美少女之秘密生活!!
------------------------------------------------------------
呀RAY話喎,
唔鐘意人叫佢鼻屎仔,
要叫佢做
76RAY
話說呀DAY一口氣將契弟呀連之事說罷後...
[DAY哥,我成世人都未離開過鰂漁涌,
我諗我都好離幫到你D乜野...]
76RAY續道:
[我都想幫你買車卡,有乜好介紹呀?]
只見呀DAY精神一振...
[嗱,EVO9啦,而家大部份打灣岸既人都會用呢架車,
起步算快,又夠夾,彎速又唔差,你要幾多星既呢?
價錢有分別嫁......]
死76RAY突然醒起,自己已將所有錢,
什至連提款卡都交予"英俊的白髮先生"
於是,死76RAY將剛才與"英俊的白髮先生"之相遇告之呀DAY....
呀DAY忽有所悟........
[果位先生真係好令仔?]
76RAY毫不猶疑地點頭......
[非常英俊?]
[真係非常英俊!]76RAY答道......
[唉!]呀DAY忽然低頭嘆氣......
[我都好想再見佢一面,
以前呢位非常英俊既先生都指點我唔少野,
令我獲益良多,可惜,佢而家雲遊4海,
一般人都好難搵到佢,而且聽閒佢而家長駐內地既偏遠山區,
教導D新一代夾車,做膠......]
就係呢個時候,眼見一名年約16,17,
滿頭捲曲金髮,穿著超短迷你裙的女孩,
步向呀DAY
[哥,我過黎幫你睇檔......]
這大口女孩以沙啞的聲音向呀DAY說道......
前世未見過女人的死76RAY眼見這女孩衣著性感,
而且癲癲狂狂,忍不住目不轉睛的望著她......
[望你老味咩......]金髮女孩罵道
[未見過女人咩...XXXX(下刪一百字粗口)]
到低這女孩是呀DAY的什麼人!
到低這女孩與死76RAY會擦出什麼火花!
請留意下回!
76RAY惡戰小盲妹,小盲妹一條女打三條仔!
--------------------------------------------- |
發表於 10-9-28 07:59 AM
發表於 10-9-28 12:44 PM
