好長係我自己打 關於係學校不快樂的經歷

00ken

我是一個中四生,係中學校院都過了3年識左幾個知心好友。
中2果陣咁岩我果個斜咩袋爛左,咁我咪用出街袋番住學先囉!諗住放左學買過新書包...之後係我後面有把聲,聽到話:(扮x哂型咁!)。之後我都無理會佢,急急腳走番學校,之後話我扮型果個人行前過我,之後佢再望下我..之後就走左。
番到學校集隊....之後對面班後面傳來一隻笑聲,我望過去今日馬路撞到話我扮型果個人同佢d fd望緊我...好似話緊我咁,,,,不過我覺得咁多人,應該唔係話我掛...

到左中4,今日我又係馬路見到佢,佢同個女仔一齊,不過我無理。佢地越行越慢好似有心比我過佢地咁....我唔知佢有心定冇心。最後我都跟佢地尾咁番左學校,之後番到學校未到8點,咁咪同朋友講下野,之後我望到話我扮型果個人用手指住我,之後佢同fd講緊好似我d野.....

到左集隊果陣,前幾日請左2課假,比老師幫我消假果陣,對面班我聽到把熟識既聲音,我心諗又係果個人...佢話:(條肥仔覺得太熱 係屋企唔番學。) 但係果日我只請左2課假 因為肚痛 10點就番學校。之後到左小息我同學黎搵我...佢話:(你得罪左人咩?點解有人係咁話你壞話既?) 我話:(我都唔知,我朋友又少,我又唔會得罪人既!..)

我同學係同佢一班,我從佢口中得知佢入左黑社會...不過我都知人地既野唔關我事..但我唔明點解佢要針對我,同埋話我!

1.點解我唔識佢,但係佢要講e d野黎傷害我?

2.點解佢會話我?

3.睇完之後你覺得佢咩心態?

4.到左依家,我日日早會都聽到對面班後面傳來熟識的聲音,同埋笑聲..搞到我係學校好冇面...同埋佢hurt到我?

5.有咩方法可以放鬆下自己,佢係咁話我搞到我有d恐懼感?

ps.前題唔好叫我搵社工,老師,家人,朋友講

[ 本帖最後由 00ken 於 10-10-12 08:48 PM 編輯 ]

黑仔~~

1.好多人就算識唔識都會批評人咖啦...出街就算唔識都會同人講...嘩!!戈邊條女好正或....啦
2.鬼知咩....得閒冇屎痾瓜
3.純粹無聊搵你做話題....
4.你成日都型住...已經對你形成壓力...你認為對你有冇影響呢...
5.打佢一身咩都放鬆哂咖啦...你會唔會咁做呢._.
其實你都唔駛咁介懷既...就算你點好或者點唔好...佢要話你咩都可以借題發揮
呢個人反正都唔識甚至唔熟....真係睬佢都有味啦....
淨係話下你冇對你做咩威脅嘛?!
中四咖啦...大個仔要學識面對人啦...人地話你就要驚咖咩...
如果可以咪唔好理佢囉....反正你有你既生活...無謂比呢d少少野影響到囉
但係真係覺得好un耳咪同佢傾囉..你有勇氣既話
ps:早d搞掂啦...唔係遲早痴線

7bbb

嗯...
你比我好多了..
我由幼稚園開始就過ed生活
比人處處針對
對於你上述的都見怪不怪了...
1)妒忌
2)同上
3)如正常人心態(妒忌係人之常情!!)...不過下流中帶點幼稚
4)你未免太自卑...人地將你的問題誇大化...唔通你唔識?你可以比佢更加賤/直接無視佢,然後做一樣野比佢好,鄙視佢
5)無視佢...自我安慰的話只可以咁做
p.s.個人覺得佢唔會只係因為你個書包而排斥/刁難你，可能一早你已經得罪左佢or惹起佢妒忌。

※總括而話...我建議你無視佢!但係..並唔可以單單只係為左自己安慰,而係要比佢知道,佢處處刁難你,你卻依賴活得逍遙自在!※
↑手段無需過於偏激，無視+暗示即可，建議由成績/表現入手↑