- 閱讀權限
- 10
- 最後登錄
- 18-5-20
- 精華
- 0
- UID
- 973446
- 帖子
- 4
- 積分
- 4
- 註冊時間
- 07-10-3
- 在線時間
- 0 小時
- UID
- 973446
- 帖子
- 4
- 積分
- 4
- Good
- 0
- 註冊時間
- 07-10-3
- 在線時間
- 0 小時
|
2010年8月28日(農曆七月二十)
今晚我地一行8人, 有我地幾位主持, 以及4位聽眾: lewis, 皓雪, log, rico同一位唔想被公開既聽眾, 一齊由大埔出發去新娘潭靈探。入到去新娘潭, 我地介紹完地點之後就開始行落去燒烤埸果邊, 我係行起大家中間, 當行到去橋既時候我突然聽到有一把男人既聲叫我, ”喂!!! ”我可以肯定果把聲, 唔係我地團員既聲, 因為我好熟識大家既聲音!! 當初我奇怪會唔會係我聽錯, 正起思考之際, 把聲再叫多一次”喂!!! ”, 今次我終於可以肯定唔係我聽錯, 因為把聲係出現起我腦中, 我知道我一定唔可以回答佢, 因為我唔可以同佢有任何交感, 同埋我從把聲度感覺到對方唔係善意既。
我地行到落去一個亭, 將所有物品放低, 當大家準備拍攝工具時, 邦師兄就同我行一行, 去睇下四周既環境。 當行過燒烤場去到另一條橋時, 邦師兄就停低叫我感受一下, 我第一時間起橋前, 石柱既旁邊見到有一個人影企左起度, 另外石柱旁既樹後面都有一個影。再睇返溪對上既樹, 樹上有影閃過。大概地視察過環境後, 行返去亭時我起亭外見到兩個小小既頭。”一個小朋友, 兩個小朋友……” 我數既時候, 原來邦師兄望住我。唔知佢係唔係見到我呢一下既舉動呢? 好~~~開始拍攝。
我地首先起亭前既樹底誠心上香, 祈求四方既神靈保佑今晚大家可以平平安安同拍攝順利, 之後我地就四處起樹上貼上招魂咒。貼好後邦師兄帶我地去橋尾燒衣上香, 放低錄音筆希望可以錄到靈體既聲音。
第一個遊戲開始, 由於summer猜輸, 所以佢要攞住一盒飯, 芽菜同飯碗去到樹底, 向住橋既方向燒衣紙並且用筷子敲打飯碗同時口中大叫:”請各位靈體埋黎開飯”
第二個遊戲係用陰司紙玩鍘大dee, 我地會玩3舖, 起最後輸左果一個要接受懲罰。 說時遲那時快, 唔識打牌既我好快就輸曬所有陰司紙…… 鍘大dee期間, 我聽到有靈體罵我....... 會唔會係因為靈體見到我唔識出牌, 所以罵我呢? 我真係唔知。 不過被靈體罵之餘, 輸左既懲罰就係要用黑布蒙住眼一個人起橋尾燒衣紙, 還好~燒衣紙時感覺不大。
第三個遊戲就係起橋中間唱鬼歌, 大家點好晒白蠟燭後, 由呀log燒衣紙比靈界既朋友, summer亦吹埋骨笛去引更多靈界既朋友埋黎聽我地唱歌。 因為之前鍘大dee輸左, 所以就由我開始唱歌~ 我唱既係電影僵屍先生既”鬼新娘”, 起唱歌既時候~~ 我睇到橋前石柱旁邊既影仍然企左起度!! 樹後既影則閃閃縮縮!! 我唱完之後就到我吹響骨笛, 由皓雪擔住遮同summer合唱鄭少秋既“天涯孤客”。
我企到一邊聽住皓雪同summer合唱, 當summer唱歌時我左邊耳仔聽到, 有一把女人既聲同summer一齊唱!! 係一把好尖同高音既女人聲, 我可以好清晰聽到女人唱歌既聲音同歌詞 !! 突然皓雪同summer大叫, 皓雪話有野拉遮既邊, summer亦話有野企起遮上面跳!! 當時邦師兄立即上前並且叫summer皓雪同log離開橋, 企到安全既地方…… 隨後我地返到亭休息時, 我聽到皓雪既身後有小朋友既笑聲, 男同女應該不只一個小朋友, 笑聲似乎係起度取笑皓雪…… 皓雪呢個時候亦都突然肚痛。
同時間原本由皓雪去玩既遊戲, 因為皓雪唔舒服所以改由我去玩。
第四個遊戲, 我, summer , lewis , rico返上大馬路搵返條亡命電燈柱, 由我用黑布蒙眼, 手拿招魂幡伏起電燈柱度感受。當我蒙好眼後,我頭向前伏左起電燈柱時, 我聽到周圍漸漸有嘈吵既’人聲’, 當summer吹響骨笛後離開大約幾分鐘, 我開始感覺到我背脊至腰既位置, 有種好似無著衫~ 身體外露出來既感覺, 我背脊什至感覺到空氣既流動。 隨後有一股力量起後面將我既腰慢慢推近電燈柱, 直至我既腰完全貼住電燈柱。之後就到我既腳, 股力量令我既雙腳屈曲, 大腿位置亦被推到貼住電燈柱。 之後我用力將自己推離燈柱既同時, 呢股力量亦乘勢推我既肚。 我知道唔太對勁, 所以就叫停…… summer跑上前, 我攞開左蒙眼既黑布後, 同佢地講返剛剛既感覺。 之後我地就立即執埋野離開, 快快地行返落去亭果邊搵邦師兄。
當行返落去途中, 我再一次聽到一聲”喂!!! ”又係佢…… 個男人又叫我啦!!
返到亭,見到皓雪已經無事同休息緊, 我都算安心返~ 不過卻起邦師兄左邊既背後見到有一個白影閃過, 同時亭外我見到有一個綠色靈體好接近我地。差不多5至6點, 我地要開始準備食物同供品比靈體時, 突然我聽到一聲好重既長嘆“ 唉~~~~~~~”之後我開始聽到有更多怨聲…… 靈體們開始埋怨我地太遲燒供品比佢地……… 我地只好加快手腳去準備。當準備好, 衣紙一燒我就聽到靈體們好開心既歡呼聲。佢地似乎好開心~~
正當我地離開既時候…… 我再次聽到一把男人聲, 一聲”唔~~~~~~” 聲音聽落去似係唔滿意, 唔想我地走……
今次既靈探比上次城門水塘既感受多好多, 特別係聲音上。清晰既男人聲多次”喂”我, 女靈體既歌聲, 小朋友既笑聲, 靈體既怨聲,歡呼聲, 嘆氣聲…… 直到依家聲音仍然時不時起我腦中回響!!
Sara
2010.08.28 |
|
發表於 10-10-13 04:40 PM
