李蘊姐姐專訪難忘請食波餅搞喊同學 - 聊天討論版

查看: 628\|回覆: 4	go [討論] 李蘊姐姐專訪難忘請食波餅搞喊同學 [複製鏈接]

潮文先生

二星初級會員

Rank: 2 Rank: 2

UID: 1821407
帖子: 328
積分: 267
Good: 4
註冊時間: 10-7-29
在線時間: 96 小時

1^#

發表於 10-10-17 02:52 PM |只看該作者 |倒序瀏覽 |打印

李蘊性格好動似足「男仔頭」，雖然年紀輕輕入行，但她仍擁有多姿多采的校園生活，與師生相處融洽，擁有一段難忘回憶。

中學時期就讀觀塘一間男女校的李蘊（Renee），雖然學業成績不算突出，但大癲大肺的性格令她與同學仔的關係特別好，無所不談。這種性格亦令她深得老師歡心，她笑言與老師「Friend過夾Band」，其中與教英文的麥老師最為老友，Renee說︰「麥老師好錫我哋，我讀嗰班唔算好乖，但麥老師好用心教我哋，對我哋真係好好！依家大家仲係好Friend，得閒會出嚟燒嘢食或者食飯，可以話亦師亦友。」
愛蒲美食「講」場

Renee 當年未有因入娛樂圈而對同學有所避忌，與老師、同學關係融洽，以最真誠的一面示人，坦言不介意在同學面前「粗粗魯魯」，還自爆是「男仔頭」︰「記得有一次喺觀塘嘅康寧道遊樂場上體育堂踢波，我將個波踢到好高，搞到個女同學『食波餅』，佢痛到喊咗出嚟！嗰時覺得唔好意思，即刻走過去問佢有冇事，依家諗番起都覺得好好笑。」放學後的Renee亦不愁寂寞，愛與同學到附近公園玩耍，又會到商場行街Shopping，行到累便坐在Food Court傾訴少女心事！李蘊就讀的中學位於山上，她坦言行路返學十分攞命，故平時會搭小巴︰「咁早起身返學梗係唔會行返去啦！試過行返去但熱到流晒汗。我淨係放學先會行返屋企，同啲同學慢慢行，傾吓偈都幾開心。」