對出黎玩既女仔睇法

雞☆〞DespoT

近排同左一個出開黎玩既女仔一齊,
有朋友同我講佢 只係想騙我錢  佢又有毒引 對我跟本係玩玩下
開頭我自己都係咁唸  但係 .......
如果佢有心騙我錢  有必要同我講 佢借左人錢嗎
冇問我借錢比佢還  而係同我講幾時就會還哂 叫我唔洗擔心
都有同我講佢有毒引   話同我一齊左就真係冇再食  佢做左會認
當我同佢講  朋友話佢係玩我既時候  佢話佢好怕  怕會咁就冇左我

重點 : 同佢先行得果一星期 ... 其實出得黎玩既 係咪就冇個認真呢??

[V]KC

為何要介意對方認不認真呢　怕受傷害就不應該去戀愛

相信沒有一個人能保證戀愛能長長久久　因為這個世界總有意外

何必介意對方是否認真　其實應該想想你是否真的愛她呢　能包容他的缺點?


另外　她是否認真或不認真　你猜不到　亦猜不透

可能她對前男友不認真　直到遇到你就認真了　亦可能是反之

笑話一句　就如壞人額頭不會刻著「壞人」二字！


請樓主慢慢琢磨吧

yinghon1993

真愛本來就不需要帶有期望也有動力
你是否帶有期望 想她為你而改變?

真愛 就是全然地包容 接受被愛者的缺優點
而且不會要被愛者為自己而改變
因為你本來就應該愛她原本的自己
所以真愛係會保留兩者的原整性

也不會去佔有她 怕失去她
因為愛本來就是自由 每個人也只屬於自己
愛者不能用愛作理由來擁有人 除非她認為自己屬於你

她這樣說 你應該高興 因為她坦白了
你反而懷疑她 你不高興
如果你還要懷疑她 那你的愛 真的讓人懷疑

另外也先提醒一下
每個人都在改變 今天的她 跟明天的她也會不同
她今天的承諾 或許只限今天
明天的她就不同了 那就是說 不要執著於承諾
愛也是一樣
當愛不在時 不需要因為承諾 和誓言而硬撐
因為當愛不在 一切都是沉重的枷鎖 虛假的責任
唯有坦白分手 祝福對方 才是對能做雙方最好的事
這樣就能使更多能跟自己/對方相愛的人能在一起 避免浪費雙方時間

人家說"認真你就輸了"
其實這句應是"執著你就輸了"
因為當你認真看愛是什麼時
你就會發現 真愛是不會痛苦 不會讓人生恨
只是當愛中帶有佔有 期望 執著 妒嫉 懷疑等"雜質"才會讓人痛苦 讓人恨自己曾愛的人

愛最終也是自食其果 真相只有透過自己的感受才知道
真愛的一切也是快樂並不是因為會被自己愛的人所愛 而是自己能盡情愛人
所以真愛並不會在乎別人愛你與否

常山趙子龍

出黎玩唔代表唔認真
不過玩要睇下佢係玩咩喎
有d女仔落場劈酒劈到咁上下,同人去開房果d<---咁e d女就真係要唔過啦
但你話佢有毒癮既,其實你做得佢男朋友,我覺得你有需要去幫佢去戒毒

咁你班fd同得你咁講,其實都係怕你比人呃姐
e個心態,我諗大部份人都會有架啦,不論係男定係女

佢呃你錢,有好多籍口
咁其實佢同你咁講,可能真係想要你比錢佢去還
有時好多女仔會咁樣暗示,或者算係明示啦
等你比d錢佢去還,盡快去還哂

我建議樓主係錢銀上既野,都係小心d啦
你反正都係同佢冇耐,唔係完成信哂佢,都係岩
唔好比佢一句話『你唔借錢比我就姐係唔愛我』果類既說話氹到,之後借比佢
去到最壞打算,就真係佢問你借完錢還完就飛開你,咁你到時傷心都冇用

雞☆〞DespoT

多謝以上咁多位既分享
假如因為愛一個人 ,, 應該話同人拍拖
要去到唸咁多野既時侯
咁就真的冇必要和她/他  "行" 下去
至於講到錢銀既野  還是順其自然吧
愛一個人 唔應該要改變佢任何野 .. 我同意啊
毒既話 佢肯介當然好  唔肯我唔好迫 .. 只好說 毒對身體真的有害
總之 ... 我唸我明既  真係真係多謝你們的回應

WilsonC

唔好一個人黎定死一群人..
總有例外..
你慢慢觀察吧..
愛情也許唔可以用時間黎衡量幾深
不過時間可以證明佢對你係唔係真..

loveyoujj520

出黎玩既人要小心d
好難知佢幾時認真幾時玩玩下

御狩犽ζ楓閣

真亦假時假亦真,有還無處無還有

要講既樓上都講哂,但係一但墮入愛河,十有八九都會盲目哂,就算身邊D人點up,點勸都好,都唔識醒,照樣踩落去

so,只能夠講一句

愛對與愛錯,只能以時間分辨

zxbvh

佢認唔認真 你點都唔會知架啦 唔洗晒時間去估 自己係認真咪得
樓上講得岩:怕受傷害就不應該去戀愛

紫靈姬

我睇過一篇文有段說話幾岩
希望可以幫到你
當你愛一個人的時候，愛到八分絕對剛剛好。
　　所有的期待和希望都只有七八分；剩下兩三分用來愛自己。
　　如果你還繼續愛得更多，很可能會给對方沉重的壓力，讓大家都喘不過氣，
　　完全喪失了愛情的樂趣。
　　所以要記住，
　　喝酒不要超過六分醉，
　　吃飯不要超過七分飽，
　　愛一個人不要超過八分。
其實你都係同個女仔剛開始
雖然身邊既朋友對佢既評鑑都係差
你要知道你啲朋友都係為左你好
但實質你都需要真正了解左對方
你先會知道個結果係咪聽返黎咁差
你明知道個女仔既缺點 咁你咪可以更加理性 對你都不算壞處
暫時呢一步都係順其自然 要你放手你實無可能
如果唔係你都唔會上黎問 如何解決啦 不是嗎

御狩犽ζ楓閣

原帖由 紫靈姬 於 10-11-5 06:30 PM 發表
我睇過一篇文有段說話幾岩
希望可以幫到你
當你愛一個人的時候，愛到八分絕對剛剛好。
　　所有的期待和希望都只有七八分；剩下兩三分用來愛自己。
　　如果你還繼續愛得更多，很可能會给對方沉重的壓力， ...

係咪係FB睇到?

ufo040691

對出黎玩個d我都係冇咩好感-.-不過凡事都有例外既

loveyoujj520

你都識講係出黎玩啦!
出得黎玩有幾個真係會認真  識認真
本人事過呢d女仔啦!到最後都係自己受傷

當岩岩一齊時可能講到d/做d野令你對佢好放心!好有信心
令你覺得出黎玩既唔一定個個都係咁.有例外  但天下天下烏鴉一樣黑!你幾時見過有白既烏鴉
但耐左就會做一d野令到你好痛心.死心
到架下你就知  之前點解會咁傻去信佢!去愛佢

囍爰

真情同假意一向都好難分...

紫靈姬

咦 我都唔知啵
係我家的桌面發現到
應該係我家的老兄在某處COPY落黎
我睇完覺得真係幾有意思 咪提供下A_A

雞☆〞DespoT

2星期有多  多謝咁多位既意見
我拿埋錢出黎佢都唔要
話li d 係自己既事  唔想搞到我

要愛就要放擔愛  信心番哂黎  我會加油!
往前走  不回頭望  唔做自己後悔既事!

loveyoujj520

原帖由 雞☆〞DespoT 於 10-11-9 15:41 發表
2星期有多  多謝咁多位既意見
我拿埋錢出黎佢都唔要
話li d 係自己既事  唔想搞到我

要愛就要放擔愛  信心番哂黎  我會加油!
往前走  不回頭望  唔做自己後悔既事!

咁就放膽去做去愛!
唔好令自己後悔
就算第時你真係發現佢係玩玩下  咁都冇咩野!
只會令你明白一樣野!   只係呢樣野要自己遇過先會明白
都希望佢唔係玩玩下啦 ^^

就係因為上次我遇見呢件事   我對香港D女仔冇晒希望同信心

30624720

加油吧~ 樓主

[V]KC

原帖由 loveyoujj520 於 2010-11-9 17:05 發表

咁就放膽去做去愛!
唔好令自己後悔
就算第時你真係發現佢係玩玩下  咁都冇咩野!
只會令你明白一樣野!   只係呢樣野要自己遇過先會明白
都希望佢唔係玩玩下啦 ^^

就係因為上次我遇見呢件事   我 ...

這位兄台正面一點看香港女孩子吧 不要被一段已過去的感情左右自己

受傷過傷就當懦夫太不划算了吧 這樣可能讓你錯過一些意想不到的東西

loveyoujj520

原帖由 [V]KC 於 10-11-10 23:45 發表




這位兄台正面一點看香港女孩子吧 不要被一段已過去的感情左右自己

受傷過傷就當懦夫太不划算了吧 這樣可能讓你錯過一些意想不到的東西

我只係選擇唔去愛香港既女仔
我返工D同事搵女朋友  大多數都唔會係香港搵  呢個就係問題既所在  點解香港D女仔咁多 佢地唔係香港搵. 係去大陸/台灣搵呢
呢個就係性格問題!
香港D女仔係父母心中係寶.不停咁寵.令到佢地野蠻.唔講理
同埋我唔係只想單單咁戀愛!個個人都有唔同既理由拍拖  可能為性  唔想自己一個人咁悶  好奇  好多好多原因
唔係因為上次件事左右我.係上次件事令我明白到香港D女仔唔岩我
我唔比希望/去愛香港女仔唔=我係懦夫   明知道香港D女仔唔岩我  點解仲要晒時間放心思落去愛呢

你唔好以為我比一個女仔傷左.就事但咁話唔愛!我係諗左好耐先做呢個決定
你唔係我  你唔知我心入邊諗咩.都唔知我諗左幾耐先做決定
我做左呢個決定我係開心過以前!
你話我咁諗會錯過左D野.  我係香港戀愛我真係錯過左好多野!
個個人都有唔同既故事!我只可以話呢地方既人唔岩我!係一個唔岩自己既地方放希望 只係令自己失望
知道呢個地方D人唔岩自己  點解仲要苦苦咁去愛呢!不如去一個岩自己既地方  搵自己想要既愛

[ 本帖最後由 loveyoujj520 於 10-11-11 01:48 AM 編輯 ]