C朗勁爆領銜「葡」丁解牛

franky$$

「神遇而不以目視，官知止而神欲行……」，若然讀書時代讀《庖丁解牛》時半懂不懂，話你知，睇過葡萄牙前日點樣踢到好似跳舞咁，跟住節拍將西班牙呢隻狂牛，由皮、肉、骨、根清楚分割，憑感覺運刀如飛大炒 4:0，就咩都明晒。西班牙錄得國家 47年嚟最大敗仗，世界盃冠軍、世界排名「 1哥」喎，知唔知醜？


法比仔：我哋一無是處
西班牙兩個月前友賽都試過被阿根廷炒四個一皮，但當時排弱陣，冇人會怪；但今次精銳盡出，韋拿、沙維、沙比阿朗素、卡斯拿斯、佩奧爾全部落場，以咁嘅波膽（足智彩賠率為 125倍）輸俾今夏世界盃手下敗將，點向國民交代？
教練迪保斯基說睇得通透：「我哋踢得無可再差，對方踢得好有效率，反擊殺傷力強。」後備兵法比加斯甚至公開向球迷道歉：「我哋一無是處，唔道歉都唔得，家陣惟有向前看。」


拿尼敗家　 C朗嬲到掟臂章
成場波，西班牙控球時間唔少，但搓嚟搓去攻勢都唔入肉；反觀葡萄牙吓吓睇準狂牛弱點，唔知情以為呢隊至係世界冠軍。賽後有球迷認為好多西班牙兵已開始為月尾嘅國家打吡留力，我求太俠就唔認同，又唔見同樣將會出戰國家打吡嘅基斯坦奴朗拿度（ C朗）留力？呢位隊長喺 37分鐘左路笠射靚波，明明入硬，殊不知被喻為係佢喺曼聯接班人嘅拿尼多事加一頭槌，搞到越位。正死蠢，激到 C朗掟個隊長臂章落地。拿尼賽後因此向 C朗道歉，樣衰！
C朗將怒意轉化為動力，完半場前射波被卡斯拿斯擋出後，卡路士馬田斯執雞射入。怕且教練保羅賓圖都覺得 C朗有 heart但過火，半場就換走佢。下半場沙治奧拉莫斯個烏龍波，加埋普斯迪加同曉高艾美達入波，葡軍呢鋪仲唔係乜仇都報晒！





http://hk.apple.nextmedia.com/re ... amp;art_id=14679282

巫師

拿尼柒到喊

~Sam

拿尼真係..唉

魔之蠍

西班牙次次俾人打反攻就收左皮
世界盃打瑞士又係,呢家又係 :band: :band: :band: :band:

Nani~拿尼仔

拿尼

huteson

拿尼係咪收左order 要激怒c朗?

Nani~拿尼仔

c朗好難得扭過人之後射入