法拉、諸葛齊心撐男友

紋少

身為 Neway太子爺薛嘉麟女友的諸葛梓岐自然瞓身力撐男友的公司。
陳法拉和諸葛梓岐昨日分別到銅鑼灣和灣仔出席活動，對於兩人的男友旗下 Neway近日面臨重大考驗，除了與兩唱片公司打官司外，又要迎接羅傑承新開的卡拉 OK Red Mr的衝擊，兩人齊齊力撐男友。
諸葛梓岐瞓身支持男友薛嘉麟，並說：「 Neway使乜擔心，老字號，係一個品牌，有 buffet、有蛋糕，唔只唱 K，可以有好多活動。」但若獲 Red Mr邀請，男友和她都會去實地觀察。談到有傳廖碧兒的有米新歡林忠豪曾追求她時，諸葛即避談說：「唔回應，我識佢，但冇拍過拖，自己唔想惹是非。」
法拉唔去 Red Mr


陳法拉自言是 TVB人，與男友薛世恒甚少談及公事。
至於有指男友薛世恒將會羅致陳法拉入新公司，陳法拉昨日就強調自己屬 TVB，她說：「我講多次我唔係 Neway，咁對 TVB唔公平。」雖然陳法拉聲稱是無綫人，但她斬釘截鐵表示不會幫襯 Red Mr，更坦言有少少偏心。