唉...自己衰...想補救...

tszyuik

我同個女仔年半,打算白頭到老果d...
但依排我地因為d事我同佢提出分手,後來我發覺佢對我好重要...
之後我同佢復合反..但佢對我d態度唔同左好多...
前2日佢就同我分左手,佢話同我相處唔到wor..
咁我都知我自己有好多地方做唔好,所以我答應佢比1年時間我去改...
但佢話唔會等我,一年後由普通朋友做起,唔排除可以發展成情侶....
仲有依一年唔好煩佢...
但我同佢傾電話問佢仲愛唔愛我佢話唔愛,但又喊到死..
依個佢個前男友追緊佢,我應該點做好呀:'(?
我自問我一定好過果個男仔架wor...
救命呀!!!

君侯

冇得點做
盡量同佢講
其實有d野 相處唔到就係相處唔到..
唔係改唔改既問題
係一個人性格既問題.
戒煙就話可以姐.因為食煙係後天
但性格呢樣野係先天架
就算你改呀
都唔係一時三刻
如果佢認為真係相處唔到咪算lor
同埋依1年唔好煩佢 係唔搵佢 定係咩!?
如果係唔搵佢.
我想問.
1年期限 就算俾你改到
你可以擔保佢仲係愛你?
同埋佢提出1年唔好搵佢 跟本就唔係想俾你改啦
係俾你時間忘記佢啦
如果佢愛你 就算幾憎你 幾想你改
都唔會要你1年唔可以搵佢掛?
認清現實 就算你幾中意佢幾愛佢

好老套果句`
勉強都只會無幸福

紫靈姬

都係個句
分手呢兩個字唔可以輕易講出口
講左出口就無得後悔
有冇諗清楚為咩要分手
你估細路仔玩泥沙 拆左個沙堆可以重新再砌返一模一樣
既然佢都已經講話唔愛你 為何仲要強人所難
佢起碼好彩都唔會呃你話會等你之類
一年既時間 究竟係你會變心定佢會變心都係未知之數
無人會知道將來既事 所以呢個故事就係教訓你 凡事決定前要三思

ericwong831

個女仔可能未放得低以前感情
如果真係鐘意一個人,好難會改變你對佢之間既愛

＊神仔☆

唔係你話好過佢就好過佢
如此三心兩意既女仔要黎都擺