打擊暗瘡，打擊毛孔，打擊脂肪（產品介紹）

鋒．嵐＊

大家好，久違了半年無發帖既我，今日終於有時間同大家分享下護膚既心得

我永遠記得係2010年9月我d皮膚發生左重大既變化，就係爆瘡，爆得超級嚴重，係我有生以來爆得最勁既一次
臉兩邊既暗瘡又多又紅，超過30粒，而且仲日日都有濃..起初我以為爆小小..點知越爆越勁..
直到2010年11月..已經爆到超勁..高峰期...

跟住我呀媽就同我講啦..呀仔..點解你中間無爆瘡既..會唔會係你洗面只係掛住洗中間..無摔兩邊呀..你摔下兩邊啦..
跟住我聽左呀媽講..跟住D瘡就開始退番啦..(直到宜家都有..要慢慢靠護膚品改善)

講起洗面,又有小小野分享,唔知大家有無睇過一本護膚既書.話咩唔好用暖水洗面..又話洗得太乾淨跟住身體又會分泌番D油脂..所以咩情況都係凍水洗面..
當然呢件事係日本某一位護膚大師講既..咁所以大家都好相信佢既說話啦..但係大家有無諗過..沖涼洗頭呀..你都用暖水架啦..又唔見你個頭係咁出油..
如果面部洗得唔乾淨..咁講核突D..你今朝早個D CREAM仲留係你塊面度呀..跟住積左成個月..咪又係變油脂粒..所以我就建議大家唔好用熱水亦唔好用凍水
用暖水洗面..一來舒服..係咁凍既天氣..二來洗得乾淨小小..

暗瘡護理篇:



上面個排中間個支..
名稱:曼秀雷敦「樂膚潔」控油清爽潔面乳

好明顯就用黎洗面..我自己就覺得非常好用..大約40蚊就有一支..係屈臣氏買既..
細支既好似30蚊..可以買黎試下洗面..洗完之後好清爽..感覺洗左D油脂..
但唯一缺點就係唔小心點到眼會超娜眼..所以用個時要小心D



上面個排最左個支

係一支蘆薈精華素..好似60蚊..50ml..我用完之後又係覺得非常好用..
用左佢配合其他產品..D暗瘡都有明顯改善..我都好推薦大家買黎用..
係SASA特賣場有得買



中間個包面膜黎的.
名稱:草本消痘滋潤膠原蛋白面膜

面膜黎..佢可以幫你清暗瘡啦..58蚊好似有9塊定8塊..我係SASA買
我用過一次覺得幾好用..你話味道..就無乜特別..(事關我都無留意呢隻野既味道)
好似無乜味TIM..但係用完之後..睇到D暗瘡係明顯細左小小



呢隻CREAM叫做蘆薈CREAM(因為係日本野所以都唔知翻譯做咩名)..我買番黎好似22蚊(特價)..
我唔記得去邊度買架啦..但係我記得卓悅有得買..不過好似46蚊..230g..好好明..包你有補濕既感覺
同埋蘆薈可以去暗瘡

-------------------------------------------------------------------------------------
打擊毛孔篇



中間個隻叫做我的美麗日記 蘋果多酚面膜

好明顯會收細毛孔啦..用個時有蘋果味..都幾香下既..用完之後即刻就收細左毛孔..睇到..好神奇..用左一塊咋
唯一缺點就要FU 30分鐘..(佢建議20-30分鐘)..當然FU耐D就吸收到多D..所以會比較慢..
買番黎都係60幾蚊有8塊..係SASA有得買

--------------------------------------------------------------------------
潔面篇



相信大家有睇我前言既話都知我帶左兩個潔面重點
1.摔得乾淨D塊面..但係唔好大力咁摔呀
2.用暖水洗面..唔好太熱

咁另外其實仲有工具可以幫手既..

好明顯張相對焦得唔好..但係我廢事再影..原諒我咁懶啦XD
左面個舊叫起泡器..者係洗面個時將D野支落去就可以起到好多泡泡.就可以洗乾淨D同時亦都省左唔少潔面乳
右面係一個刷..愛黎刷面既..咁可以洗得深入小小..但係用呢個刷會有小小痛..建議1星期用2次..就好乾淨架啦
全部都係無印良品買..好似呢兩樣野合埋要70蚊..

--------------------------------------
洗身篇

咦..無彩豐行既??




有隻新出既黑糖咩沐浴露..同好受歡迎既蔗糖沐浴露
幾平..都係20幾蚊就1000ML..而且都幾香..不過又係個句啦..
蔗糖好滋潤但係我覺得有D洗潔精味..
黑糖比較香小小..
----------------------------------------------
減肥篇

以前我介紹過彩豐行一隻減肥O者喱呀..之後個隻唔知大家無試過呢..係幾好用的
詳情自己睇彩豐行個網址
http://www.choi-fung.com/chinese/online/goods.php?pid=A255

我今次想介紹既主角係蘭香子

好簡單咁講下咩樣..同芝麻差唔多咁大粒..放係水度等3分鐘會變大粒..變到西米露咁大粒..無味既
咁我個時係淘大商場既攤位見到..飲左一杯..佢用白爆加檸檬再加D蘭香子..咁樣飲落去有小小口感
佢寫住可以減肥,又食物纖維高者係可以解決到便祕,又話乜野可以除口臭等等..
咁我飲落去覺得幾好飲買左兩包細細包(200蚊一大樽,50蚊2包細細包)..但係我係度諗..如果我落咁多糖再飲呢D蘭香子既話
咁者係增肥再減肥..無意思..所以我直接沖水飲啦..當然我講過無味..順便一提..D蘭香子唔好咬..咬左就失去功效= =
跟住1日1杯飲左7日..配合飲食就減左1KG(話說我呢7日無用過隻減肥O者喱..我嫌麻煩啦開始)
如果大家想睇下佢個樣係點可以上網SEARCH下..同埋邊度有得賣..
淘大商場我唔知幾時走..因為攤位黎..我呀媽係大圍都見到有得賣..咁大家可以上網搵下邊度有得賣
試下無妨

最後當然飲食..記住呢個原則就可以減到肥
早上如皇帝,中午如平民,晚上如乞丐
多菜少肉.

---------------------------------------------------------------------------------------
最後PO上我呢半年買左既護膚品一覽
PS:你見好多我都無拆同好多我都無介紹..因為我廢事介紹咁多啦..懶啦
(呢張圖係我之前影架,所以今日有D介紹左既產品係呢度都睇到係未拆..)



[ 本帖最後由 鋒．嵐＊ 於 11-1-22 11:27 AM 編輯 ]

wai..

多謝..
好鬼長= =
你阿媽係大圍見到..你住沙田ga?

[ 本帖最後由 wai.. 於 11-1-23 09:21 PM 編輯 ]

鋒．嵐＊

係呀..我住沙田架..

PS:都唔係好長者..都主要係介紹緊產品..
真係有效呀嘛XDXD

wai..

原帖由 鋒．嵐＊ 於 11-1-23 10:09 PM 發表
係呀..我住沙田架..

PS:都唔係好長者..都主要係介紹緊產品..
真係有效呀嘛XDXD

我都係..你住沙田邊度= =
咁岩..

鋒．嵐＊

我住秦石呀..XDXD
你又住邊度呀咁XDXD~~

wai..

原帖由 鋒．嵐＊ 於 11-1-24 07:08 AM 發表
我住秦石呀..XDXD
你又住邊度呀咁XDXD~~

我就係住大圍o個面= =你媽媽係邊度見到= =

鋒．嵐＊

哇..原來我地住咁近呀..今晚幫你問下呀媽係邊度買先XDXD
我之前係黃允畋番學架WOR..分分鐘有撞過你XDXD

wai..

原帖由 鋒．嵐＊ 於 11-1-25 07:05 AM 發表
哇..原來我地住咁近呀..今晚幫你問下呀媽係邊度買先XDXD
我之前係黃允畋番學架WOR..分分鐘有撞過你XDXD

wa
我讀董之英..

鋒．嵐＊

原帖由 wai.. 於 11-1-26 02:41 AM 發表

wa
我讀董之英..

未聽過既點解我。。ＸＤＸＤ

我呀媽話佢個時係美林商場個D 攤位買架WOR..

鋒．嵐＊

話說真係減得超快..由68低滯不前..食左2星期唔夠
同我減到66KG= =

wai..

原帖由 鋒．嵐＊ 於 11-1-26 10:37 PM 發表
話說真係減得超快..由68低滯不前..食左2星期唔夠
同我減到66KG= =

o個d檔4為走..
好難搵