羨慕李亞男愛得 Sweet峯少揀女友林家大考驗

紋少

原來林峯和李亞男多年前曾經合作，昨日再次一同搵銀實行齊齊開心。
林峯第一次跟李亞男合作是拍婚紗照，昨日二人再度合作，林峯見到李亞男提到老友王祖藍時甜蜜笑容時，也忍不住叫羨慕，更希望可以盡快拍拖，林峯說：「做我女朋友第一樣係要過我屋企人嗰關。」
林峯已經不記得自己枯燥的生活過了幾多個年頭，忙於工作連拍拖都無時間，昨日林峯跟李亞男在元朗為百老匯新舖開幕擔任嘉賓，李亞男細心為男友挑選情人節禮物，她說：「佢成日都唔夠瞓咁，林峯嗰部護眼機幾好，我都想送畀佢。」
無意買桃花
林峯即忍不住大叫羨慕，講到明「恨」拍拖，他說：「幾耐冇拍拖就好似我唔記得自己幾耐冇放假一樣咁耐，拍拖對我來講係同屋企好密切，同我屋企人一定要好夾，所以首先要過我屋企人嗰關。」
新年到，無拖拍，又經常遭人揶揄的林峯，問他會不會買棵桃花轉個桃花運，林峯說：「我人緣 OK，佢哋講嗰啲嘢都係無傷大雅，加上我屋企廈門係唔興買桃花，我哋新年係買桔，所以我都唔會買桃花。感情啲嘢順其自然喇！」

林峯坦言希望找到女朋友拍拖，他站在現場的桃花影相後望增加桃花運。

李亞男透露跟男友王祖藍已各自準備情人節禮物。
亞男等驚喜李亞男笑說今年是第一年不用偷偷摸摸跟男友過情人節，她說：「以前日日都辛苦，成日要靜雞雞，我就會買一啲實用嘅嘢畀佢做禮物，佢就話會送天上嘢畀我，唔知係乜嘢，可能係星星，佢鍾意驚喜。」李亞男跟林峯第一次合作是影婚紗相，亞男說：「係呀，嗰次係第一次影婚紗相。」問她想不想跟王祖藍影婚紗相，她說：「佢話想同小儀影，你問我我都唔知，可能佢有 surprise畀我！」