官方的設定實在是有D爛!!!(非抱怨文)

真白羊

原帖由 紅茶o賢∮ 於 11-1-30 03:51 AM 發表

你咁中意拎現實黎比 我同你比
1.所謂既接受 係100%? 定係一半一半? 冇意見即係零改進 又即係零進步
2.係代理的角度 我地係老闆 點解我地唔可以提出錯處 同要求 我依家就係唔滿意佢既設定 咁我地點解要格硬接受左 ...

依家d朋友仔既思想真係幾得意, 人地開隻game set好遊戲規則
你入黎玩唔滿意遊戲規則原來唔係你走係要人改遊戲規則就你?
遊戲既野有人走有人入, 唔好睇到自己咁重要~
你有意見當然可以提出啦~ 接唔接受就由人地決定
個一擊必殺一開始都有你又唔係唔知, 機率既野低到1個%都叫有機會出現架啦~
改左一樣有人嘈點解改
你既然講到自己係老細咪帶多d鳳凰同防掉囉~
每個人都有付出, 冇人包你付出同收鑊一定要係1:1
依個就係現實
有人買六合彩20蚊中幾千萬,有人幾千蚊買一蚊都冇得收
依個就係機率

真白羊

原帖由 paullok 於 11-1-30 09:13 AM 發表

我頂你紅茶...
你所說的也是很多不玩的人離去的原因之一...
正有如某人說的,現實..像強姦一樣,在你沒能力反抗時,只有默默承受,積蓄力量,圖謀抗爭
今日有人沒任何的付出,就得到了本不應屬 ...

你入得PvP既服, 你殺人同被人殺係遊戲規則黎講都係合法
所以唔存在有人利用規則進行不合法的投機行為
和你的例子本質不同
你殺過人被人殺會掉裝係遊戲規則
一擊必殺係可以被人未到最後未知邊個贏既功效
人地圍P你都係一種戰術
唔使俾等高裝好既周街殺d低等級而引起公憤

paullok

原帖由 真白羊 於 11-1-31 09:17 PM 發表


你入得PvP既服, 你殺人同被人殺係遊戲規則黎講都係合法
所以唔存在有人利用規則進行不合法的投機行為
和你的例子本質不同
你殺過人被人殺會掉裝係遊戲規則
一擊必殺係可以被人未到最後未知邊個贏既功效
人地 ...

真白羊大大,你搞錯一件事,我家下講緊係用一擊來爆人裝備,唔係所謂的戰術好嗎.刺唔刺激我唔知,我只知道呢D行為非常惡劣!!!
有心人利用此種設定在取巧爆人的D裝備,等同係現實世界利用HACK行為偷人野一樣!!!
何為犯罪???遊戲世界的設定???甘現實世界的設定,又非常合理???
係現實世界殺人搶劫,是要付上法律同刑事責任,甘遊戲中死左可以復活就當冇事.點解我被人先挑釁後反擊,我反而要付出代價???而你的挑釁行為就輕描淡寫就不用付上責任???
高LV的在欺負低LV???低LV的就用一擊來反抗???所以俾一擊打死爆裝備係抵死既???(知道什麼是自殺機嗎???挑釁完人後就故意自殺,等你殺到黑名後就用一擊來搏你被秒噴裝.)
遊戲裡高LV的欺負弱小,現實世界一樣有甘既事,唔知你係感受唔到???定係冇甘既認知???
到你感覺到了,又發現自己無力反抗時,是否一樣會用(現實世界的規則就係甘設定的理由,來安撫自己???)
你由頭到尾都係度話遊戲設定係甘,我地就要承受,唔係就離場!!!
甘我問下你,現實中你好想做MR李,可惜你做唔到,如果有機會被你用一擊來做低MR李,而又不用負責任,你會做嗎???
答案你自己心知肚明!!!
你究竟明白什麼是不合理嗎?法則規條都是死板的,可以用人為來改變,只要是不合理的,點解唔可以提出修正???(殺人都分正當防衛同故意殺人)
難道你遇到不公平不合理的待遇時,你都係一笑置之不理???如果現實世界發生甘既事係你身上,你會點???又離場???

你試下係遊戲世界被人挑釁,殺下人,又被人用甘既手法爆左你身上D靚裝,你會點???
我現在并沒有說我噴裝不爽好嘛.我都話左啦,只要我舒暢!!!噴件裝有咩所謂!!!你噴過+10藍武沒???噴過+7藍頭沒???
你被人屌過係亂殺人的白目港狗沒???你黑過名沒???殺完人黑左名後,修羅值上過雙位數沒???(小弟不才,修羅值最高才21)
我諗我講既野,你可能都沒有機會試,首先試下黑名後,被D三唔識七既路人打到你噴左你認為身上最好既裝備,又被人恥笑你係白目+嫩B,有左呢種感受到再來同我講下你的感受.相信你就會明白我在講咩了.
我現在係度講既唔係噴裝被人屌被人數臭.我係度話出個D禮盒搞到我D朋友一個個走晒我唔爽,你係都要話我係唔爽我噴裝個話題,我都冇辦法.噴裝件事只不過係個糟遇,我都冇咩所謂.
我在意的是遊戲帶俾我的回憶同朋友.而唔係D唔算稀有的裝備或金錢,金裝紫武史詩裝?我玩甘多年OLG,想要有的都叫做擁有過.

數下想當年好了:
大陸版永恆紀元我最早有金烙印(殺星IV暗襲,同金神石:麻痺3秒),第一個魔族司令官.全身全6洞+10百夫長金裝一套+金飾品一套.45LV百夫長+10金武器3把(無聊把弓都+10)
台版魔獸我有橘武,ZG老虎,斯坦馬,博學白雞.
台版黑色陰謀我身家過38億黑幣,黑色+10電單車.
N年前的台版聖戰,我有5把50頂級成長武器,身上有+15金皇冠60億金幣
再早D我台版RO有天使頭.小惡魔頭各數頂RO幣30幾億.
唔好再爭論D咩噴唔噴裝.跌唔跌錢.
我係話官方既爛設定規則倒自己米趕客走,令到我少左幾個朋友.并冇計較失去左D咩裝備或遊戲幣.
現實中我只係個平凡人,當我呢個平凡人感覺到呢個世界好多野唔合理時,我連提出建議或者抗爭的權利都冇左,換轉係你,你會點???
中六合彩?甘易中就唔會有人去扑人頭搶劫,或者去穿公司櫃桶底啦.

[ 本帖最後由 paullok 於 11-2-1 01:03 AM 編輯 ]

真白羊

原帖由 paullok 於 11-2-1 12:39 AM 發表

真白羊大大,你搞錯一件事,我家下講緊係用一擊來爆人裝備,唔係所謂的戰術好嗎.刺唔刺激我唔知,我只知道呢D行為非常惡劣!!!
有心人利用此種設定在取巧爆人的D裝備,等同係現實世界利用HACK行為偷人野一樣!!!
何為犯 ...

有人話你挑釁你我冇話佢o岩~
不過人地動口你就殺佢就中左佢計啦
你都話人地就係想你殺佢, 等你黑名再殺你等你噴裝
殺過人既被人殺會噴裝都係好合理既設定
唔關咩一擊必殺事
你忍得手人地拎唔拎到你D裝? 唔得囉
人地而家唔係HACK你喎
只係戰略贏你, 激將法你未聽過?
你講到P完人之後爽晒, 咁你爽完都要負返你責任

我現實中從來沒有因為被人挑釁而有想殺人/打人的想法
如果你有既應該控制下
另外, 的確我一直認為不滿意規則和制度最好的方法是離開
入屋叫人, 入廟拜神

paullok

原帖由 真白羊 於 11-2-1 01:23 AM 發表


有人話你挑釁你我冇話佢o岩~
不過人地動口你就殺佢就中左佢計啦
你都話人地就係想你殺佢, 等你黑名再殺你等你噴裝
殺過人既被人殺會噴裝都係好合理既設定
唔關咩一擊必殺事
你忍得手人地拎唔拎到你D裝? 唔得 ...

知道咩叫"立心不良"嗎??
點解MR李要周身保鑣?你明嗎?
你試下行近D睇下會發生咩事...哈哈哈.
我諗你就明你理論有幾甘荒謬.
設定漏洞,你明嗎?司法漏洞,你又明嗎?
好彩你話係遊戲內.甘我話你用設定漏洞來進行不道德的行為,你認同嗎?
唔認同唔緊要,你試下現實世界講俾人聽甘既行為,要人地幫你分析下,睇下D人會唔會用"立心不良"呢4隻字來話你
遊戲世界的許多行為,大多都在現實世界中不被認同.
而現實世界認同的價值觀,道德觀,在虛擬世界一樣會被認同.
你同講我"激將法"甘你認同MR李有大把野你想得到既,係嘛?
你試下用係MR李身上,睇下佢會唔會同笑笑口
你沒被人挑釁過而做出D咩事,甘你去挑釁下人,睇下會發生咩事囉
你冇唔滿意的事情?個人?制度?規則?如果有你會離開?
現實世界發現D甘既事,你"離開"去邊呀?
我只可以話你係個"知足常樂"的好野人...
仲有,我講多次!!!我話左唔係因為噴裝而不爽,而係官方D爛設定令到我見唔到幾個朋友而不爽.我講左好多次了,睇文睇仔細D,謝謝   

[ 本帖最後由 paullok 於 11-2-1 09:06 AM 編輯 ]

真白羊

原帖由 paullok 於 11-2-1 08:57 AM 發表

知道咩叫"立心不良"嗎??
點解MR李要周身保鑣?你明嗎?
你試下行近D睇下會發生咩事...哈哈哈.
我諗你就明你理論有幾甘荒謬.
設定漏洞,你明嗎?司法漏洞,你又明嗎?
好彩你話係遊戲內.甘我話你用設定漏洞來進行不道 ...

立心不良既人一定有, 依個其實都唔可以踢晒落設定同制度上面
要怪既就係有人貪心同有人受唔住誘惑
唔好意思, 我個人黎講行去邊個身邊都可以光明正大
(你都話人地周身保鑣, 咁行係佢身邊又有咩問題?)
我就好少會遇到被人挑釁既情況, 當然其中原因都係我好少會挑釁人地
如果你好似MR李咁有錢, 人地行埋黎話你會殺左佢?
你D錢睇黎都係用黎打官司打飽
同埋你都要預你殺得人, 就可能有人黎殺返你

講到底, 重點係一句
面對挑釁, 利用衝動同激烈手法去應付後果很多時是令自己後悔的
要學會沉住氣用其他遊戲規則上其他可行既方式去處理

你亦要明白一點, 立心不良是不可能透過改任何設度去完全阻止
最後都係一句: 面對現實
人係要去適應遊戲規則而唔係你唔適應就要人地改

[ 本帖最後由 真白羊 於 11-2-1 11:13 AM 編輯 ]

paullok

原帖由 真白羊 於 11-2-1 11:07 AM 發表


立心不良既人一定有, 依個其實都唔可以踢晒落設定同制度上面
要怪既就係有人貪心同有人受唔住誘惑
唔好意思, 我個人黎講行去邊個身邊都可以光明正大
(你都話人地周身保鑣, 咁行係佢身邊又有咩問題?)
我就好少 ...

我講緊係路人甲見到你金光閃閃,就用挑釁的方式引你黑名然後爆你裝備,你究竟明唔明我講D乜?
你見財起獵,立心不良利用某D設定漏洞來得到本應就不屬於自己的財富,你咩心態?
你唔係連是非曲直都分唔清呀?
法律有漏洞時不時都會修正下啦,唔係一訂出來就唔可以修改啊?
邊條法律.規則.制度係天條?定係聖典???唔可以修正???
甘D人遊行抗議來做乜???唔LIKE離開就得啦,仲使乜鬼吵??

如果你冇D甘挑釁的行為,始終MR李既保鑣唔會出手打你更唔會殺你.
你試下行為上做出D挑釁行為,睇下D黑超組打唔打唔你?
你唔口臭我故意殺你我既錯,我冇品,你口臭挑釁我,打我自動閞PK殺你?
俾你打死左就叫我做嫩B,殺死左你就係惡人?!你都幾理橫曲折啵!!!
上帝說有人打你左臉,你就俾埋個右邊臉俾人打埋???
我冇你甘好品囉!!!如果係甘,我不如做惡人算了,噴裝我都舒暢!!!
家陣我有話我噴裝我唔爽咩???
現實世界裡,想要MR李副身家的人多如牛毛!!!
你試下去挑釁下MR李,睇下佢D黑超組會唔會出手?
如果唔使犯法,MR李副身家連請保鑣都唔夠啦!!!仲使打官司???

仲要爭論殺人噴裝問題?你有冇睇文我講咩架???
仲要爭論殺人噴裝問題?你有冇睇文我講咩架???
仲要爭論殺人噴裝問題?你有冇睇文我講咩架???


[ 本帖最後由 paullok 於 11-2-1 01:30 PM 編輯 ]

真白羊

喂喂~~其實我完全明你講咩喎
你話有人"見財起獵,立心不良"-> "用挑釁的方式引你黑名然後爆你裝備"
係唔係?
我一直到尾都係講
人地立咩心都好, 你受左人地挑釁就中人地計
咁根本唔關"某D設定漏洞"事
人地跟晒遊戲規則玩, 得到既野就係佢應得既
而唔係"不屬於自己的財富"
正如你去街食飯, 因為你肚餓
原本你想去茶餐廳食, 中途見到個車仔檔有魚蛋味好香
吸引左你去整左串, 之後唔比錢要走
咁人地當然係報警啦
你就同警察講: 鬼叫佢係我肚餓既時候引誘我? 我d錢係我既佢立心不良見我有錢就想拎
用串魚蛋就想昆我十蚊? 做人既設定好有問題囉~ 點解聞到香味口水會流? 改改佢啦!

俾你pk既人, 佢都付出左條命黎換你既裝
你咪理佢條命有幾cheap, 依個係價值觀問題
而你將問題歸咎於佢利用"一擊必殺"竟然殺到你
就正如你聞到魚蛋香竟然想食
人地正正係用"魚蛋既香味會吸引你"黎"賺"你既錢
你忍得口人地捉住你夾你苞包就係佢唔o岩

一字記之曰: 忍~
而唔係將責任歸去設定
你可以話條友立心不良, 佢挑釁你係佢無品
而唔關設定有問題事

係度都做下小小教育輔導~ 唔應該只為法律不容許而不犯法
李生係有錢唔等於你要對佢既身家起心
李生都要食飯, 你想要佢既錢可以做飲食
我個人唔係做飲食不過李生既錢都賺唔少
當然佢都賺我更多, 依個係供求問題
我冇欠佢佢都冇欠我~

[ 本帖最後由 真白羊 於 11-2-1 06:00 PM 編輯 ]

johe1112

睇下咯.................

紅茶o賢∮

D字咁多 我都冇心機去消化