男孩子的想法(讓男孩子們吐1下苦水!)

☆鬥士★～

我睇完"女孩子的想法",覺得樓主講既野十分有道理,講出左女仔既心聲,但只係講出女仔既心聲,感情係雙方面既,唔通就唔洗理會作為主動既男仔既感受? 我都想講下男孩子既想法"
成日話男仔令到女仔喊..女仔有冇諗過點解會喊?係咩原因?因為男仔同自己朋友出街玩唔理你?媾女?  
有冇諗過其實女仔你地自己都係做緊同樣既事?如果雙方開msn睇下好友人數,,女仔msn既好友人數多數比男仔msn既多,,,
再講異性好友數量都係女仔msn有異性的較多,,,女仔1定會話fd黎姐,,,咁男仔識的異性朋友唔可以係fd既,,1定係媾?
"咁女仔多男仔識好正常姐"  
男仔唔可以識女仔?  性別歧視? 定跟本你地自打嘴巴,,,
同自己d fd唱k行街shopping失蹤就無問題   
男仔同d fd出街打下機,,仲要有交帶咁同你講就多多問題  
姐係女仔d fd就係fd  男仔d fd就永遠都係豬朋友友?  
打機既就係錯  化妝扮令既就係岩?  
女仔又話化妝都係為左比你睇姐  男仔打機打得叻 唔係都可以為左威比你睇?  
唔通你成日睇住自己男友鋪鋪死會威d?  
"我邊識男仔打機d野呀"   男仔夠唔識女仔化妝d野
成日只會叫男仔就女仔讓女仔  陪你行街拎野請你睇戲食飯  
無錯係應該既,,, 女仔有fd陪行街都叫男仔出  3行人?
都唔緊要 陪你地d女仔買bra買衫買m巾 成間鋪頭得1個男人仲要比其他女仔望住 果時你地女仔又有冇諗過我地男仔感受
仲要剩係2個女仔係咁傾  當男仔死既?剩係識得拎野同比錢?  
行女仔前面又唔知你地下一站去邊,,
又話行得太快無理你地,,,仲要好似個跟蹤狂咁跟係你後邊  仲要話行得慢,,,1齊行,,條街又無咁闊  你估香港地好大咩,,,
女仔發脾氣就多多籍口都唔緊要  男仔咪受晒又哄,,,
你地女仔諗下你地1個星期可以發幾多次脾氣? 再諗下我地男仔幾耐先會發火1次?
忍都有個限度掛   女仔係要哄  但唔係下下哄  
係咪都哄  呢d叫寵! "寵下我唔得咩?" 唔係唔得  但你地女仔寵會完改返好?  未必囉  
無理既要求只會愈黎愈多  
男人有自尊的,,,出街要幫個女仔拎個女人手袋,,,好聽d咪有風度  唔好聽既咪老婆奴囉  
每個人都有2對手  又唔係手殘  
點解你地女仔1定要2袖清風咁行街   而男仔就要1袋2袋咁樣好似走難咁  
還說什麼霸氣魅力?

matt03068

讚好+1!!!不過女仔真係好難追

真．風雲兒

難追??  睇你河包重唔重啦.....

°×sIuFu_♂

樓主講得唔錯...
愛情永遠都係雙方遷就...
單方面付出果d唔係叫愛情
d女仔成日話我地日日夜夜淨係識得打機訓教...
咁女仔又何嘗唔係日日都傾電話行街睇3呢- -'
唔係話邊一方面錯...只係雙邊既活動唔同咁解...
唔可以話有既定既活動係雙方都岩...就算真係雙方都岩...
都冇可能成日都係做果樣野~做得多都會悶~
所以希望女生係發我地脾氣...話我地之前...
企係我地果邊諗諗先...thz~

dodododoasd

男人心聲xd""

marco7262002

同意！！！ 真係難到想放手 但無奈既係不惜，真係好辛。

dan11iel

我識左女朋友三年，
佢一直都對我唔錯，朋友話我太被動，佢係主動。
可能因為一開始既時候，我仲未搞清楚自己係佢既邊個
佢同上一個男朋友分手一排就識左我，佢話我好似佢戈ex
我戈時都唔知我係佢心目中有咩既地位

呢斷日子，我都覺得佢對我好好，我欠佢既，可能一世都還唔清
我自問唔係一個稱職既男朋友，可能有時做既野唔合佢要求，
佢就開始叫我改，到我改左既時候，佢又會話，你同以前唔同左，你以前唔係咁對我嫁，你係米唔鍾意我呀??
跟住兩個就成日嘈~_~   有時我比佢話，佢又話得我岩既...有時佢話我，我又其實冇做錯，我都算，忍佢
但係佢d fd仲要多加多幾句，明明一日之內msn傾番和好左，第二日又鬧過...我真係好火，其實都唔關佢fd事啦..
前一次鬧交，已經係新年之前..戈次佢又問我，你係米唔鍾意我?呢戈問題已經係前幾戈月開始出現，我答到唔識再講任何野...明明答案只係得一戈，點解佢仲要問??我答佢唔知，之後就同佢講...明明答案只係得一戈，佢就話既然答案自有一個，點解我會答唔出??
到左第二日番學佢問晒班入邊既女仔，d女仔都話我係唔鍾意佢，我只不過係玩玩下，到左最後，佢問左我一個最好既朋友，個朋友[男黎]答既同我msn講既野一樣，女朋友先肯理我。但係佢問晒d外人，姐係等於比人知晒我地之間既事，之後佢仲要好開心咁同我講，xxx話唔likey你喎...戈戈當正我係賤人咁...

講真，自從戈次之後，我就知道一件事---佢跟本唔信任我
次次同佢嘈完之後，佢都係話，唉又鬧交晒曬d時間冇時間做功課...[大佬我都唔想嫁...
正式拍左拖就黎兩年，今日，情人節後一日，
佢同我又因小事[可能對佢黎講好重要掛..]嘈左..
佢話: 明知我唔識哄女仔，但係佢自己又係要人哄既女仔，自己太蠢
我答佢: 海鳥跟魚相愛　只是一場意外
之後佢冇反應...
我同佢之間，我都知道應該冇咩可能，
我想分手，但係又唔知點做...

同埋我e+中4，分左手仲要對住佢2年...
可能d大人真係講得岩...咁細戈唔應該拍拖...

隨風..

計我話,單身米好囉 , 得閒慾火起就北上叫雞 , 單身想點就點
我以前同女朋友由讀書拍到去佢上大學足足6年,我中七畢業唔讀書我去考消防,佢就繼續讀書,我係八鄉地獄受屌26個禮拜,星期六如果無得放假打比佢佢就鬼殺咁嘈
最後捱到畢業禮佢話唔舒服冇黎原來就同第個男人去行街,分手個陣仲話我唔陪佢
你地話,女人係唔係痴線?

幻魔鬼武者

樓主既講法我十分+非常咁認同.....
講真...有好多野~女仔總覺得自己有特權咁....永遠都調唔返轉頭....
大時大節佢地覺得男方老馮準備得好好睇睇~有驚喜....唔可以寒酸~~
但好多時女方準備既.....真係無咩驚喜~男方都唔會太MIND~因為有心~
相反如果女方覺得無驚喜~會覺得男方好無心準備....

當女方得閒個時....總要俾百忙抽空出來陪佢...咁先叫重視佢....
相反~女方好忙個時...真係見到你SMS佢都可以話你一大堆野~
無論男方個日返完工/返完學~拎緊幾重既野都好~~都要為女方拎晒手上既野....

有時候覺得~追女仔既....唔係做奴隸....唔駛咁樣既下下都~~~
做男仔~無咩錢都好~明知可以氹女仔開心~慳自己~都買D野/整D野氹自己愛既人~~
相反....女仔同你個頭講無錢~叫係買野俾佢~買完之後無耐佢又會有錢同朋友去邊度邊度玩~食咩買咩咁~
難道男仔返工搵錢唔辛苦~老馮俾晒女朋友洗~自己真係要節衣縮食~捱麵包!?

好多男仔依家都愛到好無尊嚴咁~~愛可以話係無條件付出~但依家係變左單方面付出....
咁既男女關係變得好無癮.....有事就搵你~無事就忘記你個隻~~
已經愈來愈女仔會花心思係自己男朋友身上咁.....不論一齊左幾耐都係咁.....愈耐可能仲更加老馮.....

各位巴打.....女人好既就女人~唔好既真係累人......如果補救過都無咩起色....真係棄舊迎新啦~~
當女方將男方的真心當成狗肺個時....已經無晒意思~~
只會成為自己既包袱.....無謂俾個包袱拖累自己吧~~