賢者心得分享(坦魂優先) 稍後加入腿賢同審判賢者 - 龍之谷 Dragon Nest

2000FUN論壇 › 綜合論壇 › 龍之谷 Dragon Nest › 賢者心得分享(坦魂優先) 稍後加入腿賢同審判賢者 ...

查看: 2273\|回覆: 31	go [分享] 賢者心得分享(坦魂優先) 稍後加入腿賢同審判賢者 [複製鏈接]

Keavero

二星初級會員

Rank: 2 Rank: 2

UID: 860089
帖子: 87
積分: 67
Good: 1
註冊時間: 07-4-2
在線時間: 30 小時

1^#

發表於 11-2-15 04:43 AM |只看該作者 |倒序瀏覽 |打印

首先比少少角色參考資料：
物理賢者，暈1萬多D，物攻1xxx~2379 魔攻1千左右。雖然全身熊裝(32A)衝暈眩，但係普攻一鎚唔爆都有7xx物理DPS。打親都暈唔暈都死咁滯，好玩係無錯。
**但係賢者想同相近條件之下DPS職業輸出量看齊真係死左條心佢把啦

以下入正題**

賢者角色設定係高防多血自保技能多，淨係識用盾技擋未夠格做坦，賢者坦怪真正祕密在於謀定後動同先發制人
1.你預算時間配合隊友使用技能將目標超級鎧甲打斷，你/你隊友都可以獲得一次猛攻機會。(有人問過我血條下面黃色果行係咩野黎......)
2.熟悉怪物攻擊模式於中招前一刻使用滑破。滑破出招期間有大約0.5秒無敵時間。(有人話自已盾防點滿比佢坦...下面我會再解釋4招保命技能分別係邊度。)
3.挑釁技能點到4。前題係你會玩PVE而且有志要做坦克，紋章方面要配A章作用時間增加50%。此項條件下你技能未完cd就到，可以接住再拉其他散怪。(15秒你仇恨都做唔夠拉住王...刪角啦)
4.對怪物所造成DPS越高仇恨越大，言則目標會追住你打。但係賢者除(挑釁)技能外仲有格擋後2招反擊技、滑破等都有額外仇恨值。
5.被動技能精選-自動格擋點滿、範圍格擋點滿。當你4大技能cd，你就要靠閃避同被動格擋技能免傷同製造反擊機會。

坦職係所有遊戲一直係犧牲者。犧牲輸出、犧牲生命值、犧牲修裝費。假如你帶住3個隊友都用自殺式襲擊戰術...你犧牲埋時間。但首先要做好本份，以下介紹4絕。
4招保命(主動)技能分別：
滑破、鋼鐵之身、盾牌格擋、虔誠。

*A滑破滑破出招期間有大約0.5秒無敵時間，善用特性可以接近、閃避同逃離。
*B鋼鐵之身經常被忽略，因為作用時間短同埋盾擋神威下鋒芒不露(我無用錯字)。但其實鋼鐵之身真正作用在於確保技能可以順利完成且能夠保護自已，即係所謂(硬食)相信好多同門都曾經歷過技能被盾擋打斷，鋼鐵之身就係因應此等情況而設計。
*C盾牌格擋個人最常用，40級點滿8級擋9下仲可以周圍走。閃避動作做得好技能未完cd仍在，真正意識上無敵狀態。但切記格擋動作會優先於其他主動技能，即係擋完會(斷技)。
而天賦點出兩招反擊技能可以係格擋後使出。請注意 [盾擋於PVE情況下次數無法被動新啓動而重置] 意思係你盾擋剩3，重新使出盾擋次數同樣係3次。切記
*D虔誠我相信好多人評語係雞肋。要定點按 SpaceBar 先會出現格擋動作。其實虔誠價值在於持續時間下無敵(360度自行格擋)且自動以光系反擊周邊怪物。當你係前線擋怪或怪堆中間，你會愛死虔誠。值得注意地方係同盾擋一樣，格擋成功後可以兩招反擊技二選一作反擊動作。雖然如此倡狂，但站樁式虔誠會令您受人白眼...

講住咁多，就黎5點聽日仲要返公司。聽日接續係我個人天賦配點分享同裝備選擇推薦，聽日見。晚安

-------------------------------------------------------------------------------我係方便接續橫線----------------------------------------------------------------------------------------------------
2月15日
各位好，尋晚夜訓得滯等陣先返公司XD
分享下我最新配點，真係新鮮熱辣尋晚1點先配好(技能名同台版有分別，不過我用開明就懶得搵，請見諒。各位有好用模擬器請話我聽,3Q)：

http://dn.heha[刪除我]game[刪除我].com/cleric_paladin.php?3o5VjR-h6-pw3JJXA2czlZ|156$244
又唔比出link假如2K fun有內置DN天賦模擬器請提供我即換......但今次各位請自行手動Del以下信息以順利開啓天賦模擬： [刪除我]

係模擬器中可以發現，審判系天賦我都點，因為我將點數投放係盾系果邊。而以下點滿係指40級所能達到之上限。
1.自動格擋點滿、範圍格擋、神聖天擊同神聖復仇(兩招反擊技能)點滿
2.神聖懲戒點滿
3.滑破同破甲點滿
4.挑釁(激怒，下同)4級、治癒5級
5.側滑同神聖連擊點滿
6.智力訓練、神聖束縛同浮空就分別係1級、1級同2級。
7.點出神聖化身

第1項自動格擋同兩招反擊技能前文有述因此不作重覆。

神聖懲戒
PVP：最大用途係PVP，當你戰鬥進入白熱化階段或對手接近死亡時，正正係佢發光發熱時間，由於呢款配點無左雷霆一擊同雷電衝擊因此攻擊手段有一定程度上損失
因此戰術偏向用磨，做好自已等對手犯錯以普攻+技能接技(下述)或等對手失去耐性進行猛攻。技能用得好可以當主動技能用，搵個就死對手黎刻意食佢招反傷反死佢。
PVE：PVE方面神懲反傷用黎彌補輸出不足，神懲持續時間超短，但實用在於反傷數字無視自身防禦技能或狀態(PVP同理)所帶來之減傷影響。意思即係對手係你無裝情況下砍1萬佢就反傷光屬3千

滑破及破甲
最大特色為CD夠短分別係7秒同8秒，係輸出手段缺乏情況下以短CD黎彌補DPS不足。而破甲增加對手30%物理所受傷害更加係合家歡猛技，滑破有0.5秒無敵。

挑釁
PVP：暈眩及暴擊減少26%，遇上遊俠最好放一放，其他職業亦然。
PVE：不點挑釁的請別當盾賢，雖然賢者天生自動挑釁其他打手職業(笑)。起手輸出不及打手職業大力，你唯有靠嘴炮了，挑釁CD15秒而4級係10.5秒內確保被炮目標追你狂攻猛打，其時盾防反擊大派用場。
但係要持久除左偉哥(我無食過)就要靠A章增加技能作用時間至15.75秒，咁樣你CD未完就可以再出過，確保賢者係DPS全力輸出下穩定怪物目光。記得4級就夠紋章要選增加持續時間A章。

治癒
唔洗多講有咩用，5級係因為剛好回復9%血量上限值，10%要40以上先得，留返點數點其他。

側滑
點滿CD2.6秒，扣埋其他技能施放時間基本上係可以連用，係任何情況下，免傷手段先係皇道。PVE更加，特別係主動防技CD中你唔用化身就係佢同滑破了。

神聖連擊
實用、強，用黎形容連擊最好不過，點滿下物攻272%+1110 。唔計%所帶來輸出值只論1110就已經非常快樂，加上技能攻擊時會向前移動可以邊打邊調整站位。最值得注意係連擊第3~第4段攻擊時按滑鼠左鍵
第4段攻擊會變成強力打飛收招式，而且係高打斷技能。技能連技推薦：盾衝+神聖連擊+飛踢+破甲(之後自已搭)

智力訓練、神聖束縛、浮空
*智力訓練點1比2級性價比最高，賢者魔量係一個大問題(部份場合無法補藍水)，配合朝氣紋章可以明顯提高續戰力減少自殺現像出現，當然最好係有藍時裝回魔+10%鞋。
*神聖束縛對於盾賢黎講只係捕敵技能而非輸出手段，光屬性魔法攻擊耶...
*浮空因為有賢者天賦範圍格擋支持下，基本上點1級已經夠你係必要時受身之用，2級係因為有剩點剛好。

神聖化身
我發覺有幾乎90%賢者都會點化身而唔用大鎚。我相信原因都同我一樣，比較實用，無敵又加跑速又加力智體，夫復何求？ A章有能力配到就配一個化身+持續時間。
另外，神聖化身作用期間因為體質上昇關系，因此其時你補血會算成增加體質後的百份比，所以只要你補得夠，化身完後你血量好大機會會係全滿。同理回魔亦然
推薦-神聖化身>祈禱>治癒

------我特別要同大鎚平反一下，大鎚1級物魔兩攻都+834%，對於雙修偏物理賢者實用程度絕對會比化身高。834%當真唔係講玩，一鎚打狗都痛死何況會連打3鎚？而且攻擊範圍比你睇到效果要大得多。
假如看倌同我一樣有一套+物魔攻%、力、智%的潛力飾品，大鎚絕對唔會令你失望。

打埋眼淚返公司簽約，各位同門夜D見！

[ 本帖最後由 Keavero 於 11-2-15 05:46 PM 編輯 ]

關閉 安全驗證

[分享] 賢者心得分享(坦魂優先) 稍後加入腿賢同審判賢者 [複製鏈接]

瀏覽過的版塊

關閉安全驗證