理性討論,無需火滾 *****字海***** ||如無興趣者請勿留無意義回覆或請按上一頁離開|| 係財政預算案前一兩日,大家都知道加煙稅, 所以有見及此,一大班人係Facebook開左大量活動同專頁... 活動是這樣的: http://www.facebook.com/event.php?eid=112021792208840 http://www.facebook.com/event.php?eid=168900543158238 兩個都係想借用網絡既力量去令到曾俊華睇到,然後唔加煙稅, 或者大家都知道一定唔會成功,只係想發洩下, 而大量網民唔滿意加煙稅既原因係...點解酒稅你地又唔加呢? 做官飲紅酒... 咁我想問...大家唱K,朋友生日,朋友聚舊食飯,BBQ會唔會飲啤酒呢? 如果酒稅都加埋..你地真係可以做多幾份工了... 第二,係煙稅加左既當日,第二日 已經有唔小年輕煙民自拍左短片上youtube.. 亦有唔小人係facebook不停屌鬼, 而大部份人都係講類似既說話: 1. 加煙稅咪即係想我地去索k,吸毒...d毒仲平過煙呀! 2. 加煙稅=多d私煙,雖然你地話會多d杜絕私煙,但係唔駛人力呀? 到最後咪又係要錢..加黎晒撚氣,損人而不利己 其實無問題的,你鐘意比小d錢去做犯法野,但係一比人捉到就成世既事 1. 既然你諗得到,就好多人都諗到,唔好以為自己思想獨到, 你去索k,吸毒..自然會有其他人一齊,當越黎越多人吸毒既時候,供不應求, 到時你認為d毒會唔會升價呢? 唔通d毒一直好平咁比你吸,比你索? 2. 私煙,我身邊既朋友或親戚都間唔中係靠私煙黎將自己吸煙既錢減小.. 雖然係有駁腳,一定唔會自己出事,但係駁腳上得山多終遇虎,你敢擔保佢有朝一日唔會比人拉? 咁危險既野,雖然搵得多,但係風險好大..就係因為你地食私煙既關係,人地為左搵兩餐, 因為搵得多,就自然吸引等錢洗既人...到最後佢比人拉左,就係因為大家對私煙需求大,導致一個人要坐監,留案底...只係為左你平個10蚊 到底你地講出呢番說話係為左激政府而亂講,定還是會認真做呢件事... ==================以下內容關於我家的吸煙成員一件事(可以略過)================== 我屋企除左我之外,全部人都有食煙,包括我老豆老母,家姐,阿哥 但係我到目前為止一啖煙都未食過,可能係因為我本身氣管接受唔到d煙, 同埋本人覺得煙真係好臭,所以一直都無掂過煙, 我一有機會就會叫身邊既人戒煙,係前幾年第一次加煙稅既時候(加到39蚊包個次) 我已經開始叫屋企人戒煙,一黎我屋企仲有個細佬,二黎食煙真係好晒錢 但係佢地大部份都食左十幾年,無可能一戒就戒到, 我老母係未加39蚊包既時候,一日食3,4包煙... 到加完之後食2包...佢食左4x年..無可能一戒就戒得甩, 到今時今日加到49蚊包,佢主動同我講,我以後一日食1包,慢慢減小... 加煙稅到今日,佢真係食小左(我見)..佢有無偷偷地食我唔知啦, 因為如果比我發現我會鬧佢,自己屋企人都無情講,因為健康才是無價的 ==================以上內容關於我家的吸煙成員一件事(可以略過)==================
一齊戒煙啦...香港人 無謂浪費金錢,人地用金錢換來健康, 煙民就用金錢換來肺癌,鼻咽癌... 假設你3日1包煙,最平既煙$45.. 你每年都慳返$5490... 我係到講咁多野唔係想大家認同我, 只係想大家討論下, 加上順道呼籲各位戒煙
[ 本帖最後由 壽司－ｖ－ 於 11-2-27 08:06 AM 編輯 ] | 
發表於 11-2-27 08:04 AM
發表於 11-2-27 08:07 AM
食左就上_
鐘意食咪食 佢地想死早d佢地既事
