故事開始時係2009年既12月,大家可能放緊聖誕or仲要返幾日學.
話說cosmic break開始測時,自己係第一批第1日仆住入去玩果班人
既然係紀傳體,當然以自己為單位記啦.
最大原因係自己知比較少對面2國既事.
所以focus會係以自己角度既所見所聞去講尼段歷史
第1章:封測的cosmic break
封測的第1 天
本人封測ac:小柒柒
打好名之後,做左新手任,就係選國家,
自己二話不說,就入左藍國,因為藍國npc係女
所以,我相信大部份人都係同我同一個原因而入藍國
結果,藍國十分強大,人口比例極不平衡.
係當時,藍國主城多人多到laglag地
理所當然,藍國係禁住紅綠打.
加上,藍國出現一批日服老手進駐,
如大將.王者,campdog
更加打到對面無還手之力
就係第1日當晚,藍國第1個精英軍團-疾風之王者
自己當時都可以打上10大,覺得有能力,所以入左去
但係入左去之後,覺得自己完全係2打6,比唔上入面d人,於是打國戰只有企係人佢地後面扮晒勁
結果第1日sm到對面不似人形.
綠國掘起之時
第2日都係禁住對面打.
但係尼個時候,綠國一個精銳既軍團掘起-威尼斯武裝商船隊
其成員雖少,但成員好似只有日服老手.
其中,小紅,mkb,cs爆發士羅 最為屈機.
自己係唔知情下入去綠國場同佢地打,給果俾人sm到體無完膚
打第2次,死得仲慘,俾人打禁住係重生打.
自始,開始出現可以同藍國爭一日之長短既勢力
兩強相搏
為左要攞到封測達lv既機機,當日直煲機到零晨,目標係要升到泰坦
就係人靜夜深既時候,威尼斯d人突然湧入藍國場.有成5個(好似)
結果就係俾人sm,自己俾人打到好想轉場,但紅國場一早收左擋,自己又想升lv
最後決定留低俾人sm
俾人sm左大約2小時,疾風主力介入,
有王者,campdog,等大人物,又有作客的大將幫手,成功擊退威尼斯.
自始,疾風同威尼斯成為2國既代表勢力.
同時,都定下我我既技術
所以,俾人sm得多先有進步,先可以引發自己求生本能
一直到左最後幾日,主要戰場都係係藍綠,紅國好似無咩作為
但係藍國始終都係最強大,係人口不平衡下,加上高手如雲,用人海戰術禁住打,
其中以紅國最為慘烈,因為少高手加上人口少,俾藍綠打壓
結果,藍國大勝10000cp完左封測
封測時黑橙事件薄
黑橙封測幾日後搞左個gm一齊打30v30國戰既活動
但係佢既ser負擔唔到60人國戰,hand左入唔到去
之後搞左個元旦與gm倒數活動,
但係d人12點都入唔到,成個活動取消左無人知
結果玩家白等,更有人等到2點
另外,台灣連線方面.因為黑橙只開hk ser
台灣人只好去香港玩,
但黑橙ser唔好,加上台灣寬頻不佳
台灣人玩hk ser lag到爆
第2章:公測始動
到左公測,都係第1批仆住入去既人
決定唔再用封測既名,因為自己都覺得有d柒,起初都係玩野先亂改名
相良宗介從始出現cosmic break
打完新手任,繼續支持藍國,諗都唔諗入左.
我自己等待公測時的小趣事
話說自己買1100gash準備入去玩,但係未開ser之前就走左去換rt
結果,入到去1rt都無,等左半日,都係無起色,
於是打去客服問,原來未開ser換rt唔會有野
於是我就大佢,就話
"你未開ser出咩換rt,我點知會換唔到野,你開左俾人換,即係可以去換,
如果換唔到野點解要開俾人換?"
最後,黑橙好快咁俾返rt我,當時我對黑橙代理總算有d期望
沉醉於勝利的藍國
由於封測藍國之強勢,一開始就大量難民湧入藍國
除左原有藍國國民,仲有封測俾藍國sm既紅綠國民.
於是,藍國人口空前之多,有如白蟻之群
同時,封測原有藍國高手,都有入返藍國.
係當時,疾風之王者繼續幫藍國擊退外敵
而自己無再加入疾風,
另起<秘銀>,為當時較有實力的港人新手公會
其後,戰狼小星創戰狼,既有大量人手,會員平均質素不錯
成為當時藍國國戰主力
在人口及質素的優勢下,藍國係國戰中勢如破竹.
但正所為樹大有枯支,開始出現一d狐假虎威既藍國人
似住自己強大既國勢,睇唔起對面既人,仲要係到串柒柒.
紅綠出現反藍國的情緒
但係藍國依然強大,國戰禁住對面打,
除左對有精英公會,都係大比數打贏
結果更加助長某班柒頭,係到借藍國威名作威作福
令到不良風氣係藍國漫延,更多人目中無人
但一切都係短暫,驕傲既藍國人就快面臨重大難關.
猛虎倒下,蛟龍蘇醒
自封測時,綠國已有一班日服老手,佢地反而係公測好少出現
好似聽講係到培訓綠國新手,但係人數都係少藍國一班
雖然都頂到下,但係敵眾我寡下,都係唔係好得
但一切都係過雲雨,綠國正等緊一個機會,一個強大既機會
而官方一個政策,正正打破藍國獨大既局面,
綠國係尼個機會下強大起來.而藍國側一決不振.
之後因為人口不平衡,官方決定禁止新手入藍國
加上各種問題,日服老手急流勇退,走晒返去日服玩
本來藍國既強大係靠一班老手頂住
講到明就是強勢領導
因為藍國人多,新手自然多,人口質素偏低
全靠一班老手,帶住d新手打,先無往而不行.
但藍國老手少有教新手,而藍國新手更目中無人,往往不受教.
其最大主因係不斷的勝利換來冇品.
結果,藍國人因為技術未到家,而一直依靠既老手流失,
最好例子係藍國人果時守據點係係據點後面守
靠得人多自然怕死,就好似做保鑣企係人地後面保護人咁
藍國玩家一時無所依靠,國勢一落千丈.
相反綠國玩家一向屈居第2,自然唔會咁串,老賣好多
自封測以來,綠國雖然唔夠人打,但都少有砲嘴
加上綠國老手不斷培訓新手,人口雖少,但質素比藍國高
就係封國既機會下,大量入唔到藍國既新手入左第2既綠國
補充左足夠人手,打破左自封測以來最大既不利劣勢
而且綠國老手未走晒,又有d受過培訓既新手
綠國好快就反客為主,贏成萬分.
反覲失去支柱既藍國人,開始混亂.
一班牆頭草見藍國唔店,投靠綠國
一班平時砲嘴,繼續砲人,輸左就賴人
賴三賴四,賴最多係多新手打國戰
其他人又無能力打贏訓練過既綠國人
最後重任就落係大公會,其中最大有戰狼,sms,及我既<秘銀>
但係我既公會雖大,但上線率唔夠,加上技術唔夠,都唔係幾幫到手
雖然有諗過開班教下公會d人,但見到上線率,都係覺得晒氣而sms都無咩特別貢獻.
只有戰狼可以支持戰局,但係只有一d玩得較勁既新手不足打低綠國
最後,綠國獨大既局面出現.
夾在強國中間的小國
紅國係封測時人少又無咩老手,一直都係俾藍綠禁住打
弱勢情況到左公測,都無改變.
因為封測太弱,到左公測基本無人想入弱國俾人sm,
就算藍國俾人封左國,d人都係入晒綠國
紅國都係一樣少人.
更加有人話紅國有人輸唔起,打輸國戰砲嘴,紅國人應該同綠國交換
因為,綠國有名叫砲嘴獅
雖然紅國夾住俾人打,無咩作為
但係紅國竟然有權決定藍綠邊個可以第1
因為紅國可以決定只同邊個國打
雖然紅國集中戰力都係贏唔到,做左第3
但咁樣就可以俾一國攞晒紅國d分
結果,出現2國洗分,排斥一國既情況出現
紅國原意係集中戰力打國戰,因為紅國少人,根本唔夠人同時打2國
但俾有心人用左做要脅藍綠的王牌
睇唔順邊個國就唔同佢打,俾第2個國第一
開始係罷打藍國,因為藍國人士人品問題,令人反感,紅國唔肯同藍國打
期後,因為綠國太強,連藍國都唔夠打,紅國自然俾人sm
俾人sm多就唔想打,走左去打藍國
之後有時打綠有時打藍,總之唔順邊個國就唔打
間接咁影響藍綠第1既寶座
黑橙笑裡藏刀
公測開始時,黑橙d gm日日係game同玩家吹水,睇落好似好歡樂
過左一星期,更更新出大量uc機俾玩家.
一度俾到玩家覺得有誠意搞好隻game
但惡夢係之後不斷出現,
首先就係d人開始叫rt機更新太慢,有錢無地方用,出多d rt機俾人買
到左所謂s祭,玩家見到時雨就出,一度有好大期望
但係,一隻旦就打破玩家既希望
可惡既黑橙把時雨放入轉旦,原本rt機要抽
大量玩家怒罵黑橙,要求放返時雨入rt
黑橙死性不改,無視玩家要求
雖然官方出左個抽時雨既掛機活動,
但係得獎名單有人覺得做馬,而且唔係人人有份,
根本平息唔到玩家怒火
因為時雨事件玩家對黑橙不滿一直延續落去,
埋下大量玩家轉玩日服既伏線.
間諜風雲
唔知係公測某年某月某日開始,有人玩25仔
日服既人叫做工作員
三個國家都有人玩,
藍國話紅綠輸唔起,紅綠話藍國唔俾人攞分
最多25仔既行為係係自己友後面放火放台風
又有人係白頻叫人返去回血.既係大大叫對黎汁雞
雖然有人打死都唔信有間諜,
但好心人美甲拍左d片證明左
而且又有人掛機,俾人係重生係咁sm送分
遊戲入面一時烏煙瘴氣,
砲嘴人士又得勢,係到日日嘈
待續
後記@2010年5月4日
我覺得歷史好重要,打機之餘回憶返下之前.
雖然未必全部係好事,但一定有開心愉快既事
就算有衰野,都唔應避
雖然cb歷史依家好短,但其實當中因為代理問題
令到短短歷史下,都好多野發生
得閒回味下歷史,可以有好多感慨
其實我因為日服公會d人少on,連日服都唔想玩
但係寫歷史前幾日諗返hkf時的奮鬥史,以及同自己一齊玩既人,決定返hk玩
打機就係要一齊打先好玩,同d無咩溝通既日本人玩,我覺得我悶
日本仔可能讚緊你,你唔知道,佢罵緊你,你都唔知道
只有係hk玩,打完吹下水,先係玩online game既樂趣
所以,溝通係唔玩日服返hkf既最大原因
就算香港on9仔用粗口同你溝通,都係溝通
可能會覺得好火,但你真係覺得火,即係唔會打機打到悶
最後,我吹下歷史,除左發洩外
仲想俾cb玩家一個共嗚,希望唔好咁易放棄,走左既可以得閒返黎玩下
因為昨天的榮譽會成為明天的動力,過去的恥辱會成為未來的借鑒
[ 本帖最後由 aesope35248 於 11-4-1 09:58 PM 編輯 ] |
發表於 11-4-1 09:56 PM
